مصدر الظلام هو شخص واحد (رسالة لكل متشكك فى محبة ربنا )

فى عدد كبير من الاصدقاء والاخوة دايما يسالوا نفس السؤال
هو ليه ربنا امرضنى مرة اخرى
او ليه ربنا سمح بالمصيبة دى
او ليه؟؟
كل اللى بيسالونى هم مش بيسالوا علشان يجادلوا هم بيسالوا لسبب بسيط انهم متحاربين. واول شىء بيحدث هو الشكوك.
++++++++++++++++
رغم انى اتكلمت عن الموضوع ده كثير
وان الشيطان فقط هو مصدر التجارب والالام و الحروب و الشر وليس الله
ولما بقول الشيطان مش مقصود انه بعمله المنفرد لانه يوجد ناس كثيرين ممكن يكونوا متورطين كاداه بيستخدمها الشيطان او فتحوا باب له
اى ان الشر فى الاساس هو عمل الشيطان ولكن مملكة الظلمة تستخدم اى انسان يقبل ان يكون اداه للشيطان.
و فى حالات خاصة ان الانسان المتجرب يكون ليس له اى دخل فى كل الامه اى يمون شخص بلا عيب و لكن برضه الشيطان يحاول يحاربه فى كل حياته
مثال يوسف الصديق
و يوحنا المعمدان
و الرب يسوع
و ناس كقيرين مثل العزراء مريم اللى شافت وحيدها بيحصل له كل ده واخرين
+++++++++++++++++
المهم
الشيطان فى الهجمات اللى بيعملها بيبقى ليه هدف واحد فقط
الشيطان لايهمه انك تتالم او ماتتالمش
لايهمه انك تبقى ناجح او تبقى فاشل على الاطلاق
والدليل على كدة ناس اشرار كثيرة جدا كانت ناجحة فى حياتها و صحتها الى ان اخزوا سلطات و تسببوا فى حروب قتلت الملايين
فالشيطان ماعندوش اى مشكلة انك تكون كويس او وحش
انك تكون جميل او قبيح
انك تكون غنى او فقير
على الاطلاق
الشيطان لو عارف انه لو سببلك الم ومرض وعجز هايخليك تقرب من ربنا اكثر و اكثر
سيتركك تماما.
كل اللى همه الشيطان حاجة واحدة فقط
ان تؤمن ان الله "بيكرهك"
او انه "شخص ظالم"
لان عارف كويس ان لو صورتك عن ربنا باظت هاتبقى عجينة في يده.
ولاجل زلك كل مرة انت تتالم فيها بتلاقى سؤال طبيعى جدا يظهر فى زهنك "هو ربنا فين؟ سايبنى ليه؟"
السؤال ده مش منك ده من العدو ولو انتهرته وقلت انا ابويا بيحبنى مش هايجى السؤال تانى فى زهنك لفترة
================
لو فهمت خطة الشيطان هاتعرف كويس جدا جدا ان تدافع عن نفسك
اهم اهم اهم اهم اهم اهم اهم اهم اهم اهم اهم اهم
حاجة عند الشيطان ان صورة ربننا تتشوه
ايه اللى عمله مع حواء؟
قال لها ربنا مش عاوزكم تبقوا مثله!!
يعنى بدل ما كان الرب هو الخالق و الاله و الاب
الشيطان وصفه بانه المنافس اللى بيغير!!!!
----------------------------------------------------------
هل السيد المسيح اتجرب؟؟
ايوة؟.
طيب هل الله الاب كان بيادبه بالتجارب و الامراض و الضيقات؟؟
لا؟
طيب الفكرة الشيطانية اللى ربنا بيضرب فىها الناس بالالام و الامراض جاءت منين؟؟
المسيح لما اتجرب 3 مرات تجارب بشعة ماتستهونش بتجرب الشيطان له على الجبل
مين اللى جرب الله الاب و لا الشيطان؟؟
طيب ليه بتوصف الله انه هو اللى جايبلك كل المصايب دى!!
