الجزة

ربنا طلب منى طلب اكبر من استيعابى
فتهربت من المسؤلية و عملت نفسي مش واخد بالى

وقلت لما ابقى اسمع صوته فى الموضوع ده
سمعت صوته كاسد بيزأر
عملت نفسي مش مميز صوته.
برضه مانفعش.

فى النهاية عقدتها لربنا
قلتله شوف ماهو لايمكن انا بكل ضعفاتى اعمل اللى طالبه منى
مش ممكن اكيد فى حاجة غلط.
ازاى اساعد المهزومين و انا مهزوم
ازاى ادعوا الناس للرب وللمسيح وانا متعثر فى خطواتى
ازاى اشفى المرضى وانا مريض
ازاى احرر المقيد وانا مقيد
ازاى افرح واحد وانا حزين
ازاى اعطى سلام لشخص وانا مضطرب.


فقلتله يارب لو جزة الصوف امتلات بالمياه وكل الارض جافة يبقى انت اللى دعتنى وانت اللى هاتقف معايا
تانى يوم وجدت الجزة غرقانه مياه كل اللى حواليها ارض جافة
قلتله يارب طيب لو لقيت الجزة جافة والارض مبلولة يبقى انت اللى دعتنى وانت اللى هاتقف معايا
لقيت الارض غرقانة مياه كان طوفان حصل والجزة عايمة فقويها وهى جافة.
ولفتت انظار الكثيرين انها اعجوبة ولانى عارف ماردتش ارد.


طلبت نار تنزل من السماء اشوفها بعينيا وبعدها اصدق انك انت اللى دعتنى وانت اللى هاتقف معايا
شوفت النار نازلة.
مابقاش غير اني اشوف ربنا و اضع يدى على المسامير واضع يدي فى جنبه بعدها اصدق انك انت اللى دعتنى وانت اللى هاتقف معايا


للاسف عارف انه هايعملها
عارف.


والان يارب انا مش عاوز اضيع فى وقت تانى و مش عاوز اجرب فيك تانى لانى ابتديت اترعب كل ما اطلب حاجة بتدل على ضعف ايمانى تعملها.
يارب سامحنى
انا هاغير صلاتى
يارب اللى عاوزة من حياتى اعملها انا فاتحلك الباب
لسة متمسك بالعالم وشهوات العالم
لسة خايف من العالم و احكام العالم
يارب لا استطيع ان اعدك انى هاتخلص من معوقاتى
بس ارجوك زيل كل المعوقات اللى منعانى منك
انا عارف انها مؤلمة و مرعبة
بس طمئنينتي انى بين اديك
امين


تامل فى قصة جدعون