هلم خارجا

فى معجزة لعازر حاجة غريبة حصلت
لما عرف ان لعازر ميت مكث يومين
ليه مكث يومين لانه لو كان راح فى ساعتها وشفاه
ماكانتش اتكتبت المعجزة فى الانجيل ولا لعازر و أخواته اختبروا معجزة قيامة من الأموات غيرت حياتهم بالكامل

احيانا ربنا بيتآخر فى استجابته لكى تختبر معجزة عظيمة فى حياتك 


وَكَانَتْ مَرْيَمُ، الَّتِي كَانَ لِعَازَرُ أَخُوهَا مَرِيضًا، هِيَ الَّتِي دَهَنَتِ الرَّبَّ
بِطِيبٍ، وَمَسَحَتْ رِجْلَيْهِ بِشَعْرِهَا.فَأَرْسَلَتِ الأُخْتَانِ إِلَيْهِ قَائِلَتَيْنِ: «يَاسَيِّدُ، هُوَذَا الَّذِي تُحِبُّهُ مَرِيضٌ».فَلَمَّا سَمِعَ يَسُوعُ، قَالَ:«هذَا الْمَرَضُ لَيْسَ لِلْمَوْتِ، بَلْ لأَجْلِ مَجْدِ اللهِ، لِيَتَمَجَّدَ ابْنُ اللهِ بِهِ».وَكَانَ يَسُوعُ يُحِبُّ مَرْثَا وَأُخْتَهَا وَلِعَازَرَ.فَلَمَّا سَمِعَ أَنَّهُ مَرِيضٌ مَكَثَ حِينَئِذٍ فِي الْمَوْضِعِ الَّذِي كَانَ فِيهِ يَوْمَيْنِ.ثُمَّ بَعْدَ ذلِكَ قَالَ لِتَلاَمِيذِهِ:«لِنَذْهَبْ إِلَى الْيَهُودِيَّةِ أَيْضًا». (يوحنا 11: 2 - 7 - الكتاب المقدس)

العربية و النت

فى الحقيقة اخلاق الناس و ثقافات الدول ممكن تعرفها و بسهولة من العربية و النت
-----
كنت احب أرصد الناس وهى بتسوق العربية
وأشوف الكلاكسات العالية
وأشوف الناس بتتخانق
وتشتم بعض
وتكسر على بعض
وواحد يبقى هايموت نفسه يعدى او واحدة كبيرة فى السن عاوزة تعدى الشارع وماحدش بيقف لهم
--------
السؤال البسيط هو ليه سواقة العربيات علمت للناس قلة الأدب و السفالة ؟؟؟؟

طيب الناس اللى لسة محترمين و بيقفوا وينتظروا الاخرين و متيشتموش دول اتعلموا الكلام ده منين و من مين؟؟
-------
اذا ببساطة بسبب ان العربية بتتحرك بسرعة كبيرة جدا و بتخليك تحتك بناس كثيرة جدا فى وقت قصير هؤلاء الناس انت لا تختارهم ولايستطيع احد ان ينقيهم. فالغنى و الفقير و المتعلم و الجاهل و الكل هايحتكوا بك بصورة او باخرى
وهنا هايبان الأخلاق و التربية
يعنى السواقة بتعكس اخلاقيات الأفراد

-----------
تماماً مثل الانترنت فى مواقع التواصل
مجرد ان بال توك ظهر كمية الشتيمة و قلة الأدب و السفالة كانت رهيبة خاصة للى بيتكلموا فى الدين
نار وكره فى القلوب ووجد منفث
انا شخصيا دخلت فى مناقشات كثيرة و اتشتمت بدون اى داعى
********
لا السواقة ولا الانترنت علموا الناس ان يتخلّوا عن أخلاقياتهم
إنما هى أدوات تظهر مابداخل الناس
********
للأسف كل كرسات السواقة فى مصر و لا حصة فيها اسمها اخلاق او حسن الخلق او الاحترام
وكل كرسات الكمبيوتر مافيهاش كورس اسمه اخلاقيات
بالرغم من ان الأخلاق أفضل مليون مرة من تعلم السواقة او الإنترنيت

