لو شلت ربنا هاتعوضه بايه؟؟

هنا فى الغرب المجتمع شال كلمة ربنا من المعادلة
وبسبب الاٍرهاب و تاريخ الديانات خاصة الدموى فكرة ربنا تقريبا انتهت

وبالتالى بيبقى فى حل لمل المشاكل عن طريق غير ربنا
لو فى اشكالية فلسفية مثل مين اللى خلقنا و جئنا ازاى تبقى الإجابة التطور و البيج بانج

لو فى مرض يبقى فى أدوية
لو فى تعب نفسي يبقى فى علاج نفسي
لو الانسان محتاج فرح وراحة يبقى فى تكنلوجيا ورفاهية
-----
لكن المشكلة اكبر بكثير جدا مماتخيلها الانسان
الفراغ اللى فى حياة الانسان اللى خرج ربنا من حياته اكبر ببلايين المرات من ان يفتكر او يتخيل
هذا الفراغ لايمكن ان تملؤه بالغرائز و الشهوات و العواطف و الأدوية و الصحة
----
والآن نحن نعيش فى مجتمع وصل الى قمة التكنولوجيا ومع ذلك حوالى ٧٥٪ من الناس عندهم اكتئاب وحالات الانتحار مرعبة و المحاولات الفشلة فى الانتحار مرعبة اكثر
---
طيب الحل ايه
هنا دخل قراءة الطالع
دخل الاتصال بالأرواح اللى هى شياطين لمعرفة الغيب
طلع قراءة الكف
طلع ملىء الانسان بالطاقة الإيجابية ( برضه شغل شياطين)
-----
فخرجنا بنتيجة عجيبة كل ما اتخيلها اتجنن
ازاى فى واحد مؤمن بالشيطان ولا يؤمن بوجود ربنا؟؟؟
الملحد الأصيل المفروض لايؤمن بالله او اشيطان او الأرواح او الغيبيات
لكن الان الغالبية لاتؤمن بالله لكنهم يؤمنوا بان يستقبلوا ويرسلوا طاقة ويشكروا صاحب الطاقة اللى هم مش عارفينه و يقوموا بحركات معينة لكى يستقبلوا هذه الطاقة
ازاى ناس تؤمن بالأرواح و تتعامل مع الأرواح ولا تؤمن بالله ؟؟؟
-------
الأعجب قوى لما تلاقى عدد كبير جدا من الناس يؤمنوا بالديانة الموحدة
ان الله يظهر للناس باسامى مختلفه بس هو نفس الشخص
واى واحد يتواصل معه يبقى كدة تمام
الله حاء بهذه الاسامى
بودا
كريشنا
يسوع
الله
وعدد الاسامى
------------------
فى الحقيقة اجمل جملة سمعتها من المبشر تود وايت اللى بيخدم فى الشوارع فى أمريكا
كان بيقول الكلمة دى
يوجد آلهة كثيرة جدا فى هذا العالم
ولكن يوجد يسوع المسيح واحد!
واضيف من عندى ويوجد ارواح كثيرة فى العالم ولكن يوجد روح قدس واحد