ابوك السماوى مش انسان الى

فى واحد اسمه عم بشارة الراجل ده اب مثالى
له اولاد فى منتهى النضج و مثال جيد للشباب اللى يعرفوا ربنا معرفة حقيقية

كل الاولاد بيقفوا طابور امام الاب حوالى 9 مرات فى اليوم و كل واحد معاه ورقة وبيقرا منها

بابا انا بشكرك بابا انا بحبك.
القصة لم تنتهى لهزا الحد
احيانا بعض الابناء بيبقوا نايمين على نفسهم.
واحيانا بيبقى عندهم مشاكل
بس كل واحد بيغصب نفسه ويغصب ارادته علشان يقف يقول الكلمتين دول اللى فى الورقة.


فجاء عم بشارة اخز قرار
ان يطرد كل اولاده من البيت نهائيا وجاب شريط كاست يشتغل اتوماتك ويقول نفس الكلام اللى مكتوب فى الورقة.


طبعا انت فاكرنى بقول قصة خيالية
لا دى قصة حقيقية 100% موجودة فى ملايين من البشر على مر العصور.
عم بشارة ليس اب معتوها او شخص بلاقلب و لا هو انسان ألى او كمبيوتر
عم بشارة هو صورة الله المشوهة فى ازهان الكثيرين اللى افتكروا ان الله بيبقى طاير من السعادة وانت نايم على نفسك او بتقول نفس الكلام المحفوظ اللى بتقوله و انت سرحان و احيانا بتبقى مش عارف انت وصلت لفين او لمين.


الحق الالهى يقول
يو 4 : 24
الله روح (لا مكان يحده و لا زمان يحده)
والذين يسجدون له فبالروح ( فى اى وقت او فى اى مكان او فى اتجاه و لكن من القلب التاءب الخاشع المحب) والحق (بحسب وعود ربنا و بحسب الروح القدس) ينبغي أن يسجدوا».


المسيح فى عصره كان يكره التدين
المسيح علمنا اننا اولاد لالله الاب
ندعو خالقنا يا ابانا
يبقى نترك هزا الامتياز العظيم بانه اب محب و نبدل صورته بالانسان الالى
ارجوك ماتزعلش منى و لكن فكر فى الكلام ده وانا مش هازعل من اى تعليق لان الرب عارف قلوبنا جميعا