حول الصفحات التى تنشر مساوىء الكنيسة القبطية فقط

اخوتى الاعزاء كل عام وانتم بخير.
عندى نفس لسؤال اللى بسالة ولا احد يريد ان يجاوبنى

هزا المجهود الرائع فى اثبات ان تقليد الكنيسة القبطية خطا بيجيب كام واحد للمسيح؟؟

الكل بيجاوب على كل الاسئلة الا السؤال ده
.
انا مريت باختبارات كثيرة منها المؤلم ومنها المؤلم جدا ومنها المفرح ايضا فانا مش بالف سؤال او تشكك لمجرد طرح اشكالية.

ولكن من خبرتى القليلة فى الخدمة
ما اسهل ما اسهل ان تثبت للطرف الاخر انه خطأ
وما اصعب ان تكسبه للمسيح
شىء اسهل مايمكن. ممكن تروح لصفحة معمولة من جماعات الرهابية و شوف الجنان اللى بيكتبوه و ورد عليهم بالحجة و المنطق.
ولكن لما تثبت للطرف الاخر انه مخطىء هل انتهت خدمتك عند هزه النقطة؟؟


انا شخصيا عشت معظم حياتى فى الكنيسة القبطية و شوفت حاجات كثيرة كانت خاطئة وواضحة زى الشمس ولكنى لم ارى اى بديل
!
لما يجي واحد بروتستانتى و يقنعنى ان الكهنوت غلط والاسرار غلط و مسحة الميرون غلط ومعمودية الاطفال غلط و الاعتراف على يد كاهن غلط والشفاعة غلط و القديسين غلط ورفات القديسين غلط وظهورات القديسين غلط.والمزبح غلط والزبيحة غلط
ويجيب الانجيل من شرقه الى غربه لكى يثبت بالحجة و البرهان ان التعليم ده غلط
انا فى رايي المتواضع ان ده شخص يعمل ضد خطة ربنا هزا شخص يفرق.
ولو كان الطريقة دى بتجيب اى نتيجة كنت انا اول واحد اقتنعت ولكن لا.
انا ارى ان معظم الكنائس البروتستانت فى مصر هى كنائس تحولت الى مؤسسات تحتاج الى نهضة حقيقية.
ارى ان الكنائس الخمسينية هى اول كنيسة تحتاج ليوم الخمسين و ياريت يلغوا اسم الخمسينيين لانه مش حقيقي




لما تلاقى واحد بياكل اكل ملوث وعارف انه هايموته بعد سنة

هل يعقل تشيل منه الاكل و تخليه يموت فى اسبوع؟؟
هل ده معقول؟
هل ده شغل ناس عاقلين؟؟



هل يعقل ان اى شخص يترك الكنيسة القبطية ويروح اى كنيسة بروتستانت يلاقى الخلافات غريبة و تطاحنت مزهلة و ان المسيح مهزوم اىضا؟؟
انا كل اللى شايفه فى مصر خدمات حية وليست كنائس اى انه يوجد اشخاص ممتلئين من روح الله مثل خدمة د. نادر شوقى او خدمة ابونا مكارى او الاب سمعان فى المقطم او خدمات سامح موريس
ومعظم هؤلاء لايتفرغوا لاثبات ان الطرف الاخر خطأ.


اقوى طريقة تنزع بها شخص من غيبوبتة الروحية ومن اكله المسمم ان تقدم له الاكل الجيد الصحى فقط.
ولما يزوق هايعرف الفرق
ولما يعرف الفرق هايبتدىء يسال و هنا ممكن نستخدم كل المراجع و الكلام ده.


شوفت ناس عرفوا ربنا عن طريق اخ وضع يده وصلى صلاة الايمان "القصيرة التى لاتتعدى ال 30 ثانية" باسم الرب يسوع وشفى من مرضه.
شوفت ناس مدمنين هرويين شوفوا تماما لما اتعمدوا بالمياة وامتلؤا بالروح القدس.
شوفت عشرات الناس تاتى للمسيح لان تم تحريرهم من الامراض و ربط الشياطين و الاكتئاب و التوتر.


السيد المسيح استخدم حجه واضحة
قال لو لاتصدقوا كلامى صدقوا اعمالى!!
هل يوجد شخص واحد فى هزه الصفحة يقدر ان يستخدم هزه الحجة؟


لولا ان الرب اعلن لى فى رؤيا انه بيعمدنى باالروح القدس كنت لايمكن هاعرف الاختبار
ومش مصدق ان فى ناس كثيرين من الكنيسة الخمسينية والرسولية كنت اتعامل معهم ولم يخبرنى اى شخص بهزا.


ارجوكم ماتفهموش كلامى غلط
انا مقدر المجهود الخرافى للبحث فى كل هزه المراجع انا شخصيا استفدت كثير جدا
بس عمرى ما اكلم شخص عن اى شيء غلط فى كنيسته الا بعد ما اكون قدمت له الاكل الجيد
الشفاء الالهى
التحرير
السلام
الفرح
مغفرة الخطايا والتوبة
لازم اخليه يرى ويزوق ما اطيب الرب الحقيقي مش الرب الميت بسبب التقليد.


نفسي مرة الاقى حد كاتب ازاى كمؤمن اسمع صوت ربنا بوضوح.
مازا افعل وسط التجارب الشديدة
مازا افعل كى اقرا الكتاب المقدس بارشاد الروح وليس دراسة عقلية
مازا افعل لو انا او اخد اقاربي مرض بمرض للموت
كيف امتلىء بالروح القدس
كيف اصلى بالسنة
كيف انال موهبة وعطية اخدم بها الرب
كيف الهب الروح القدس في.
نحن الان فى نهاية سنة 2014
احيانا يجب ان نراجع انفسنا ونطلب من الروح القدس ان يرشدنا لكى نربح النفوس
وكل عام وانتم بخير

انجيل سانتا

الانجيل الخامس
هو انجيل اسمه انجيل سانتا
فيه مولد سيدنا سنتا عليه السلام
مولده ونشاته
وخدماته و فيه قصة الغزال اللى بالانف الاحمر
وازاى كان بيطير و يرمى هدايا من الدفاية

الغريب والعجيب واللى مايخطرش على باب حد
ان المسيحيين فى كل انحاء العالم نسوا قصة المسيح و مولده فى البشائر الاربعة ومش بيحتفلوا الا بانجيل سيدنا سنتا!!!!


