سؤال لكل الشباب الصغير الجميل

سؤال لكل الشباب الصغير الجميل

مين قال ان الصح هو انك تعمل اى حاجة فى اى حاجة علشان تثبت ان بباك ومامتك غلط؟؟

مين قال لك انك لم تئذى نفسك كدة يبقى بتنتقم منهم و لا بتغيظهم.

بباك ومامتك نصحوك.
انت شايف انهم غلط ده من حقك.
حقك 100% طبعا انت من جيل وهم من جيل واكيد فى حاجات كثيرة قوى انت بتبقى عارفها هم مش بيعرفوها ده طبعا وارد واكيد.
لكن ماتنكرش انهم بيحبوك ونفسهم انك تبقى احسن منهم.
هم اكثر الناس اخلاصا ودايما نصائحهم بتصب انهم عاوزين مصلحتك.
يعنى لو والدك او والدتك نصحوك نصيحة وانت مش عاجباك وده من حقك ماتحاولش تنكد عليهم. و تثبتلهم انهم من عصر الكهف و العصر الحجرى.
اما راى ربنا ده موضوع تانى خالص
اكرم اباك و امك التى هى اول وصية بوعد.


انا شخصيا اعرف واحد طيب قوى سنه كبير قوى وربنا مديله صحه كويسة
رغم انه اكثر من مرة تحصله مصيبة زى جلطة وشلل الا ان فى ايام قليلة تم شفاءه.
ودايما بيحكيلى عن اصدقائة اللى كلهم ماتوا مافيش مرة يحكيلى قصة الا و اكتشف ان كلهم ميتين المهم
اخر مرة زرناه حكا لنا حاجة غريبة قوى وهى ان والده لما كبر فى السن ماكانش بيروح عند اى حد من اخواته كان يروحل له فقط لانه كان بيخدموه و ياكلوه و كل شىء و دايما كان ابوه يدعيله.
فهمنا من قصته ان فعلا ربنا اطال بعمره بسبب بره بوالديه


وصدقنى لو وقعت فى مصيبة مش هاتلاقى حد من الشناكيت (مش عارف الكلمة دى لسة بتستخدم ولا لأ ) هايسعفك!