حارب لاجل ميراثك

هل راقبت نفسك و انت مظلوم شاعر ان حقك بيتاخد منك وانت ساكت؟؟
لو انت فى طابور و منتظر لمدة نصف ساعة ويجى الموظف يقفل الشباك فى وشك بحجة انه عاوز يمشى بدرى او رايح يصلى او اى شئ
بلاش كدة
تخيل انك فى وظيفة لمدة ١٠ سنين و تلاقى واحد ماكملش سنة نط قبل منك فى الوظيفة بتحس بايه ؟؟ أكيد شعور بالظلم الشديد و بتكره عيشتك و بتفكر فى الانتقام ولو جاءت الفرصة انك تلعب مع مديرك ملاكمة هاتبقى احسن ملاكم فى العالم
اللى انا مش فاهمه و مش قادر ومش قادر أعقله ولو انت عندك تفسير قوله لى
ليه مش بنعمل كدة فى ميراثنا اللى أخذناه فى المسيح ؟؟
الشيطان سرقك ونهبك وانت مش بتطالب بحقوقك ترجع لك
عايش فى فزع و خوف من بكرة و المسيح اعطاك سلامه ميراثك
عايش فى حزن وضيق والمسيح إعطاك فرحه ميراثك
عايش منكسر مع ان المسيح اعطاك الغلبة ميراثك
الشفاء ميراثك
الفرح ميراثك
النجاح ميراثك
الخلاص ميراثك
الحكمة ميراثك
السعادة ميراثك
سماع صوت الرب و التواصل معه ميراثك
خدمة القدير ميراثك
الامتلاء بالروح القدس ميراثك
---------
تامل هذه الكلمات
مر ٣
27 لاَ يَسْتَطِيعُ أَحَدٌ أَنْ يَدْخُلَ بَيْتَ قَوِيٍّ وَيَنْهَبَ أَمْتِعَتَهُ، إِنْ لَمْ يَرْبِطِ الْقَوِيَّ أَوَّلاً، وَحِينَئِذٍ يَنْهَبُ بَيْتَهُ.
السيد المسيح كان بيتكلم عن اخراج الشياطين
الشيطان اللى بيحتل انسان هو ببساطة بينهبه وعلشان الشيطان يخرج يجب ان ياتى القوى ( المسيح ) ويربطه
الشيطان وظيفته سهلة وواضحة ومايختلفش عليها اتنين
يسرق
يذبح
يهلك
يو ١٠:
10 اَلسَّارِقُ لاَ يَأْتِي إِلاَّ لِيَسْرِقَ وَيَذْبَحَ وَيُهْلِكَ، وَأَمَّا أَنَا فَقَدْ أَتَيْتُ لِتَكُونَ لَهُمْ حَيَاةٌ وَلِيَكُونَ لَهُمْ أَفْضَلُ.
----- -------- -------
ليه ساكت على كدة؟؟
ليه حياتك تتسرق منك وانت بتتفرج عليها و مبسوط؟؟؟
 
 انا عارف انك مش مبسوط انت يائس وعارف انك عملت محاولة او اتنين و بعدها يئست.
بس هو انت بتحارب علشان حاجة رخيصة ولا حاجة قيمة؟؟
أكيد اللى بيحارب علشان يسترد مدينة مش زى واحد بيحارب علشان يرجع جنيه ضاع منه

 هل ممكن ربنا يوريك عدوك امامك بشكله المرعب من غير سبب؟؟؟
أكيد في سبب!!
علشان يخوفك؟؟. مممممممم؟؟
أظن لا علشان تحاربه و تهزمه
او بمعنى اخر علشان تحاربه وهو يهزمه


السيد المسيح لما طلب من تلاميذه يعطى الناس لتأكل وهم لم يكن معهم الا ٥ خبزات و سمكتين هل كان اعطاهم السلطة لعمل معجزة إشباع ؟؟؟ مممممم أظن ايوة بس للأسف هم رغم انهم نالوا سلطان المسيح على بركة الاكل و خلق اكل بكميات كبيرة الا انهم لم يفهموا وخسروا الامتحان و رغم انه اراهم الا انهم لم يتعلموا الدرس
ولما أطلقهم للكرازة و استخدموا سلطانهم فرحوا جدا وقالوا حتى الشياطين ( وده كان شىء مستحيل ) تخضع لنا باسمك