كل سنة وانتم طيبين بمناسبة مولد الطفل يسوع فى مزود البقر كافقر الناس فى العالم

سبب اخر للالحاد

طبيعى ان اجد شخص اعتقد فى الإلحاد بسبب ان إيمانه بربنا كان إيمان فاتر وبعد ذلك سمع او رأى او تطلع على أفكار الحادية و اقتنع بها

ولكن الغير طبيعي ان شخص فرحان قوى انه ملحد لمجرد انه يبقى كوووول او مثقف أو متنور او مش متخلف

فعلا شر البلية ما يضحك
 
زى ما بنعانى من مؤمنين غير حقيقيين يسيئوا للإيمان

بنعانى من ملحدين ليسوا عن اقتناع يسيئوا للإلحاد
 
وربنا هو اللى بينور عيوننا جميعا

للاسف الشديد موجود ولازم يتغير

من غرائب المصريين اننا من اكثر الشعوب تدينا ومن اكثر الشعوب (لا تعرف الرحمة)
فالمراة الغير متزوجة
واللى مش بتخلف
واللى مطلقة

هم درجة تانية
او لو شخص تعبان نفسيا
فهو درجة عاشرة

مفتدين الوقت

لواحد بيحاول يسرق اى وقت علشان ربنا وسط إشغاليات كثيرة
صلاة قبل النوم والواحد تعبان وبيفتح عنيه بالعافية
صلاة الصبح نصها مع الفطار و النص الاخر فى مشوارى للشغل
وعظة علي سدي او النت
ترنيمة والواحد شغال

لكن فى الحقيقية ان ما نعمله لحياتنا الروحية هو ما سيبقى لنا فى الآبدية وهى دى اللى هاتبقالنا

ليه الدنيا ماتتعكسش
الواحد يعمل خلوة و يدى وقت لربنا فى أفضل وقت فى اليوم وهو صاحى و فايق
يقرا الانجيل فى مكان هادى ويخصص و قت لسماع صوت ربنا

ويرتب أولوياته ترتيب سليم مش الخير للعالم و الفتات للخالق
ربنا يرحمنا

رسالة لكل الآباء والأمهات و الشباب "الاكتئاب"

الاكتئاب و التوتر و القلق. والإيمان

رسالة لكل الآباء والأمهات و الشباب

أرجوكم لو انت او أولادك او أقاربك او اى شخص تعرفه تعبان سواء مكتئب او متوتر
لفترة طويلة اكثر من شهر و الأعراض أصبحت مستمرة

 
ليس عيبا و لا كارثة ان تذهب لطبيب لعلاج

إياك تقول انا الناس ها تقول على ايه
او بنتى ممكن تتجوز ازاى لو أتعرف انها راحت لطبيب نفسي
او ازاى أقول الكلام ده لأخى ده ممكن يزعل منى
ربنا هو اللى خلق العلاج وكما نصلى و نطلب تدخل الرب فى ضعفنا ونأخذ أدوية مضادات حيوية او غيره
هكذا الاكتئاب زيه زى اى مرض اخر
يحتاج لعلاج بالأدوية للتخفيف على المريض الأعراض و محتاج مشورة

وفكرة ان الدواء خطر على الانسان لانه بيدمن الكلام ده خاطىء ١٠٠٪
او ان الأدوية مش للسن ده. يبقى الطبيب هو اللى يقرر

لكن علشان تروح لواحد خادم فى الكنيسة او وأخد كورس مشورة او توديه الدير

يومين وتبقى فاكر انك ريحت ضميرك ده خطا فادح 

ياريت نغير طريقة تفكيرنا ونرحم أنفسنا ونرحم الاخرين

يوجد رجاء

لما الطبيب يقول مافيش فائدة
لما المحامي يقول مافيش فائدة
لما النتيجة تبقى صفر
لما العمر يقول مافيش فائدة

لما تجرب كل شىء فى الليسته اللى كاتبها وكل الاختيارات و الطرق و الأبواب فشلت
 

يوجد رجاء فى شخص له عند الموت مخارج
يفتح ولا احد يغلق
واكتب الى ملاك الكنيسة التي في فيلادلفيا. هذا يقوله القدوس الحق الذي له مفتاح داود الذي يفتح ولا احد يغلق ويغلق ولا احد يفتح (رؤيا يوحنا 3: 7 - AraSVD)

الاله الشافى هو فادى البشرية من كل شىء يهتم بجسده زى روحه بالظبط

قصة رمزية تعكس تفكيرنا او تفكيرمعظمنا فى وقت التجارب والالام المبرحة.

فى شاب كان له علاقة كويسة مع ربنا

بيحضر الكنيسة بانتظام و بيقرا قصص القديسين و حافظ مجموعة من الآيات وبيعترف وبيتناول بانتظام

صحى مرة من النوم وجد نفسه مريض بفيرس نادر بيهاجم خلايا الجسم

ذهب للدكتور وأخذ علاج و لكن للأسف ظل مريضا يوم بعد يوم أسبوع بعد أسبوع شهر بعد شهر سنة بعد سنة و هو بيتالم الام شديدة و مرضه بيزيد

كان فى الاول مؤمن ان علاج الأطباء لازم ها يجيب نتيجة المسالة كلها مسالة وقت خاصة وان الطب تقدم جدا فى هزه الايام

وكان بيصلى ان ربنا يرشده للطبيب الكويس و يدى حكمة للطبيب


ولكن لما كل الاطباء  المتخصصين قالوا له احنا اسفين لاعلاج لحالتك وستعيش الكام سنة اللى فاضلة فى حياتك على المسكنات 

ايقن وقتها ان هزا هو وقت الايمان  فقط الايمان

وبعد سنتين اول مرة يفكر فيها ان يطلب بدموع من الرب انيشفىه و ابتدا يطلب الشفاء الالهى

ابتدا يطلب من اصدقاءه المقربين و خدام الكنيسة الصلاة لاجله ولكن للاسف لم يحدث اي تغيير.

ابتدا بعدها يزهب لاماكن فيها بركات القديسين مثلا لاديرة والمزارات وصلى كثيرا ولم يحدث شىء.

طلب من اب اعترافه ان يصلى لاجله صلى الكاهن من كل قلب هو لكن لم يحدث شيئا.

عرف ان فى اجتماع صلاة فى الكنيسة اسبوعى ابتدا يطبلب من الاصدقاء الصلاة لاجله ولكن لا جدوى

الى ان حدث شىء غريب جدا

وهو ان واعظ من اشهر الوعاظ  زاره فى فراش مرضه لكى يوعظه وعظه محتاجها هزا الاخ المريض لان قصته وقصة مرضه ابتدات تشتهر.

قال له يا ابنى ربنا مهتم بحياتك الروحية و حياتك الابدية فقط مش الجسد.  هزا الجسد سيزهب للقبر اما روحك فهي ستعيش الابدية

ربنا بيجربك و بيادبك و يده ثقيلة عليك لكى تتوب عن خطاياك

على قدر قسوة وصعوبة الكلمات لكن على الاقل فهم الاخ المريض السر  الكبير المخفى ابتدا يعرف راسه من رجليه واسرع بالتوبة والصيام والدموع والاعتراف بكل خطية والتقرب من الاسرار الالهية.

  وبعدها صلى من كل قلبه لكى يشفيه الرب ولكن لم يحدث شيءا.

كأن لا احد يستطيع الوقوف امام عناد هزا  المرض

ابتدا الاهل و الاصدقاء والخدام يزهقوا من الصلاة لهزا الاخ المريض

وابتدا الاخ المريض يكتئب و يصلى  يارب ليه مش عاوز ترفع التجربة رغم انى توبت عن كل خطاياي؟؟

وشعر انه لازم يكلم الواعظ المشهور مرة اخرى

قال له الواعظ المشهور انت عملت الى عليك بس ده صليب وارادة ربنا!!

