زى الطفل اللى بيحتمى فى امه وهى اللى معاقباه؟

لما كان الاولاد صغيرين جدا فى مرحلة الطفولة
كنت بلاحظ حاجة غريبة قوى
ان لو الام اظهرت انها غضبانة من الطفل سواء بالزعيق او التكشير او حتى خبطته خبطة على وركه كعلامة انها متضايقة من تصرفه.

الطفل يفضل يبكى يبكى و بعد كدة يرفع ايديه علشان مامته اللى هى اساسا مزعلاه ترفعه و تحضنه وتقبله وتهديه الى ان يهدا.
+++++++++++++++++++++++++++
القصة كلها غريبة من اولها لاخرها

اولا الطفل بيتولد بسلوك الهى الناس بتسميه فطرى
هزا السلوك الالهى يخليه يمر بفترة الطفولة بسلام
زى استحدام البكاء كوسيلة للتعبير عن الجوع و الالم
استخدام الابتسامه كوسيلة للتعبير عن الفرح
طريقته فى الرضاعة و امور اخرى كثيرة
=========
احد الاشياء اللى بيتعلمها الطفل بشكل الهى "بالفطرة"
ان امه هى مصدر الحنان هى الشخص اللى يلجأ اليها لما يكون فى خوف و قلق و حزن.
حتى ولو كان الحزن او القلق هو اساسا بسبب الام اللى اظهرت ليه انها زعلانة منه وبعدها بيبكى.
++++++++++++++++++++
هزا الدرس البديهى الفطرى البسيط
لم يفهمه معظم المؤمنين بربنا و فى كل الديانات تقريبا
قليلين اللى فهموا هزا الدرس.
ايوب مثلا هو مثال صارخ لشخص غير حكيم على الاطلاق لم يفهم الدرس
و كان بيصرخ ويقول انا مش لاقى حد يضع يديه على كلينا
بمعنى هو شايف ان الرب زعله و خلاه حزين وعاوز يروح لشخص اخر هو اللى يهديه و يسمع لمزلته و يهدئه. وهزا الشخص مش ربنا.
وبالمناسبة دى كانت نبوة عن المسيح اللى وضع يده على السماء و الارض.
=======================
الدرس اللى احنا لسة مش قادرين نتعلمه
اننا لما بنمر بظروف صعبة و مشاكل كثيرة و كبيرة
بنفتكر ان ربنا هو اللى بيجربنا ولانه هو اللى بيجربنا يبقى مانروحش نرتمى فى حضنه!
ماهو اساسا هو اللى زعلان منى و بيعاقبنى ازاى اروحله برجلي تانى؟؟
ماهو لسة غضبان منى؟
++++++++++++++++
ممكن الرب يظهر لك انه مستاء من تصرفاتك الحمقاء لكنه لايمكن يكرهك ابدا
والله عمره ما بيجربك لان الله غير مجرب بالشرور
تاديب الرب بيبقى فى مواقف بيظهر فيها صوته وممكن يتركك شوية تعمل اللى فى دماغك طالما انت مصر الى ان ترجع اليه لما تتعب.
بس هو مش مجرب بالشرور
المرض و الحزن و الموت كل دى اعمال الشيطان المسيح برئ منها و لم يفعلاه لما كان على الارض
زى الام اللى زعلانه من تصرف ابنها بس ابنها هو حياتها كلها.