نراجع الجزئية مرة اخرى
يعنى السلطان ليس له قيمة الا لو تم استخدامه!!!
واى سلطان بيبقى نتيجة طبيعية لوصية المسيح لى وليك عمر أبدا أبدا أبدا ما المسيح هايعطيك وصية من غير القوة والسلطان لتنفيذها أبدا
طيب هو قال
18 فَقَالَ لَهُمْ: «رَأَيْتُ الشَّيْطَانَ سَاقِطًا مِثْلَ الْبَرْقِ مِنَ السَّمَاءِ.
19 هَا أَنَا أُعْطِيكُمْ سُلْطَانًا لِتَدُوسُوا الْحَيَّاتِ وَالْعَقَارِبَ وَكُلَّ قُوَّةِ الْعَدُوِّ، وَلاَ يَضُرُّكُمْ شَيْءٌ.
والروح القدس قال
فَاخْضَعُوا ِللهِ. قَاوِمُوا إِبْلِيسَ فَيَهْرُبَ مِنْكُمْ.
-------------
إِذْ أَسْلِحَةُ مُحَارَبَتِنَا لَيْسَتْ جَسَدِيَّةً، بَلْ قَادِرَةٌ بِاللهِ عَلَى هَدْمِ حُصُونٍ.

يوشيا ملك صالح

من اجل انه قد رقّ قلبك وتواضعت امام الرب حين سمعت ما تكلمت به على هذا الموضع وعلى سكانه انهم يصيرون دهشا ولعنة ومزّقت ثيابك وبكيت امامي.قد سمعت انا ايضا يقول الرب.
20 لذلك هانذا اضمك الى آبائك فتضمّ الى قبرك بسلام ولا ترى عيناك كل الشر الذي انا جالبه على هذا الموضع.فردوا على الملك جوابا"
 

2 مل 22
10 واخبر شافان الكاتب الملك قائلا قد اعطاني حلقيا الكاهن سفرا.وقرأه شافان امام الملك.
11 ¶ فلما سمع الملك كلام سفر الشريعة مزّق ثيابه.
12 وأمر الملك حلقيا الكاهن واخيقام بن شافان وعكبور بن ميخا وشافان الكاتب وعسايا عبد الملك قائلا
13 اذهبوا اسألوا الرب لاجلي ولاجل الشعب ولاجل كل يهوذا من جهة كلام هذا السفر الذي وجد.لانه عظيم هو غضب الرب الذي اشتعل علينا من اجل ان آباءنا لم يسمعوا لكلام هذا السفر ليعملوا حسب كل ما هو مكتوب علينا.
14 فذهب حلقيا الكاهن واخيقام وعكبور وشافان وعسايا الى خلدة النبية امرأة شلّوم بن تقوة بن حرحس حارس الثياب.وهي ساكنة في اورشليم في القسم الثاني وكلّموها.
15 فقالت لهم هكذا قال الرب اله اسرائيل.قولوا للرجل الذي ارسلكم اليّ .
16 هكذا قال الرب هانذا جالب شرا على هذا الموضع وعلى سكانه كل كلام السفر الذي قرأه ملك يهوذا.
17 من اجل انهم تركوني واوقدوا لآلهة اخرى لكي يغيظوني بكل عمل ايدهم فيشتعل غضبي على هذا الموضع ولا ينطفئ.
18 واما ملك يهوذا الذي ارسلكم لتسألوا الرب فهكذا تقولون له هكذا قال الرب اله اسرائيل من جهة الكلام الذي سمعت.
19 من اجل انه قد رقّ قلبك وتواضعت امام الرب حين سمعت ما تكلمت به على هذا الموضع وعلى سكانه انهم يصيرون دهشا ولعنة ومزّقت ثيابك وبكيت امامي.قد سمعت انا ايضا يقول الرب.
20 لذلك هانذا اضمك الى آبائك فتضمّ الى قبرك بسلام ولا ترى عيناك كل الشر الذي انا جالبه على هذا الموضع.فردوا على الملك جوابا

الطوفان

اتفرجت على فيام ثقافي علمى ليؤكد ان قصة سفينة نوح خرافية
 و من احد الاسباب هى كيف ل 40 يوم مطر تتغطى الارض بالمياه ؟ شكلها ايه المطر اللى تعمل كدة؟
فى نهاية الفيلم جاب صورة لجبل اراراط و عليه اثار لسفينة كبيرة وعملاقة على انه الراى الاخر الدينى.
 