ربنا حكم عليك بالامجاد السماوية يعنى يا اما هاتموت بالمرض وتدخل الملكوت يا اما ستحمل الصليب المؤلم زى بولس و زى ايوب فربنا بيعلمك الصبر وهايبقالك اكليل فى السماء.

كانت هزه الكلمات كالصاعقة على الاخ المريض

يعنى ايه؟ مش هاخف ؟ هاعيش حياتى كلها كدة؟؟

حياة ابدية ايه اللى بتتكلم عليها ده فى احتمال انى اموت نفسي واخسر ابديتى وحياتى على الارض

شعر الاخ المريض ان الواعظ لانه ماعندوش حاجة يعملها اويقولها قال الكلام ده

ولانه غير منكسر القلب ولا شاعر بالامه  قال الكلام ده

ولكن لما سمع نفس الكلام من الخدام والكهنة ابتدأ يبطل مقاومة و يهىء نفسه لمواجهة الحقيقة انه سيحمل الصليب الى الممات.

ولكن سمع عن اجتماعات روحية فى بعض كناءس البروتستانت وفكر وقال يعنى ايه المشكلة؟؟ ما اجرب يمكن راعى او اخ فى الايمان يصلى لى و يشفينى مش كله فى المسيح؟

حضر اجتماع فى كنيسة غير طائفية وكان الواعظ فيه يتكلم عن المسيح المخلص من الخطايا

وكان ينتظر ان يسمع ان المسيح مخلص الجسد من المرض والمعاناه لكنه لم يسمع اى شىء.

وفى نهاية الوعظة زهب للراعى وقال له انا مريض جدا ممكن تصليلى فالراعى اشفق عليه وقال له قوى قوى

ووضع يده عليه و صلى وقال يارب اشفى الاخ فلان لانه مريض و بعد صلاة حوالى 10 دقائق

ساله الراعى انت رحت لدكاتره ؟؟ قال له طبعا وكلهم متخصصين

قال له الراعى طيب ربنا يعطى حكمة للدكاترة و يعرفوا عندك ايه!!

ولم يحدث شىء و لم يشفى الاخ المريض و شعر انه رجع تانى لنقطة الصفر.

و امله ابتدا يفتر سواء من كنيسته او الطوائف الاخرى

الى ان فى يوم من الايام جاءت له فكرة غريبة ان يقرأ الانجيل بنفسه ويبتدى يتعرف على هزا الاله اللى بيعزب الناس على الارض الى ان يخلصوا ويدخلوا السماء.

وجد فى الكتاب المقدس الاتى:

1- السيد المسيح شفى كل كل اللى طلبوا منه شفاء ولم يخز شخص ابدا (حتى الغير يهود)

2- اكثر من 33% من خدمة المسيح على الارض كانت شفاء.

3- المسيح صنع معجزات كثيرة مادية لناس على الارض لاجل منفعتهم المادية و بتنعكس روحيا على حياتهم زى اطعام الجموع وتحويل الماء الى خمر.

4-تعامل مع المرض زى ربط الشيطان للناس واخرج الشياطين و انتهرهم طردهم كما يطرد الامراض

5-قال على نفسه انه مش بيتغير.

6-يحب ان يتكلم مع اولاده.

6-كل مواهب الروح القدس للكنيسة ومنها مواهب (بالجمع) شفاء المرضى.

7-بحكم الانجيل اننا نحى فى عصر اقوى من عصر السيد المسيح على الارض  هو عصر الروح القدس وهوبنفسه خير التلاميز بين وجوده معاهم وبين ارساله الروح القدس و اختار ان يزهب لكى يرسل الروح القدس

8-عصر الرسل فى اعمال الرسل كان تنفيز عملى لكل وصايا المسيح فلمازا اختفى؟

9- ؟ايه قصة الامتلاء بالروح القدس و قصة التكلم او الصلاة  بالالسنة ؟؟ اللى عمالة تتكرر كثير جدا فى اعمال الرسل و الرساءل.

10-يعنى ايه كلام علم ويعنى ايه كلام حكمة؟


توصل الاخ المريض الى هزه النتيجة

1. يا اما الانجيل كزب وخداع.
2. او الله غير موجود اصلا.
3. او الانجيل صادق والله موجود بس فى مشكلة فى ايماننا

ولكنى لن اقبل انجيل اخر لم يكتب.

انجيل فيه الله بيعزب الناس على الارض علشان يدخلواالسماء
انجيل فيه الله ليه حكمة فى خلق الناس مشوهيين و سامح بالحوادث والبراكين و الزلازل والامراض المستعصية الجسدية والنفسية و التجارب والضيقات

بعدها فكر الاخ المريض فى شىء غريب جدا وهو ان يسمع صوت الرب
وفضل يصلى كل يوم يارب سمعنى صوتك اظهرلى ولو لمرة فى حياتى يمكن ارتاح لما تجاوبلى على كل اسالتى.

وفى يوم الايام اتصل به شخص قريب منه وقال له تعال ده فى اجتماع روحى عاوزينك تحضره معانا

زهب هزا الاخ المريض وجد مكان فقير جدا وفيه خادم كان بياخز خلوته
ودار هزا الحوار.

وقال له الخادم  انت جاى ليه؟

فقال له الاخ عاوز حد يعرفنى على ربنا ويصالحنى عليه لانى مضروب و مسحوق

فساله رجل الله هل تؤمن بيسوع المسيح فقال له نعم
فقال رجل الله يعنى مؤمن انه بيشفى الامراض؟
فقال له الاخ المريض طبعا

فقال له رجل الله انا قصدى انت مؤمن انه بيشفى الامراضلحد دلوقت؟؟
فقال له طبعا هو يعمل اى شىء!

فقال له رجل الله انا مش قصدى
انا قصدى انت مؤمن ان المسيح موجود وممكن يصنعمعاك  معجزة وهو عاوز ويريد ان يصنع معاك معجزة  الان  الان !!!  ؟؟؟

فقال له الاخ المريض يااه!! !!

هو ده الكلام اللى نفسي اسمعه من زمان ايوه ايوه ياابى ايوة

فقال رجل الله يااه ده انت عندك ايمان كافى علشان المعجزة  تحصل فوضع رجل الله يده على المريض وقال له

اشفى باسم يسوع المسيح

فشفي الاخ المخلص

شفى من صلاة لم تكن اكثر من نصف دقيقة
اقل من 30 ثاية تم شفاءه بعد سنين من المعاناه هووعائلته

لقد عرف هزا الاخ المخلص ان الانجيل الحقيقى لن تجده فى الكناءس او عند الرعاه بسهولة.

