انا ياجماعة متضايق من موضوع الشذوذ الجنسي
لان كل الناس الحلوة ومنها انا
داخلين بالمدافع الرشاشة نستنكر ماحدث و نقول اصل خلاص بقينا زى سدوم وعمورة.
فعلا انا مستاء من اللى حصل بس عاوز افهم ايه فايدة التشريع مادام الفعل بيتم؟
كل الدول دى كانت بتمارس الشذوذ وانا شخصيا الشغل بتاعى فى اكثر مكان فيه دعارة وشذوذ جنسي
السؤال الاول اللى لازم يتسال
هل احنا كمؤمنين هل وصلنا لهؤلاء ؟
هل وصلناهم رسالة المسيح؟
هل لو واحد من الناس دى دخل كنيسة هل سيرى المسيح بيدعوه ان يكون معه =دون الموفقة على افعاله=
كما فعل مع زكا و المراة الخاطئة؟؟
للاسف الكنائس بقى حالها يغم
تدخل مكان تلاقى القسيس كل همه انه يقدم تقرير للى اكبر منه عن مشاريع الكنيسة
والتحريض ضد اى خدمة نافعة.
والخدمات اصبحت منافسات غير شريفة
و التحرش الجنسي داخل الكنائس والمدارس المسيحية اللى تم التعتيم عليه فى الماضى وكل القضايا يوميا على الاخبار و التليفزيون.
)))))))))))))))))
اما بالنسبة للخدمات اللى بتروح الاماكن دى ده شبه معدومة
ومافيش حد بيقدر يوصل للمسجونين و المحكوم عليهم بالاعدام و الشواذ و المتدمرين
الا خدام ربنا اللى فى قلوبهم المسيح
اللى سابوا بلادهم و اتسجنوا مع المساجين ليربحوهم.
==========
لو سامحت كلمنى قبل ما تدين الاخر
انت كمسيحى هل فعلا ملح الارض؟؟؟؟
طيب ولو دى الحقيقة ليه بتتهرب من الضراءب زى اولاد العالم؟
ليه تاخد معونة من الحكومة وانت اصلا لاتستحقها؟
ليه تسافر برة و تقول انا لاجىء و تختلق قصص عمرها ما حصلت؟
ليه نشوف الكنائس و رعاتها مؤمنة بالازدهار و الثروة ولكن الشعب فقير.
ليه كل التزوير اللى احنى بنزوره؟
هل فعلا احنا فى شغلنا مع الناس امناء ليروا فينا رائحة المسيح الزكية؟؟
=============================
انا هاقول لكم اختبار يعرفكم ليه انا بقول الكلام ده
اتعرفت على ولد استرالي الولد ده بيصلى للناس فى الشوارع ومرة صلى قدامى على رجل ولد طولت فى اسم يسوع
الولد ده عزمنا على يوم روحى هايحضره مبشر بالشفاء و ازاى نوقف الناس فى الشارع و نصليلهم
وانا كنت شبه متفرج لانى مش بعرف اوقف الناس واصليلهم.
ايه الغريب اللى فى الموضوع
انه بالصدفة يبقى الفندق اللى هايتعمل فيه الاجتماع يطلع فى حى ابشع حى فىه معظم الشواذ جنسيا
و فيه كل انواع الدعارة ومناظر فى الشوارع بشعة
انا كنت مستغرب وقلت اكيد الولد ده ساذج معقولة يجي فى حتة بالشكل دى؟
المؤتمر انتهى وشوفت ناس كثير شفيت و فى يوم واحد اكثر من 20 واحد اتعمدوا
فى المياة البحر بالتغطيس ومنهم امتلىء بالروح و صلى بالسنة
كل ده حصيلة كرازة يوم واحد فى ابشع ابشع حى فى سيدنى.
+++++++++++
المفاجئة الجبارة
ان الولد ده لما زارنى بعد ماسافر فى اماكن كثيرة فى العالم لاجل اسم المسيح
اليوم اللى زارنى فيه طلبت منه يحكيلى اختباره
فقال لى انه كان شاذ جنسيا و على علاقة مع واحد
وعرف المسيح وهو فى العلاقة و ماحدش قال له انت بتعمل غلط ولكن روح الله
القدوس فضل يوبخه الى ان جرم ما فعل وتاب و تحول الى شخص اخر.
================
احنا مش بنوصل للناس دى للاسف
والكنائس رافعه اديها من الموضوع
وكنائس اخرى سمحت به و حللت الشذوذ
كل ده خطا
من الاساس لازم يبقى فىه ضمير حى لكل شعب المسيح من غير رياء
و نقدم المسيح للكل
يرى الناس فينا اعمال صالحة
No comments:
Post a Comment