الصورة العائلية

الصورة العائلية جميلة جدا

خاصة لما تبقى متصور مع زوجتك ومع الاولاد

وتحمل طياتها عرفان بالجميل ان الله هو اللى بيخلقنا وبيجمعنا وبيوحدنا لمج اسمه
ولكن

كنت عمال اتامل فى الكاميرا وعدسة الكاميرة وسالت
ايه اللى بترصده عدسة الكاميرا

اظن انه اقل بكثير جدا من اللى يقدر يرصده الانسان
ممكن اصور صديق عزيز جدا وهو فرحان وبيضحك بس انا الوحيد اللى عارف انه بيتالم جدا جدا وبشكل رهيب
.
وفكرت اكثر فى عيون الله اللى بيشوف اعمق بكثير جدا من عيون البشر.
وتخيلت ان فى كاميرا سماوية بتصورنا على حقيقتنا

يعنى لو انا لابس شيك و فرحان و مستحمى كمان ( ) وعامل شعرى ومتصور جنب واحدة حلوة.
نقارنها بصورة السماء
هانبقى شكلنا ايه؟؟
فى الحقيقة هى دى تخيلاتى عن صور السماء
* ممكن تكون صورة سوداء من اولها لاخرها.
* ممكن تكون صورة قذرة و لها رائحة كريهة.
*ممكن تكون فيها ملامح لوحشية و دموية زى الحيوانات المفترسة اللى بنشوفها فى الغابات.
*ممكن يكن الشخص فى القاع ووحش طابق على قلبه وهو مش قادر يقاوم.


وممكن تكون حاجة تانية خالص خالص
* تكون صورتك هو شخص نورانى مليان مجد وبهاء لابس تاج وفى يديه اثار المسامير.
وانت وراه وهو فاتح يديه مغطيك
مغطيك بدمه و مغطيك بحبه و مغطيك بجماله و مغطيك بنوره.
يارب تكون كاميرا السماء بتصورنى صور لا اخزى منها