انما يجب ان تفتش باجتهاد و شغف الى ان تلاقيه

هزا الاخ المخلص عرف ان الاله الشافى مازال يشفى ويريد ان يشفى اكثر مننا وانه اله متكلم وليس اله صامت 

ممكن يتكلم وهو يريد ان يتكلم

الاله الشافى يهتم بجسده زى روحه بالظبط

الاله الشافى هو فادى البشرية من كل شىء

وهو احن جدا  من اى اب على الارض

هو يشفى الجسد ويشفى منكسر القلب و يشفى الجريح و الضعيفوالمنهك
لانه الشافى هو يهوة رفاه

طوبى لكل شخص يتعرف على مخلصه من خلال اختبار شخصى

امين

شيك مستنى الصرف

الامتلاء بالروح القدس و الشفاء الآلهى لكل الناس
المسيح دفع تمنه عنى وعنك ولذلك الرب يشتاق و يريد جدا ان يملاك بالروح القدس و انه يشفيك

لانه دفع التمن
دفع تمن توبتك
دفع تمن عطية الروح
دفع تمن شفاءك

كل واحد مننا معاه الشيك و بإرادتنا ان نصرفه او لا

أيقونة يوم الخمسين غير دقيقة

يوم الخمسين والعشاء الربانى

توجد كنائس كثيرة تحب ان ترسم صور وأيقونات لأحداث فى الكتاب المقدس ولكن للأسف احيانا يرسموا بحسب العقيدة التى يؤمنوا بها وليس ماهو أصلى

وأكثر مثال عن هذا كان فى أيقونة يوم الخمسين و العشاء الربانى

أيقونة يوم الخمسين
الشائع هو عبارة عن أيقونة بها ١٢ رجل و العذراء فى وسطهم و السنة النار تحل على العذراء بشدة و من حولها
أيقونة اخرى فيها المريمات و ١٢ رجل فقط
وأيقونة اخرى عجيبة فيها ال ١٢ رجل لابسين زى موحد
ويمكن فى المستقبل سنرى الرسل لابسين لبس شبيه بلبس البطرك
لو نقارن هذه الصور بالحق الآلهى

نجد ١٢٠ شخص اى ١٠ * ١٢ شخص كانوا موجودين فى يوم الخمسين و ليس الرسل فقط كما تعلم الأيقونة

حتى يسطس الذي لم يختار تلميذ بل اختاروا متياس مكانه نال عطية الروح لان عطية الروح القدس للجميع وليست حكرا على احد
"
اع 2
14 هؤلاء كلهم كانوا يواظبون بنفس واحدة على الصلاة والطلبة، مع النساء، ومريم أم يسوع، ومع إخوته
15 وفي تلك الأيام قام بطرس في وسط التلاميذ، وكان عدة أسماء معا نحو مئة وعشرين. فقال"

ايات فى ايقونة

" لأن جسدي مأكل حق ودمي مشرب حق. من يأكل جسدي ويشرب دمي يثبت في وأنا فيه."
اري هذه الاية مكتوبة على صور وايقونات العشاء الرباني

مازلت شاعر ان التعليم بعقيدة معينة عن طريق الصور خاصة لما تكون غير دقيقة يجعلنا نفكر ونراجع هذه الصور

هذا هو المقطع الذى اخذت منه الاية

كانت وعظة للمسيح ليس لها اي علاقة بالعشاء الاخير ولو فسرها اى شخص على انها تشير للعشاء الربانى ماعنديش اي مشكلة

ولكن المشكلة الحقيقية لما اكتب هذه الاية على صورة العشاء فيصبح تعليم ان المسيح قال هذا وقت العشاء وهذا لم يحدث

يو 6 فكان اليهود يتذمرون عليه لأنه قال: «أنا هو الخبز الذي نزل من السماء».
42 وقالوا: «أليس هذا هو يسوع بن يوسف، الذي نحن عارفون بأبيه وأمه؟ فكيف يقول هذا: إني نزلت من السماء؟»
43 فأجاب يسوع وقال لهم: «لا تتذمروا فيما بينكم.
44 لا يقدر أحد أن يقبل إلي إن لم يجتذبه الآب الذي أرسلني، وأنا أقيمه في اليوم الأخير.
45 إنه مكتوب في الأنبياء: ويكون الجميع متعلمين من الله. فكل من سمع من الآب وتعلم يقبل إلي.
46 ليس أن أحدا رأى الآب إلا الذي من الله. هذا قد رأى الآب.
47 الحق الحق أقول لكم: من يؤمن بي فله حياة أبدية.
48 أنا هو خبز الحياة.
49 آباؤكم أكلوا المن في البرية وماتوا.
50 هذا هو الخبز النازل من السماء، لكي يأكل منه الإنسان ولا يموت.
51 أنا هو الخبز الحي الذي نزل من السماء. إن أكل أحد من هذا الخبز يحيا إلى الأبد. والخبز الذي أنا أعطي هو جسدي الذي أبذله من أجل حياة العالم».
52 فخاصم اليهود بعضهم بعضا قائلين: «كيف يقدر هذا أن يعطينا جسده لنأكل؟»
53 فقال لهم يسوع: «الحق الحق أقول لكم: إن لم تأكلوا جسد ابن الإنسان وتشربوا دمه، فليس لكم حياة فيكم.
54 من يأكل جسدي ويشرب دمي فله حياة أبدية، وأنا أقيمه في اليوم الأخير،
55 لأن جسدي مأكل حق ودمي مشرب حق.
56 من يأكل جسدي ويشرب دمي يثبت في وأنا فيه.
57 كما أرسلني الآب الحي، وأنا حي بالآب، فمن يأكلني فهو يحيا بي.
58 هذا هو الخبز الذي نزل من السماء. ليس كما أكل آباؤكم المن وماتوا. من يأكل هذا الخبز فإنه يحيا إلى الأبد».
59 قال هذا في المجمع وهو يعلم في كفرناحوم.

شفاء الهى للكل المسيحى و الغير مسيحي

لو الرب يسوع لم يشفى شخص واحد او اخر شفائه فترة

كنا رمينا كل حالات الناس اللى لم تشفى فى هذا الاستثناء ولكن

كل اللى طلبوا منه الشفاء شفاهم لم يستثنى اى شخص او اجل شفاء اى شخص

وبالتالى فليس لنا اى حجة

فمن الأفضل ان نبحث عن السبب الحقيقى لعدم شفائنا ويكون لنا إيمان وتصديق فى عمل الرب


منقول من خدمة شفاء

تلوم الرب لكى تتبرر انت؟

في كل مرة ألوم الرب، أو اشكو من مشاكلي
لا زكر ابدا اى تقصير من ناحيتى

لا اذكر كم الخطايا ولا عصيانى وعنادى مع ربنا ابدا

.

لا ازكر مدى المسافة اللى دفعت فيها الرب وبعدته عنى ابدا
.
لا اذكر كم عدد الأيام والأسابيع والأشهر و الرب كان يطرق باب قلبي، وأنا حتى لم التفت اليه
.
في نفس الوقت الرب هو ذلك الشخص الطيب الحنين
.
انه لا يفضحنى علانية امام اى شخص حتى قديسيه الروحيين الممتلءين بالروح ولهم كلمة نبوة وكلمة علم ولهم شفافية.
فما هى النتيجة
نتيجة سيئة جدا و سهلة جدا.