-----------------------
مين اللى خان المسيح الله الاب و لا يهوزا لما الشيطان دخله؟؟
مين اللى جلد المسيح و حط فى راسه شوك وصلبه و قتله و ضربه بالحربة
هل الله الاب و لا الشيطان؟؟
مين اللى اختار قتال القتلة باراباس؟؟ و صلب المسيح الله الالب ولا الشيطان متمثل فى رجال الدين المثيرين للشعب الجاهل.؟؟
============================
طيب المسيح عمل كل ما راه الاب يعمل
يعنى لو المسيح شاف الله الاب بيعزب انسان بالاكتئاب
كان هايعزب الناس بالاكتئاب
لو شاف الله الاب بيجيب للناس حمى كان هو هايجبلهم حمى
لو شاف الله الاب بيعمل جنود بشر تقتل الناس بالسيوف كان هايعمل نفس الكلام
لو شاف الله بيلبس الناس شياطين كان هو برضه هايلبس الناس شياطين
لو شاف ان الله بيمنع الناس من الجواز كان هو برضه عمل كدة
لو شاف ان الله بيجوع الناس و يقتلهم من الجوع كان هايعمل كدة
--------------------------
السيد المسيح لما جاء على الارض
كان يفتح اعين العمى "هل هو بيعمل ضد ارادة الله الاب؟"
كان يشفى الصم والبكم "هل هو بيعمل ضد ارادة الله الاب؟"
كان يخرج الشياطين "هل هو بيعمل ضد ارادة الله الاب؟"
كان ياكل الجموع لما جاعت اكل مادى "هل هو بيعمل ضد ارادة الله الاب؟"
كان ينتهر المرض تماما كما ينتهر الشيطان "هل هو بيعمل ضد ارادة الله الاب؟"
==================================
هل انت لما بتزهب للطبيب لانك مريض وان ربنا هو اللى امرضك
تبقى انت بتعمل شىء ضد ارادة الله؟؟
باى منطق انت بتفكر؟؟؟
انا عارف باى منطق انت بتفكر
انت فشلت فى ايمانك
هى دى الحقيقة
وده طبيعى كلنا بنضعف فى الايمان
وتلاميز المسيح وبخوا المسيح وقالولوا اياهمك اننا نهلك
ولم سكت الريح انتهرهم وقال كيف لا ايمان لكم
انت انهزمت هى دى الحقيقة
كل الشكاوى اللى بتشتكيها على ربنا و انه هو اللى وهو اللى سمح وكان المفروض يعمل
كل ده دليل ان العدو افترسك علشان كدة بتقول كلامة
--------
الاخبار السارة يا اخى
مش علشان خسرت جولة تبقى خسرت الحرب لا
هنا بيتدخل الرب
يعطي صبر
يعطى مخرج
يعطى قوة.
لما تعرف من الرب نفسه قد ايه هو بيحبك وقد ايه هو بيتالم معاك
وتبتدى تاخد نعمة من الرب و قوة منه و تسمع صوته وتحارب الحرب بتاعتك
هاتهزم الشيطان وهاتساعد كثيرييين جدا و سيستخدمك الرب.
+++++++++++++++++
طيب مطلوب منك ايه وانت شاعر انك فى مفرمة
1- اعرف حبيبك واعرف عدوك (ربنا هو حبيبك والشيطان هو عدوك) اياك تعتبر ان
فى اى انسان هو عدوك - لو فى انسان عدوك هو ضحية واعمى.
2- سبح ربنا واقضى وقت معه
3- التصق باخوات مؤمنين حقيقيين يرفعوك
4- انتهر الالم و المرض بقوة كلمة و السلطان اللى مديهولك ربنا.
5- اطلب وجه الرب و اسمع صوته.
6-اعلن بصوت عالى انك ابن الرب و انك حبيبه و انك مشفى فى اسمه
7- اياك ان تلعن نفسك
اى تقول اى كلمة سلبية عليك او تصدق اى كلمة سلبية عليك بصيغة المضارع المستمر.
يعنى لو قلبك وجعك قول ان قلبى واجعنى فقط ماتقولش "قلبي دايما واجعنى او عمره ما هايخف او ..."
لو صحيت متضايق او مكتئب قول "انا متضايق" ولكن لاتقول "دايما بصحى مكتئب او انا على طول عندى اكتئاب"
من مخارج اللسان توجد حياة وموت
اياك تخرج الموت
وهو ان تقول على نفسك اى شىء سلبى او حتى تسمح ان احد يقول عليك شىء سلبي و تصدقه.
------------------------------------
نصيحة منى اظهر لعدو الخير انك مصر جدا جدا انك تحب الرب اكثر و تلجاله اكثر وتقرا فى الكتاب المقدس اكثر لو هو سببلك الام اكثر
ده لوحده كافي انه يحررك فى اقل من يوم واحد
وربنا يعطينا جميعا حكمة ونعمة و يكون كل شخص صحيحا
3 يو 1
الشيخ، إلى غايس الحبيب الذي أنا أحبه بالحق
2 أيها الحبيب، في كل شيء أروم أن تكون ناجحا وصحيحا، كما أن نفسك ناجحة