لو سالنا 1000 شخص منهم اباء و منهم شباب فى العشرينات و منهم مراهقين فى ال 16 ل 18 ومنهم اطفال 8-9 سنوات السؤال ده
"هل من حق الاب ان يجبر ابنه على عمل شىء فى مصلحة ابنه ومؤكد انه فى مصلجة ابنه؟؟ فى كل مراحل حياته؟"
مثلا هل الاب له الحق ان يجبر ابنه ان يشرب اللبن مرة الصبح و مرة باليل حتى سن ال80 من غير ما يفوت يوم واحد فى حياته؟؟
انا لو اب وعارف ان ممكن اجبر ابنى ان يترك اصحابه و يختار اصحاب كويسين طبعا هاوافق
لو عارف ان ابنى لازم يبطل يشر سجاير و اجبرته طبعا هوافق
لو عارف ان ابنى لازم يصلى ساعتين فى اليوم و يقرا الانجيل 3 ساعات طبعا هوافق
لو عارف انى هاجوزه اللى فى دماغي طبعا هوافق.
عندى استعداد اكتب مليون حاجة اجبر فيها ابنى عليها
السؤال البسيط رد فعل الاطفال و الشباب و المراهقين ايه؟
يمكن الاطفال يوافقوا بس اكيد المراهقين و الشباب سيختاروا ان يفعلوا فقط ماهو مقتنعين به
حتى الاباء اللى هايقولوا فكره هايله لو قلتله طيب احنا هانطبقها عليك لو سالنا بباك لو عايش او شخص كبير فى عائلتك زى والدك
هايقول لا ابدا.
طيب تخيلوا ان بعد كل الكلام الهبل فى هبل و المجنون جنان انه تم تطبيقه
هل سيفرح الاب ان ابنه يعمل الصح وهو حزين و مغموم طول اليوم؟
هل سيفرح الاب لما يجبر ابنه انه يقول له انا بحبك يابابا وعارف قد ايه انت تعبت علشانى؟؟
طيب نعكس الموضوع بالكامل
الاب ليس له اى قوة او سلطة على ابنه طالما وصل للبلوغ
كل اللى هايعمله الاب ان يفهمه الصح من الغلط ومخاطر الخطا و مكافأة الصح
ويتركه ولو احتاجه ابنه سيساعده الاب على قدر الامكان.
طيب لو القانون ده انطبق
وجاء شخص بالغ يقول لابوه يابابا انا بحبك لانك احسن اب
ولولاك ماكن لى حياة جيدة
ومقدر تعبك و مجهودك و رعايتى طول السنين
اظن ان الاب سيكون فى منتهى السعادة منتهى السعادة لانه اعطى ابنه كامل الحرية وابنه اختار ان يحب ابوه و اختار ان يعمل اى حاجة تفرح ابوه.
دلوقتى نيجى للنقطة المهمة
ناس كتير بتشتكى من ربنا
ليه الرب بيحترم ارادتنا و يتركنا نخطىء ونسبب لنفسنا مشاكل رهيبة؟
ليه ربنا مش بيعاقب الظالم فى لحظتها؟
ليه ربنا مش بيجبر الناس على الخلاص و قبول المسيح و المعمودية و قبول الروح القدس رغم انها امور تسبب مصيرنا فى الابدية
ليه لازم نسال ربنا عن البركات و نطلبها بدموع
ليه لازم يبقى فى لجاجة فى الصلاة
ليه ليه؟؟؟
السبب علشان لما تيجى وتقوله يارب انا بحبك قوي قوى
وانك اوبويا السماوى احن و اعظم اب فى الوجود
ونفسي اعمل اى شىء يرضيك
ساعتها بيبقى ربنا طاير من الفرح لانه لم يجبرك نهاءييييييا على عمل الخير وعمل الصالحات
No comments:
Post a Comment