"تبرير نفسي"، أمام الشعب والرب!
لذلك أنا أصبحت شهادة جيدة جدا للشيطان!، وليس شهادة جيدة للرب
شفتى تسبح الرب اما قلبى فبعييد جدا عنه.
يعتقد الناس انى مؤمن حقيقى وان يد الرب ثقيلة على لمازا يارب ابنك محارب بالام شديدة و انت لاتحركها باصبعك؟

وهزا ليس عدلا لان الله تم لومه رغم ان حبه لى لايفضحنى الرب يحمى مشاعرى ولا يتكلم علنا عن خطاياي

ولكنى اشتكى علنا من كل الامى.
الان يارب عرفت مازا افعل
اتوب توبه من القلب ولا اسبحك بشفتى فقط بل بكل قلبى



مز 51
لإمام المغنين. مزمور لداود عندما جاء إليه ناثان النبي بعد ما دخل إلى بثشبع
ارحمني يا الله حسب رحمتك. حسب كثرة رأفتك امح معاصي
2 اغسلني كثيرا من إثمي، ومن خطيتي طهرني
3 لأني عارف بمعاصي، وخطيتي أمامي دائما
4 إليك وحدك أخطأت، والشر قدام عينيك صنعت، لكي تتبرر في أقوالك، وتزكو في قضائك
5 هأنذا بالإثم صورت، وبالخطية حبلت بي أمي
6 ها قد سررت بالحق في الباطن، ففي السريرة تعرفني حكمة
7 طهرني بالزوفا فأطهر . اغسلني فأبيض أكثر من الثلج
8 أسمعني سرورا وفرحا ، فتبتهج عظام سحقتها
9 استر وجهك عن خطاياي ، وامح كل آثامي
10 قلبا نقيا اخلق في يا الله، وروحا مستقيما جدد في داخلي
11 لا تطرحني من قدام وجهك، وروحك القدوس لا تنزعه مني
12 رد لي بهجة خلاصك، وبروح منتدبة اعضدني
13 فأعلم الأثمة طرقك، والخطاة إليك يرجعون
14 نجني من الدماء يا الله، إله خلاصي، فيسبح لساني برك
15 يارب افتح شفتي، فيخبر فمي بتسبيحك
16 لأنك لا تسر بذبيحة وإلا فكنت أقدمها. بمحرقة لا ترضى
17 ذبائح الله هي روح منكسرة. القلب المنكسر والمنسحق يا الله لا تحتقره
18 أحسن برضاك إلى صهيون. ابن أسوار أورشليم
19 حينئذ تسر بذبائح البر، محرقة وتقدمة تامة. حينئذ يصعدون على مذبحك عجولا

مسيح تانى مانعرفهوش مسيح القرن 21

المسيح يشفى كل المرضى منز 2000 سنة
بس مسيح ال قرن 21 بيشفى بعض المرضى حسب مشيئته

المسيح يملاء المؤمنين بالروح القدس وثمارة ومواهبه الاعجازية

بس مسيح ال قرن 21 اوقف مواهب الروح لان الكنيسة خلاص اتبنت؟؟ او بمعنى اخر لايوجد شخص فى هزا الكون لم يأمن بالمسيح.

المسيح كان يرسل خدام فقراء و صيادين ليس لهم زهب ولا فضة ولا زى و لا حد بيسجدلهم ولا حد يقولوا له ياسيدى!!

المسيح اكد ان كل كلمة خرجت من فمه وكل حرف فهو منزه عن الخطأ فلو الجبال و السماوات و الارض تزعزعت كلامه لا يتزعزع

مسيح القرن ال 21 الهم الكنيسة تقليد بعد الانجيل يتغير مع الوقت حسب هو الناس مرة يبقى الطلاق زنى ومرة الطلاق بسبب عدم الانجاب مسموح؟

فى الحقيقة كل اللى شافوا الرب وتلامسوا معه وحصل معاهم معجزات عظيمة
اكدوا ان مسيح القرن ال 21 هوهو مسيح ال 2000 سنة

يعنى المسيح لما اتقال عنه ان يسوع هو هو الامس و اليوم وغدا بالروح القدس ما كانش كداب

حاجة غريبة جدا ان ناس تعرف المسيح فى يوم و تاخد كل بركات الفداء من شفاء وامتلاء بالروح القدس وصلاة الالسنة التشفعية و يستخدموا فى ممارسة مواهب الروح و التبشير بكلمة الله الحية التى هى امضى من كل سيف زو حدين
بعديها باسبوع فقط

واحنا لسة عمالين نسال هو فعلا عقيدة الطبيعتين طلعت هى نفس عقيدة الطبيعة الواحدة يااه 16 قرن فى خلافات تفهة
وبعد كل ده اسمع نفس الكلام

الحقير؟؟ المتضع ؟؟ حقارتى؟؟؟؟

ازاى حقارتى و الناس بيقولوا لك ياسيدى و بيسجدوا لك؟؟

فعلا انا اتفاجئت مفاجئة غريبة لما عرفت ان الانجيل لم ينطفىء
وعصر الروح القدس و اعمال الروح القدس و الرسل لم ولن ينتهى
لان الله ساهر على كلمته

واللى يعاند هو بس اللى بيخسر

يوم واحد فى خطة ربنا

يوم واحد فى خطة ربنا
مثمر اكثر من سنوات خدمة بعيد عن ربنا

انت من اى فئة؟؟

انا شايف ان الحياة الروحية تقسم الناس الى ٣ فئات

ناس ناضجين روحيا
ناس أطفال روحيا
ناس لا دول ولادول

الناضجين هم اللى بيحبوا ربنا وبيبقوا دائماً دائماً مشتاقين لحضور الرب حتى لو فى جزر المالديف. بيقربوا للرب بسبب حبهم للرب فقط

الأطفال روحيا
عمرهم مابيجوا للرب ولايقربوا منه الا لما تبقى فى مصيبة حاصلة
طول ما كل شىء كويس حياته علاقته مع ربنا فاترة
ولما ربنا يحرره بمعجزة تلاقيه بقوة الدفع استمر ملتهب كام يوم و يراجع تانى
للأسف انا من هذه الفئة
لادول و لادول
ناس مش بتروح لربنا لا فى أوقات اليسر و لا فى أوقات العسر
ويتبقى مسؤولية هؤلاء الناس ببساطة فى رقبة المؤمنين
لو المؤمن لم يقدم المسيح كشخص حى وملموس
كالشافى و المحرر و خالق من العدم و يشفى الطرق المعوجة
كل شخص لم يرى المسيح فى حياتنا هايدان
فمن الأفضل ان نقيم العطية الكبييرة اللى ربنا ادهالنا ولا نخفيها و لا ندفنها
امين؟

حروب المؤمن

يارب هو ليه احيانا المؤمن بيمر بحروب شديدة جدا ؟؟
ليه بشوف ناس ماتعرفكش خالص وصحتهم كويسة و بيتهم كويس و مستوى الاجتماعي راءع ومنطلقين وفرحانين هو في ايه؟؟

الإجابة لو اى شخص مايعرفنيش وسمحت بنفس التجارب او حتى عشرها. كانوا انتحروا.

اما المؤمنين فعندهم الرب شخص غنى محب موهوب يحول الظلمة الى نور فى لحظة لو المؤمن وثق فيه وخلانى أقود سيارة حياته و هو يكون مسافر فقط وليس القائد

القوة المحركة

فى حياتى انا اختبرت حالتين القلق و الخوف كقوة محركة
الحب كقوة محركة

 

مثلا كنت بكره التاريخ لان مافيهوش معادلة واحدة
ولكن كل ما أفكر أنى سامتحن المادة وممكن ارسب لو ماذاكرتش
كانت بيجيلى حالة فزع وكوابيس بلاقى نفسي فى لجنة و الورق الإسالة إمامى ولكن مخى نضيييف زى لبن الجموسة النقى

وكان القوة المحركة الوحيدة هو الخوف من الرسوب.

