المسيح لم يستحى منى

يارب زى ما انا مؤمن انك شخص حقيقى اكثر من اى حقيقة فى العالم
سامحنى يارب فى كل مرة او فى كل فرصة أبقى عاوز ان أتكلم عنك ولكنى استحي
سواء خايف على سمعتى
او خايف من اضطهاد
او خايف من رد فعل الناس

او اى شئ
-----------
انا اللى مزعلنى ومضايقنى انك انت لم تستحى ان تاتى فى عالمنا
لم تستحى ان تكون عار علشانى
لم تستحى ان تكون هزء و سخرية للأشرار
لم تستحى ان سمعتك تبقى فى الارض
لم تستحى ان أمك تراك وانت بتضرب و بتموت بأبشع طريقة أمامها
-------
ياريتك كنت استحيت منى
ياريتك استعريت منى ولو لمرة واحدة علشان ضميرى يهدأ
بس اعمل ايه دلوقتى وانا شايف نفسي باكل و بشرب و عندى عائلة واطفال و مكتب و عربية وكل شىء بحسب غناك
ولما يجي الوقت اللى أتكلم فيه عنك اشعر بنار جوايا
لما بشوف ناس تعبانة ومحتاجة
لما بشوف ناس متألمة
ولما اشوف ناس فى قمة الغطرسة
ولما اشوف ناس فى قمة الضياع
قدام كل الناس دي بيبقى فى حل واحد وحيد هو يسوع و نيران روحه القدوس
يارب مازلت بهتم بالناس
وكلام الناس
واراء الناس
وشكلى قدام الناس
------
يارب انا عارف انك لو كشفت خطية واحدة او ضعف واحد قدام كل الناس هابقى فى وضع أسوأ من اللى أنكرك وباعك وارتد عنك و عن معرفتك وعن اللى خانك
وعن اللى عارف الغلط كويس جدا وبعمله زى الأعمى
زى الكلب اللى بيعود لقيئة
والخنزيرة التى ترجع لطينها
------
انت يارب ساتر على
وأشكرك على هذا الستر
لكن اعمل ايه فى الآية دى
انا محتار اكثر و النار فى اكثر
ليس لى اى حجة قرأت كلامك و سمعت صوتك و تحرك روحك بداخلى
سامحنى يارب بسبب انى مازلت استحى منك
ماقدرش أقولك ابطل كلامك
ألغى كلامك
غير شخصيتك
ابعد عنى ببرك
ابعد عني بحبك
ابعد عنى بارادتك
ابعد عنى بابوتك
ماقدرش أقول غير خطتك و غير شخصيتك
لان ده يبقى مضيعة للوقت
******
بطلب منك ان تكون أسد زائر فى لا استحى ولا اتباطئ عن ان اعلن مجدك
اعطنى يارب القوة و الشجاعة
والحكمة و الإرشاد ليك كل المجد
وَدَعَا الْجَمْعَ مَعَ تَلاَمِيذِهِ وَقَالَ لَهُمْ:«مَنْ أَرَادَ أَنْ يَأْتِيَ وَرَائِي فَلْيُنْكِرْ
نَفْسَهُ وَيَحْمِلْ صَلِيبَهُ وَيَتْبَعْنِي.
فَإِنَّ مَنْ أَرَادَ أَنْ يُخَلِّصَ نَفْسَهُ يُهْلِكُهَا، وَمَنْ يُهْلِكُ نَفْسَهُ مِنْ أَجْلِي وَمِنْ أَجْلِ الإِنْجِيلِ فَهُوَ يُخَلِّصُهَا.
لأَنَّهُ مَاذَا يَنْتَفِعُ الإِنْسَانُ لَوْ رَبِحَ الْعَالَمَ كُلَّهُ وَخَسِرَ نَفْسَهُ؟أَوْ مَاذَا يُعْطِي الإِنْسَانُ فِدَاءً عَنْ نَفْسِهِ؟
لأَنَّ مَنِ اسْتَحَى بِي وَبِكَلاَمِي فِي هذَا الْجِيلِ الْفَاسِقِ الْخَاطِئِ، فَإِنَّ ابْنَ الإِنْسَانِ يَسْتَحِي بِهِ مَتَى جَاءَ بِمَجْدِ أَبِيهِ مَعَ الْمَلاَئِكَةِ الْقِدِّيسِينَ».
(مرقس 8: 34 - 38 - الكتاب المقدس)