فى الحقيقة صورة المسيح المصلوب
هى صورة خادعة جدا
وللاسف ان ثقافتنا الروحية ترتبط كثيرا بالصور
فلو الصورة اعطت صورة غير واضحة ممكن تتحول الى رسالة خاطئة
================
وانا كتبت الكثير عن الصور اللى اعطت مفاهيم خطا لمدة قرون منها صورة يوم
الخمسين اللى بيظهر فيها 12 تلميز والعزراء مريم بالرغم ان الكتاب بيقول
120 شخص
================
صورة الصليب للاسف اعطتنا مفاهيم كثيرة خاطئة
كلنا نتزكر ان الى القرن العشرين كانت صورة الصليب بيبقى فىها المسمار فى راحة الكف و ليس الرسغ (الجزء الزى يلى الكف)
كا كان اللص التائب دائما فى ناحية اليمين رغم ان الكتاب لم يحدد
المهم
معظم الصور المسيحية تظهر السيد المسيح على الصليب
شخص انيق وجهة جميل
وممكن مايكونش عليه اكليل الشوك خالص (كما فى الصورة الاولى)
وعليه اكليل الشوك ببعض نقط الدم السايلة
مع بعض الجراح البسيطة
=================
فيلم passion of Christ
اظهر فيه المسيح وقت الجلد و الصلب بشكل بشع. بشع.(كما في الصورة الثانية)
==============
هل ياترى صورة المسيح الحقيقية كانت بشكل المسيح فى the passion of Christ the؟
ولا دى كانت مبالغة
لى صديق قالى وهو بيصلي شاف رؤية وهو المسيح على الصليب
بيحكى ان اللى شافه ابشع بكثير من اللى ظهر فى the passion of the Christ
بيقولى كان اكليل الشوك بينزف يشكل غير عادى
عينيه ماتقدرش تشوفها بسبب النزيف الرهيب بداخلها.
انا يشكر ربنا ان فيلم the passion of the Christ
ماجبش الصورة كما وصفها لى صديقى
ولا اريد اصلا انى اشوفها .
============
ولكن الرسالة اللى عاوز اوصلها لكل شخص خاصة المتالمين هى ان الرب يسوع يعرف يعنى ايه الالم لانه زاقوا
============
انا شخصيا لم كنت بتالم كثيرا وانا مريض وكنت ببقى غضبان جدا.
كنت دايما بسال الرب السؤال ده
هو انت زوقت طعم الالم؟
هل تشعر بالام البشر؟
هل الصليب كان فعلا مؤلم بالمقارنة باللى بنسمع عنه من ناس تالموا كثيرا جدا؟
الرب جاوبنى على السؤال اكثر من مرة
مرة جاوبنى انه اتالم جسديا بشكل رهيب
ومرة ثانية جاوبنى انه اتالم نفسيا بشكل رهيب ايضا قبل الصلب.
--------------------------
كل سنة وانتم طيبين
واله السلام الزى تالم لاجلنا يعرف ان يعين المتالمين
No comments:
Post a Comment