الى ان بقيت فى أولى ثانوي و مدرس التاريخ حببنا جدا فى المادة و كيف ان لنا حضارة قديمة كبيرة مثل الفرعوني و القبطى

وكنت متشوق قوى وانا بقرا قصص التاريخ القديم فى الصين و ليبيا و الحبشة و الكلام ده كله

بعدها بقيت اتفوق بشكل غير عادى ومابقتش اتذمر على المادة اللى كلها حفظ زى البهائم اللى تحشر فى دماغها كلام يطرشه فى لامتحان وبعدها يغسل دماغه. كل دماغة تبقى زى اللبن ابيض يا ورد


العجيب ان بشوف ده. فى علاقتنا مع ربنا

ساعات بيبقى كل تركيزنا على جهنم او الملكوت

ماشى مع ربنا لأنه قوى وسيحاسبنى فى يوم الدين

للأسف هذا النوع هو إيمان ضعيف جدا بل هو ضد الإيمان لان المحبة الحقيقية تطرد الخوف

الاستمتاع بربنا و بتخصيص وقت لربنا تكلمه فيها كصديق و كحبيب بيجيب نتائج مذهلة
يارب اغرس فى قلوبنا محبتك
امين

رسالة سماوية

افرحوا في الرب كل حين واقول ايضا افرحوا.
ليكن حلمكم معروفا عند جميع الناس.
الرب قريب.لا تهتموا بشيء بل في كل شيء بالصلاة والدعاء مع الشكر لتعلم طلباتكم لدى الله.

وسلام الله الذي يفوق كل عقل يحفظ قلوبكم وافكاركم في المسيح يسوع (فيلبي 4: 4 - 7 - AraSVD)

الميزان

تعلمنا فى الهندسة ان اهم شىء و اول شىء يجب ان تتعلمه هو القياس كقيمة و كوحدة.

يعنى قبل ما تتعلم ان تتعامل مع الكتل يجب ان تعلم كيف تقيس قيمة الكتلة بالكيلوا جرامات
وقبل ان تتعامل مع الحرارة يجب ان تعلم كيف تقيس قيمة الحرارة بالدرجة المؤية
و السبب فى هذا لان اى القوانين و الخصائص تنطبق دائماً على نطاق معين من القيمة. مثلا
معظم الكائنات الحية بتعيش فى نطاق محدد من درجة الحرارة لو فى اى مكان على الارض او كوكب له درجة حرارة اكبر او اقل من هذا النطاق سيموت فىه كل الكائنات الحية

صورة تحليل الدم الكامل يجب ان تعطيك قيمة محددة لكل تحليل و يعطيك قيمة ثابتة لأصغر و اكبر درجة يجب ان القيمة تكون بينهم
وإلا لو السكر بتاعك ٨٠٠ وانت مش عارف هو الطبيعى كام او غير الطبيعى كام بس مش عارف سكرك قيمته ايه سنصل لنفس النتيجة


كل الانقسام الرهيب الذى حدث فى كنائس العالم كله فى القرن الرابع الميلادي و كل المشاكل الروحية اللى احنا بنعانى منها. ده يرجع لان فى الأساس طريقة قياس الحياة الروحية اختفت

بمجرد ان تفقد طريقة قياس حياتك الروحية سواء مؤمن او راعى ممكن تعيش سنوات طويلة فى الطريق المعاكس لخطة ربنا و انت مقتنع بنسبة مليون فى المئة انك صح و الباقى غلط لان المقياس الصح و الغلط مش موحود أساسا
مثلا تخيل لو وحدة قياس حالتك الروحية بيتقاس بوحدة البر مثلا
يبقى طبيعى لو فلان عنده ٥٠ بر يبقى احسن من علان اللى عنده ١٠ بر مثلا


طيب فى الحياة الروحية ما هو المقياس ؟؟
أكيد ستقول مين اللى يقدر يقيس القلوب الا الله وحده من يستطيع الحكم على الاخر الا الله و حده
ده كلام سليم لكن الله نفسه وضع مقاييس تساعدنا على ان نزن بها أنفسنا
ونمتحن بها اى شىء يقدم لنا.
الموازين بحسب كلمة الرب

١- ميزان الثمر: من ثمارهم تعرفونهم. مهما كان الشخص الذى تتبعه تثق فىه ثقة عمياء او منقاض اليه من كل قلبك. فكر شوية مش فى الشخص إنما من ثمار هذا الشخص. هل هذا الشخص له ثمار الفرح و الشفاء و الخلاص. ام ثمار الشر والتحزب و الفرقة و الهلاك و البعد عن ربنا

٢- ميزان الأولوية. تحب الرب إلهك من كل قلبك ومن كل فكرك ومن كل قدرتك
هل فعلا فى حياتك الروحية مهما كنت مثمرا ( بحسب رأى المؤمنين)
هل الله هو رقم واحد ام شخصية دينية معينة او طعام معين او صديق معين او قريب معين او مستوى معيشة معين او خطية معينة؟؟

٣- ميزان الفرح. هل فعلا بداخلك انت تشعر بفرح لاينطق به و مَجِيدٌ ؟؟
هل فعلا وسط كل الدوشة والاشغاليات الكنيسة و الخدمية و الاجتماعات و المؤتمرات و ال عظات. هل فى عمق عمق قلبك تشعر بفرح و اطمئنان ؟؟

٤- ميزان الخوف . هل انت خائف على طول ام الله محى خوفك ملقى كل همك عليه؟؟

٥ ميزان المعجزات. رغم اعتراض معظم الكنائس عن هزا الميزان لكن من يستطيع ان ينكر ما أوصانا المسيح اللى ماسك بيده ميزان كل قلب
المسيح علمنا ان للمؤمن علامات لكى لا نخطىء
هذه الآيات تتبع المؤمنين
يخرجون شياطين باسم المسيح
يتكلمون بالسنة جديدة ( كالتى حدثت يوم الخمسين و كل أحداث معمودية الروح القدس فى اعمال الرسل )
يضعون يدهم على المرضى فيبرؤون
يحملون حيات ( حماية خاصة من غدر العدو وأحيانا تحدث بشكل حرفى كالحية التى هاجمت بولس فى جزيرة مالطة)
وان شربوا شيئا مميتا لا يضرهم ( حماية خاصة
 )
٦- النمو هل فعلا انت تشعر بنمو فى علاقتك بربنا