 حاولت ابحث عن موضوع ال 40 يوم مطر
وعرفت حاجات كثيرة منها نظرية ان المطر غطى مساحة معينة من الارض و ليس كل الارض و هى الشرق الاوسط

ونظرية اخرى وهى ان السماء كسرت الجلد _(طبقة المياه فوق الارض) التى كتبت فى سفر التكوين ان الله فصل بين مياه ومياه وان طبقة المياة العلوية لما سقطت اثرت تاثير رهيب فى جسم الانسان فنقص عمره من 800 سنة الى حوالى 80 بالقوة.
لكن فى الحقيقة فى شىء اخر اقنعنى بالطوفان
3 ايام فقط السماء تمطر هنا فى ولاية ني وساوث ولز
البيوت عامت و ناس ماتت و احياء غرقت
بس الحمد لله المناطق اللى احنا فيها بخير
 +++++++++++++++

ربنا خلق طبقة من المياة (الجلد) فوق السماء التى نراها لتحفظ الارض من الاشعة الكونية
بعد الطوفان اختفت و تسبب فى قصر عمر الانسان لمدة 1 على 10 من عمره الطبيعى

واحتاج ان ياكل لحم هو و الحيوان
بالرغم من ان الانسان كائن نباتى و الحيوان كائن نباتي كما خلقه الله

تك 1
ودعا الله النور نهارا، والظلمة دعاها ليلا. وكان مساء وكان صباح يوما واحدا

6 وقال الله: ليكن جلد في وسط المياه. وليكن فاصلا بين مياه ومياه

7 فعمل الله الجلد، وفصل بين المياه التي تحت الجلد والمياه التي فوق الجلد. وكان كذلك

8 ودعا الله الجلد سماء. وكان مساء وكان صباح يوما ثانيا

9 وقال الله: لتجتمع المياه تحت السماء إلى مكان واحد، ولتظهر اليابسة. وكان كذلك

10 ودعا الله اليابسة أرضا، ومجتمع المياه دعاه بحارا. ورأى الله ذلك أنه حسن

اقرا تك١  لكى تفهم قصة طبقة الماء اللى كانت فوق الارض
http://st-takla.org/pub_oldtest/Arabic-Old-Testament-Books/01-Genesis/Sefr-Al-Takween_Chapter-01.html

قصص الشهداء حقيقية

لما كنا بنسمع قصص الشهداء فى الكنيسة القبطية و نتفرج على الأفلام لتعذيب الشهداء ( اللى انا بكرهها بسبب تأثيرها النفسي على الأطفال ) 

كان دائماً فى سؤال هو " هو فعلا ممكن القديسين يشوفوا الموت بعينهم و التعذيب البشع ويبقوا لآخر لحظة متمسكين بالمسيح؟؟
يعنى معقولة مافيش حد ممكن يترعب من هول مايراه؟ "

طيب لو انا اتحطيت فى المكان ده وانا ايمانى ضعيف ايه المشكلة انى أوافق ان أنكر المسيح و بينى وبين ربنا اصلى و اتوب
هو عارف انى بحبه بس التعذيب و الذبح ده شئ رهيب


 فى الحقيقة احنا بنشكر ايدى الشيطان ( داعش و اعوانهم )
لأنهم اثبتوا لنا ان ما قرأناه هو ببساطة حقيقة نعيشها الان
لا القتل البربري المتوحش للأرمن خلاهم يتركوا المسيح
ولا مسيحي سوريا و العراق تَرَكُوا المسيح
ولا مسيحي الاقباط و اثيوبيا تَرَكُوا المسيح


 وأحب أزف لهم خبر ان مافعلوه ليس اكثر وحشية مما فعله الرومان اللى اخذوا قرار ان يمحوا اسم المسيح من العالم و يعدها بعدة سنوات هم بقوا مسيحيين
ده لان المسيح ليس عقيدة فى ذهن فلاسفة و مفكرين و لاهو كلام إصلاح مجتمعى لتهذيب الناس
إنما هو شخص عايش فينا بقوة روحه القدوس
--------
وكما قال الكتاب من ثمارهم تعرفونهم
ثمر أفعالكم هو السرقة و الذبح و القتل هكذا الشيطان ايضا

