جهاد علشان ادخل فى "راحته" حياة راحة و سلام

كنت بتكلم مع مبشر بيصلى للناس فى الشوارع هو وزوجته منذ فترة طويلة
بقول له اعمل ايه لما المشاكل تضغط على نفسي واشعر بقلق و بخوف من المستقبل او اشعر انى مضغوط

قاللى انا عمرى مابيحصل معايا كدة ذهنى صافى تماما كانك بتنظر لبحر عميق بدون اى امواج.

( الكلام ده فكرنى بكنيث هيجن المبشر لما قال انى مرة انتهرت الخوف من حياتى وبعد اكثر من 40 سنة عمرى ماشعرت بالفشل او ياس او احباط)
فقلتله ازاى وصلت لكدة
فقال لى بالصلاة
قلتله ازاى؟؟
قاللى فى الاول كنت كل ما اصلى اشعر بحرب شديدة فى ذهنى
الى ان اخذت قرار انى اصلى ساعات كل يوم وجهاد علشان ادخل فى "راحته"
قاللى بعد عدة شهور من تكريس هذه الصلاة
مابقتش اشعر نهائيا بالضغوط ولا حرب الشياطين بشعر ان مجد الرب فوقى كخيمة
فى اى لحظة ابتدى اصلى اشعر بحضور الرب يملانى 100%


قاللى وده انعكس تماما على خدمتى
كنت فى الاول اوزع على الناس نبذات. يقرؤا صفحة منها بعد كدة يملوا بعد كدة يرموها فى الارض
ولما واحد يحاول يفهم و يسال الاقيه يجادل يجادل يجادل
لدرجة انى كرهت التبشير
ولكن بعد مامرت هذه الشهور اللى كنت بجاهد فيها فى الصلاة علشان ادخل فى راحته,.
دلوقت ابقى ماشي فى الشارع الناس هى اللى تيجى علشان تسمع كلمة ربنا و تمتلىء بالروح القدس و تشفى.


فى نفس اليوم اللى قاللى فيه الكلام ده اصدقاءه اخذوه على شاطىء البحر كفسحة سؤيعة قبل ان يسافر للولاية بتاعته
حكولى ازاى وهم قاعدين على الارض و بياكلوا كان في ناس بتبقى معدية تسلم علينا رغم اننا مانعرفهومش. وكان يتكلم معاهم ويحط ايده عليهم ويصليلهم
ومنها بنت امتلات باالروح وابتدأت تتكلم بالالسنة


 دلوقت الكلمة بتاعته غيرت تفكير الروحى تماما
ابتديت افهم ازاى الايمان مسنود على حاجتين
1- النعمة المجانية اللى اعطاها لنا الرب
2-جهاد المؤمن فى الارض.
ناس كثير تفضل تتكلم عن الجهاد اللى هو قهر الجسد و الحروب ضد الخطايا. فاصبح هناك الى حد ما تطرف صوفى فى معنى الجهاد.
وناس تانية فضلت تتكلم عن النعمة المجانية بشكل متطرف ايضا ناسسين ان المسيح مات للكل و مع ذلك استفاد بايمانه شريحة صغيره من العالم هم المسيحيين الذين قبلوه وملكوه حياتهم.
 


دلوقت انا فهمت الاتزان بين الجهاد و النعمة
الجهاد هو جهاد ضد ارادتى ورغبتى فى العالم فقط.
اى الجهاد هو انى اترك للرب مساحات اكثر فى حياتى لكى يملك عليها.
الجهاد هى المرحلة اللى اصارع فيها للدخول فى محضره و استمتع بسلامه.



تلخيص بطريقة اخرى
كل بركات الفداء لنا هو عطية مجانية 100%
ولكن يجب انك يا انسان تعمل شىء معين علشان تحصل عليه.
مثلا انا اب ووضعت ورث كبير جدا لابنى
ابنى 6 سنوات بالقانون لن يحصل على ورثه رغم انه مجانا.
كل المطلوب منه انه يكبر الى ان يصل لسن 20 سنة و بعدها سيحصل على ميراثه.
هكذا المسيح بعمله اعطى لنا ميراث عظيم
يجب ان ننمو فى نعمته لكى ندخل راحته
ربنا معاكم و يبارككم و يعلن مشيئته فيكم