٧- الشهادة للمسيح هل فعلا المسيح نصحك و علمك ان تهتم بخلاص نفسك فى معزل من خلاص الاخرين ؟؟؟؟؟. يعنى لو انت كرست حياتك كلها للصلاة و الصوم و البعد عن الخطية. هل ده ها يرضى ربنا ؟؟
المسيح نفسه هو اللى قال تسكنون شهودا لى فى أورشليم
لكنكم ستنالون قوة متى حل الروح القدس عليكم وتكونون لي شهودا في اورشليم وفي كل اليهودية والسامرة والى اقصى الارض (أعمال الرسل 1: 8 - AraSVD)
يعنى كل شخص امتلاء بالروح هو مسؤل امام الله ان يشهد للمسيح
وكل شخص يتقدم للتناول من شركة جسد ودم المسيح يجب ان يبشر بخلاص المسيح بصلبه و موته وقيامته
فانكم كلما اكلتم هذا الخبز وشربتم هذه الكاس تخبرون بموت الرب الى ان يجيء. (كورنثوس الأولى 11: 26 - AraSVD)



ويبقى شىء فى غاية الأهمية للأسف يندر ممن يتكلم عنه فى هذه الأيام وهو هل تسمع صوت الرب بشكل "واضح" من مصادره الصحية
بعد ما اصبح ممارسة مواهب الروح الصوتية فى الكنائس نادرا مثل ترجمة الألسنة و النبوات و الإعلانات و الرؤى وممارسة كلام العلم لم يتبقى لنا الا ان نسمع صوت الرب من خلال إرشاده المباشر لنا او استخدام الكتاب لقراءة كلمة الرب العامة ( لوجوس). وكلمة الرب الخاصة (ريما)
هو المنهل الوحيد لسماع صوته ابتدىء به واصرخ وقول له سمعنى صوتك بأى طريقه عاوز اسمع صوتك
 


و فى النهاية المحبة
انا لم اكتبها فى اول ميزان لان المحبة هى أوضح ميزان يراه جميع الناس ولايحتاج لاى مجهود
الطفل و الحيوان يشعروا ويعرفوا من الذى يتعامل معهم بمحبة او بشر
المريض يعرف ان كان الطبيب بيعامله بمحبة ولا يعامله كأنه آلة
الله يعرف ان صلاتك هل هي مركزة عليك فقط بمنتهى الأنانية ام انت تفضل الاخرين عنك ؟؟؟
ربنا يحافظ علينا جميعا الى ان نراه وجها لوجه و اسامينا منقوشة على كفيه وربنا يمل انا من حكمته و ينور عنينا جميعا لأجل مجد اسمه

اكتشاف جديد الرب صالح!!

بقالى عدة شهور فى بوستات و ردود على بوستات ان اثبت شىء عجيب جدا جدا

اثبت ان الرب صالح

ليس لغير المسيحيين بل للمسيحيين

مش قادر اتخيل ان فى ناس الى الان شايفة ان الرب هو اللى بيضرب الناس بالشر و الامراض و البراكين و السونامى

والادهى من يطلب من الرب ان يمرض بمرض شديد لكى يربح الملكوت؟؟؟.
المرض لعنة و المسيح رفع اللعنة من علينا
فكيف نطلبها؟؟
.
لو الحال المتردى ده زاد

ممكن نلاقى ناس تانية بتطلب من ربنا ان يركبها شياطين علشان تدخل الملكوت
!!
مش عارف ليه مسيح الانجيل كان بيشفى و ينجى و يخلص

والمسيح بتاعكوا بيضرب الناس بمرض الملكوت؟؟

بدل ما نتوب عن حالة تشويه مستمرة لصورة ربنا اللى بيضرب الناس بالسرطان علشان يدخلوا الملكوت
نستمر فى الغلط ونستشهد بالقديس فلان او الام فلانة اللى طلبت سرطان
حرام عليكم كفاية عثرة و كفايا تشويه
جعلنا اسم الرب يجدف عليه بسببنا.

الشمسية و لا المطر

الشمسية و لا المطر

دايما كنت اتامل فى قصة طريقة تفكير الانسان وردود افعاله اتجاه المشاكل

ولاحظت شىء غريب جدا ان تقريبا كل الحلول الجيدة تتشابه مع البعض.

حتى ولو تبدوا انها مختلفة وتعالج مشاكل فى قطاعات مختلفة ولكن لها داءما اساس واحد.

هزا التشابه مبنى على ان في مبدا او  عنصر مشترك فى كل هزه الحلول

مثلا:

•   طريقة حل لعلاج شخص يعانى من مرض معين.

• او طريقة علاج تصدع مبانى تعرضت لعوامل زمنىة او رياح شديدة او زلازل.

• او طريقة علاج انقراض نوعية معينة من الكاءنات

وساكتفى بهزه الامثلة

دائما فى حل كل مشكلة توجد حلول مختلفة منها من هو صعب جدا او
او غير عملية او مكلفة جدا او ليس لها نتائج واضحة

وارى ان الحل السحرى الفعال يبقى داءما هو حل "الشمسية مع المطر "

كما فى علم الطب هو الطب الوقائى.
واليك الامثلة

تخيل انك عارف ان المنطقة التى تعيش فيها بتمطرالامطار لمدة شهرين فيها بشبه مستمر كل سنة
 مازا تفعل لحل هزه المشكلة؟؟
 

1 هل ستاجر اكثر من 50 طاءرة هليوكبتر علشان ينشر غازات كمياءية فى السماء تجبر الامطار ان لاتمطر؟؟
 

2 هل ستاخز معاك مكوى و غسالة و ماكينة دراير لتجفيف و سشوار و حمام متنقل علشان فى كل مرة تنهال عليك الامطار  تعالج ما افسدته الامطار؟؟

3 هل ستترك المنطقة فى هزا الوقت
  

4- ولا هاتشترى شمسية ب20 جنيها و بالطو  بلاستك ضد المطر؟؟

طبعا هاتقول ده سؤال سهل قوى و الحل سهل جدا مش محتاج لف ودورن. طبعا لانثقافة بلدك علمتك هزا الحلو بالتالى فانت تفعله تلقاءيا

ولكن فكر فى نفس المشكلة بس فى مجال اخر وهو الطب و الصحة

تخيل انك فى مجتمع معروف عنه ان مواطنيه معرضين لعدد كبير من البكتريا و الفيروسات والامراض الناتجة عن التغيير المفاجىء فى درجات الحرارة وامور اخرى كثيرة.

ماهى الحلول المتاحة؟

1- تحاول تتبع كل انواع الجراثيم و الفطريات و البكتيا الضارة والفيروسات وتقتلهاتوتتخلص منها جميعا (مستحيل عمليا)

2- تقتل كل المرضى بهزه الامراض بحجة انها معدية (ممكن لو عايشين فى غابة زى الوحوش)

3-تعمل علاج لكل مرض و كل مريض يمرض يتم تشخيصه ويعرف المرض ثم يعطى العلاج المناسب. (هزا هو الطب الغربي)

4-انك تزهب لطبيب متخصص بشكل دورى كل شهر مثلا على الاقل وانت سليم لكى يفحص جسمك و يتاكد ان كل الاعضاء تعمل بكفاءه ولايوجد اى تقصير و لو فى اى

تقصير يحتاج لابر صينية او اعشاب او مساج او تجبير او رفع مناعة الجسم عن طريق المكملات الطبيعية,  فى الحالة دى حميت الشخص السليم من اكثر من 95% من الامراض المشهورة لانك ببساطة بتساعده على الاهتمام بالوقاية و ليس الاهتمام بالادوية.

