سافرت حضرت مؤتمر لتوربون المبشر الديناماركى اللى بيشفي الناس بصلاة اقصر من 10 ثوان و بيقول فيها "****" مش مفسر كلامه لان ليه اكسنت قوية قوى بس عرفت بعد كدة بيقول "شكرا ايها الاب السماوى لاجل شفاءك"
فضل يتكلم فى عقيدة و كل كلمة يقولها يثبتها بفديوهات و شهادات حية من الجموع.
قال نفس الكلام اللى بيقوله المبشرين كلهم ان الشفاء الالهى للجميع .
بس قال حاجات غريبة قوى قال
1-الشخص اللى بتصليله لو ايمانه ضعيف او خاطىء او عنده شخص لايغفر له. مازال يمكن ان يشفى بمنتهى السهولة عن طريق ايمانك.
2-شرح ان الانسان المسيحى هو اللى بيتوب و بيتعمد وهو كبير على اسم يسوع المسيح و يمتلىء بالروح القدس و يصلى بالسنة.
3-قال ناس بتسالنى على اعادة المعمودية و لكن انا بقول لو انت ما تعمدش و على ايمانك وامنت ان المعمودية موت عن العالم و تاخز حياة جديدة. يجب ان تتعمد لان المعمودية فيها قوة واللى بيعمد الناس و هو مؤمن ان المعمودية رمز لاى شىء لن تفيده المعمودية ولن يرى القوة
4-قال ان الروح القدس اللى فى هو الروح القدس اللى فيك ماينفعش تعزم راس واحد عندك فى البيت ولاتعزم رجلين واحد يا اما تعزمه بالكامل او لأ هكزا الروح القدس.
الان جاء وقت العملى
قال اللى عاوز يتعمد يقف فى الطابور وقف حوالى 10 اشخاص.
اول وحدة فتاة شكلها عادى وجميلة وطيبة و ووديعة وكل اللى عاوز تقولوا
نزلت فى المعمودية واتغطست ولما خرجت لقيته بينتهر شخص ويقول له go go الفتاة وشها اتغير و جسمها ابتدا يترعش و ابتدأت تصرخ و شكل وشها بقى بشع و استمر واقل انا بامرك باسم يسوح ان تزهب فجاة هدئت الفتاة و فتحت عنيها وفرحت وضحكت وقالت ياه خرج منى!!
بعد كدة صلى لكى تمتلىء بالروح القدس و امتلأت و صلت بالسنة وكل الناس باركولها
عمد شخص اخر و قال نفس الكلام بعد المعمودية وهو حاطط ايده عليه قال ارحل ارحل مافيش اى حاجة حصلت بعد كدة صلى للامتلاء بعدها امتلأ بالروح القدس و صلى بالسنة
راح قال لنا شوفتم مش كل واحد بيبقى عليه روح شريرة و مش كل واحد بيظهر علىه هزه الروح اللى محتاجين فقط من التحرير هم اللى بيتحرروا.
وابتدانا نشوف ناس اخرى خرج من عليهم شياطين وناس اخرى امتلؤا بالروح القدس و صلوا بالالسنة.
بعد كدة قال لو فى اى حد ماعمدش مؤمنين يجي دلوقت ويعمد المؤمنين
وخلى الناس هى اللى اتعمد بعضها ويضعوا ايديهم ليصلوا لكى يقبلوا الروح القدس.
الجزء الاخر العملى
قال اللى مريض باى مرض يقف على هيئة طبور
فخرج حوالى 50 واحد (طبعا لو صلى لكل واحد 5 دقائق يبقى هاتفوتنا الطيارة
عمل شىء عجيب جدا.
قال لكل واحد مريض وواقف صلى للى جانبك او تطلب صلاة للى جانبك.
شوفت بعيني ناس عمرهم ماصلوا لاى حد خالص بل بالعكس فى بنت مريضة جدا و متحاربة و الشيطان مخليها مكتئبة. سمعت كلامه و عملت اللى قال لها حطت ايدها على اللى جنبها و كان عندها حساسية شديدة جدا فى الانف لاتستطيع التنفس بانفها معظم الوقت قالت اشكرك ايها الاب السماوى اشفى باسم يسوع. فشفيت تماما.
وحد شوفته لايستطيع رفع يده الا لمسافة صغيرة و الكتف الاخر فى الام مزمنة بمجرد وضع اليد من شخص اخر شفي تماما ورفع اديه الاتنين و كان فرحان.
وطبعا بسبب الضعف اللى فينا واللى فى تفكيرنا كلنا عاوزينه يصليلنا. مع انه اكد ان ده معتقد خطأ انت لاتحتاج لتوربون انت محتاج ايمان فى عمل المسيح.
وقال مش عيب ان ايمانك يكون ضعيف مش عيب انك ماتكونش عارف حاجات كتير. ده بالنسبة لربنا شىء عادى و هيستخدمك بقوة ولكن العيب كل العيب انك ماتنموش كل يوم يجب ان تنموا فى الايمان.
الايمان مش انك تقول يارب اعطينى انما انك تروح تصلى الى الاخرين لتحررهم من الشياطين وتشفى امراضهم الجسدية وتعمدهم و تملاهم بالروح القدس و بالتالى سترى كيف سيملاك الله مرة اخرى بقوة.
طبعا السؤال اللى دايما بيتسال كما لو كان واحد بيرمى مياه مثلجة على نيران لكى يطفئها. نفس السؤال الغلس اللى بياخدنا من قمة الايمان الى عمق سلطة ابليس من عدم ايمان.
السؤال "هل كل الناس شوفيت؟؟"
اللى انا شوفته بعينى حوالى 90% تم شفاءهم تماما.
وحوالى 10% تم شفاءهم جزئيا بمعنى شخص طالع بسبب رجل اقصر من رجل و الم فى الركبة والم فى الظهر الالم يشفى والرجل القصيرة تطول و لكن الم الركبة او القدم لايشفى.
فى ناس ابتدا الشفاء يحدث بمعنى ابتدا يشعر انه افضل وشاعر التحسن بيزيد مع الوقت.
تفسير النسبة التى لم تشفى
تفسيره جميل جدا جدا
قال لو المسيح موجود دلوقت سنشفى 100%
ولكننا اوعية والوعاء غير كامل.
نطلب ان الرب يزيد ايماننا.
النصف الاخر من الاجتماع لم احضره بسبب الطائرة وهو اخز حوالى 60 شخص للمدينة و يكلموا الناس بشكل عشوائى عن الشفاء وقبول المسيح ويصلوا لاجل شفاء الناس واللى يشفى يكلموه عن المسيح.
اللى شوفته فى اقل من 8 ساعات لم اره فى حياتى ال 42 سنة اللى عشتها.
ودلوقت عمال اقرا فى 3 كتب اللى كتبها بارشاد الرب عن "التعليم الصحيح" ده اسم الكتاب ربنا كان بيقول له كل يوم فصل و يوم الحد اجازة يقضيه مع العائلة.
يارب مجدا ليك يارب. استخدمنا لاجل اسمك
اكسر كل معوق فى حياتنا يمنعنا من ان نبشر باسمك. او نعمل اعمالك ليك كل المجد.
No comments:
Post a Comment