شركة القديسين

شركة القديسين شىء فى غاية الأهمية
ان يكون هناك اجتماع أسبوعى بتقضيه مع مؤمنين ممتلئين بالروح القدس
يشددوك و يصلوا معك ويعطوك كلمة ربنا اللى محتاجها شىء فى غاية الأهمية

-----
إياك تعيش مع ربنا بالفتونة
إياك لان الرب تعامل معاك بطريقة خاصة و مستمتع بالرب
انك تاخد قرار انك مايكونش ليك كنيسة او اجتماع أسبوعى او مايكونش هناك حلقة صلاة مع مؤمنين حقيقيين

--------------
اخر نصيحة
احترس من ان يكون حلقة الصلاة اللى حواليك ( المؤمنين اللى بنصلى معاهم فى اجتماعات خاصة ) مؤمنين بالاسم
لان سهل قوى واحد يجيب كام أية من الانجيل على كام تصرف شكله علشان يوهمك انه مؤمن حقيقي
لكن هل وقت الجد لما تبقى فى مشكلة كبيرة هل ستسمع منهم الإيمان ولا التشكك ؟؟
هل ليك صديق طول الوقت مش بتسمع منه غير شكاوي و تشكيك فى محبة الرب ؟؟
طول الوقت بيتهم الرب انه غير صالح وانه تارك أولاده؟
لو ليك شخص بالشكل ده
حبه و احترمه بس خلى فى عازل ومساحة معينة بينك و بينه
------
طبعا انا مَش بتكلم عن شخص ضعيف فى الإيمان و بيطلب مساعدة خالص
انا بتكلم عن شخص بمجرد الكلام معاه تجده بيخطف ويسرق كلمة الرب اللى فى قلبك
لو مالكش أصدقاء قريبين يصلوا و يتفقوا معك فى صلاة الاتفاق و يصلوا فى الروح
اطلب من الرب مثل هؤلاء الأصدقاء وهو سيمدك بأخوة حقيقيين
-----
فَقَبِلُوا كَلاَمَهُ بِفَرَحٍ، وَاعْتَمَدُوا، وَانْضَمَّ فِي ذلِكَ الْيَوْمِ نَحْوُ ثَلاَثَةِ آلاَفِ نَفْسٍ.وَكَانُوا يُواظِبُونَ عَلَى تَعْلِيمِ الرُّسُلِ، وَالشَّرِكَةِ، وَكَسْرِ الْخُبْزِ، وَالصَّلَوَاتِ.وَصَارَ خَوْفٌ فِي كُلِّ نَفْسٍ. وَكَانَتْ عَجَائِبُ وَآيَاتٌ كَثِيرَةٌ تُجْرَى عَلَى أَيْدِي الرُّسُلِ.وَجَمِيعُ الَّذِينَ آمَنُوا كَانُوا مَعًا، وَكَانَ عِنْدَهُمْ كُلُّ شَيْءٍ مُشْتَرَكًا.وَالأَمْلاَكُ وَالْمُقْتَنَيَاتُ كَانُوا يَبِيعُونَهَا وَيَقْسِمُونَهَا بَيْنَ الْجَمِيعِ، كَمَا يَكُونُ لِكُلِّ وَاحِدٍ احْتِيَاجٌ.وَكَانُوا كُلَّ يَوْمٍ يُواظِبُونَ فِي الْهَيْكَلِ بِنَفْسٍ وَاحِدَةٍ. وَإِذْ هُمْ يَكْسِرُونَ الْخُبْزَ فِي الْبُيُوتِ، كَانُوا يَتَنَاوَلُونَ الطَّعَامَ بِابْتِهَاجٍ وَبَسَاطَةِ قَلْبٍ،مُسَبِّحِينَ اللهَ، وَلَهُمْ نِعْمَةٌ لَدَى جَمِيعِ الشَّعْبِ. وَكَانَ الرَّبُّ كُلَّ يَوْمٍ يَضُمُّ إِلَى الْكَنِيسَةِ الَّذِينَ يَخْلُصُونَ ... (أعمال الرسل 2: 41 - 47 - الكتاب المقدس)