طريقة التفكير فى ان الوقاية خير من العلاج للاسف لاتطبق فى الطب الغربيى انما تطبق بكفاءه فى الطب الشرقى.

المجهود والثمن المبزول فى طريقة الوقاية خير من العلاج  اقل الاف المرات من المجهود و الثمن المدفوعلعلاج المرض.احسب المجهود والثمن  الزى  تحتاجه لوقاية نفسك من مرض السكر ومن الثمنوالمجهود فى علاجه؟

احسب المجهود والثمن  الزى  تحتاجه لوقاية نفسك من الفشل الكلوي او الكبدومن الثمن والمجهود فى علاجه؟؟

فرق رهيب لكن الثقافة التى تربينا فها جعلت من المستحيل  ان نفكر ان نزهبللطبيب ونحن اصحاء و نقول ممكن تشوف لو فى اى حاجة محتاج اعملها حفاظا على صحتى منالمرض؟؟؟

نحن للاسف حتى ولو قادرين على العلاج نزهب للطبيب لما لانطيق ان نتحمل الالم.

الان كل هزه مقدمة للموضوع الحقيقي الصغير الزى اريد ان اوضحه وهو

العلاج الوقائي فى الحياةالروحية

تخيل انك عارف ان فى المكان و الزمان الزى تعيشه معرض لمخاطر مثل

التعرض للسرقة التعرض للقتلالت عرض لحوادث سواء بسيارتك و المواصلات..

التعرض للشر سواء من البشر او الاحداث التعرض للاغراء و للشهوات التى فى العالم.

ان تفقد احد الاحباء
ان تتعرض لتعب نفسي او عصبي ...

ماهو الحل؟

اما ان تحاول ان تقضي على الشر الزي ياتيك من البشر او الاحداث اوالارواح الشريرة (مستحيل لان ده فى السماء فقط عندما نرتاح من )

او انك تمتلىء بالروح القدس وتعيش حسب الروح
الروح الزي يعطى سلام و فرح و طمانينة

الروح الزي يطرد الخوف و القلق

الروح الزي يشفع لك عندما تصلى بلغة الملاءكة

الروح الزى ياخز همومك ويضعها على الصليب و ياخز مما للمسيح و يهبهالك كهدية مجانية

الروح الزى هو كنز فى اوان داخلية

فاكسين (تطعيم) الايمان الامتلاء من الروح القدس وحياة المسيح في هوافضل علاج لمواجهة هزه الحياة اللى نسبة الشر فيها زادت قوى.

ربنا يملائنا ويحصنا و يشفينا لمجد اسمه
امين

تجربة صعبة قوى

فى نوع من التجارب يفقد الانسان فيه كل شىء و لا يتكل على اى شىء كان ممكن يتكل عليه فى الماضى.

ولكن هنا ياتى دور الايمان اللى زى حبة الخردل.

اصغر كل البزور و لكن لو اهتمينا بيها تكبر و تكبر وتكون اكبر من كل الشجر

رسالة لكل شخص منكسر القلب

رسالة لكل شخص منكسر القلب
لو مريت بتجربة شديدة وضعت حياتك ًو سلامك على حافة الجبل
مثل خبر من الطبيب ان السرطان ابتدأ ينتشر

او حادثة تم بتر فيها احد أعضاء جسدك
او هجوم باكتئاب او قلق شديد. الأدوية و العلاج مش بيجيب اى نتيجة
او فقدت زوجتك او احد أولادك
او اتعرضت لطلاق وانفصلت من ش
ريك حياتك بجراح شديدة

او منتظر طفل و الرب لم يؤذن بعد. فقدت الأمل و تشعر ان حياتك بلا هدف
او لو كنت تريد الارتباط و لم ترتبط
أوبتعانى بفشل فى الدراسة او العمل رغم امانتك
او ظروف فى العمل شديدة جعلتك تعمل كالساقية و شاعر انك لا تستطيع اكثر من ذلك
 

أحب أقولك الف مبروك لأنك اترقيت
اترقيت من مؤمن عادى الى مؤمن غير عادى

مؤمن عادى سمع عن الرب و مارس المتطلبات الدينية
مؤمن غير عادى رأى الرب و لمسه و اختبره وشاف يده العظيمة وهى تخلص
مؤمن عادى كأيوب قبل التجربة
مؤمن غير عادى كأيوب بعد التجربة

ليه كل قصص القديسين و الأنبياء اللى فى الكتاب معظم الوقت بيحكى النصف الثانى و ننسي النصف الاول ؟؟؟؟

ليه لما نتكلم عن ابراهيم أبوا الآباء لا نتذكر انه سنه كان فوق التسعين ولم ينجب بعد وانه تعثر فى تجربته حتى انه تزوج الجارية لينشأ نسل بسبب شده التجربة 

ليه لما نتكلم عن يوسف الصديق نتكلم بالساعات عن ملكه فى مصر وحكمته و كيف كان الرجل التانى ونمر على سجنه مرور سريع رغم ان سجنه كان لمدة سنوات

ليه نتكلم عن داوود النبى وننسي ان اليوم اللى مسح فيه ملك و دهن بواسطة صمؤيل النبى هو نفس اليوم اللى اصبح فيها طريدا من وجه شوال 

هل سمعتم عن طبيب ناجح لم يمتحن فى الثانوية العامة او لم يمتحن فى السنوات ال ٧ فى الطب او انه لم يمتحن الماجستير و التخصص ؟؟

هل سمعتم عن طبيب ناجح لم ينجح فى علاج حالات مستعصية و شديدة؟؟
الف باء الحياة علمتنا انه لا نجاح من غير امتحان 

ولا نصرة بدون حرب. تنتصر ازاى لو انت ماحربتش؟
فى الحقيقة لقد علمت و تيقنت ان كل وعد ستأخذه من الرب سيحاول عدو الخير ان يسلبه منك
فلا بد ان نتمسك بوعود الرب و لا نحسب ان الضيقات الشديدة هى علامة ان الرب ترك أولاده. كلا والف كلا. هو اللى وعد لن أتركك ولا أهملك
ولا تقول ان خطاياي هى اللى عملت كدة حتى ولو هى الحقيقة لان الله أقوى بكثير جدا من خطاياك
كويس انك تتوب وتتقرب الى الرب بس حاسب قوى ماتصدقش العدو اللى يقول ان خطاياك فرقت بينك و بين ربنا ده كذب ز خداع
الرب شفى المفلوج ذو ال ٣٨ سنة رغم خطيته و بعد ما شفاه قال له ها قد برئت لا تعد تخطا مرة اخرى 

الرب قريب و طوبى لمن يحتمل التجربة 

بعد التجربة ستعرف وترى بعينيك كنت ايه و بقيت ايه
امتلىء من الروح و امتلىء إيمان وخلى الشيطان يعرف انه مع كل شوكة يحاول يغرسها فيك بتخليك تقرب من ربنا اكثر بكثير. فسيهرب بعد كدة الشيطان ولن يقترب لانه فاهم كويس انك بتجرى على الرب و قت الضيقات
ربنا يعزينا و يشددنا ولايكون ظلام للى عايش فى ضيق بل يكون نور و اعلان
امين