المعجزات الحقيقية و التجديف على الروح القدس

التجديف على الروح القدس

 هل انت بتحمى الإيمان ام انك بتجدف على روح الله القدوس ؟؟
للأسف الشديد بسبب روح المنافسة اللى بنراها وسط المسيحيين خاصة من طوائف اخرى وكيف ينقضوا اى خدمة ناجحة مثمرة و اى نهضة كثمر لروح الله القدوس
الاقى فجاة وبدون اى مقدمات وابل من اللعنات و التشككات واتهام اى شخص حدثت على إديه معجزة او اية او موهبة من مواهب الروح القدس على انه يا اما عمل شيطانى او ربما يكون عمل شيطانى و لكن مسالة انه من ربنا ده شئ مش وارد.
انا افهم ان فى روح غيرة و افهم ان فى تعصب لكن ان يبقى فى تعصب اعمى لدرجة اننا نتهم من يخرج الشيطان انه يستخدم قو الشيطان نفسه لتحرير الناس المربوطة ده يبقى مهزلة لان السيد المسيح شرح الموضوع ده بالتفصيل وقال كلمته ان اى تجديف على الروح القدس ليس له مغفرة ده مش هزار
--------
نفس اللى اتهموا المسيح على الارض هم نفس اللى بيتهموا الروح القدس
هل فكرت ولو للحظة ليه السيد المسيح اعتبر ان اى تجديف على الاب او الابن ممكن يغفر له الا على الروح القدس ؟؟
لان اى تجديف على الاب و الابن سيكون تجديف عقيدى يعنى تقول علي الله شئ بمفهوم غلط
لكن الروح القدس هو قوة الله على الارض لأجيال كثيرة لسنوات كثيرة سيشفى و يحرر و يجمع و يحرر فلما تجدف على المنهل الوحيد الذى يرى الناس فيه النور فأنت بترتكب خطية غير عادية
-----
للأسف ناس كثير بتحاول تقلل من هول الآية و بتحاول تعطيها تفاسير مقبولة مثل التجديف هو مقاومة الروح طوال حياتك
فى الحقيقة ان التجديف اللى قاله المسيح فى الموقف اللى قاله المسيح لايحتمل اى تفسير غير المعنى اللى موجود فأرجوك
ماتمشيش مع التيار لان ممكن يكون التيار كله هالك
لو مش مؤمن بالحملات التبشيرية ولا النهضات الروحية بسبب ان ماحدش أخذ إذن جانبك او إذن كنيستك او الطائفة اللى انت فيها
يبقى يا تسكت ياما تحاول ان تقدم لشعبك وكنيستك وجبة روحية دسمة أفضل بكثير مما انت تفعله
اما بالنسبة للآيات اللى محفوظة عن ظهر قلب منها
باسمك تنبانا ....
لو قالوا لك المسيح هنا وهناك ......
سياتى مسحاء و أنبياء كذبة ... آيات ...
كل الكلام ده هارد عليه واحدة واحدة بحسب نعمة و حكمة ربنا اللى بطلبها منه
ولكنى أريدك ان تفكر فى شىء قبل ما انقل للجزء الثانى وهو
"لولا الآيات و العجائب و المعجزات لم ولن تكن مسيحيا الى الان أرجوك اقرأ اعمال الرسل واقرا تاريخ المسيحية فى مصر كيف دخلت"
النقطة الاخرى
ان غير المسيحيين اللى بيقفوا امام المعجزات باسم يسوع المسيح من اخراج شياطين وشفاء مرضى وإقامة موتى عاجزين بيستخدموا نفس تلك الآيات لكى يصلوا الى نقطة ان المسيح أتنبأ ان الناس السحرة و اللى عليهم شياطين هم اللى هايقوموا بالآيات مش هو
فى الجزء الثانى سأشرح الفرق بين المعجزة الالهية و أعجوبة
الشياطين
مت ١٢
25 فَعَلِمَ يَسُوعُ أَفْكَارَهُمْ، وَقَالَ لَهُمْ: «كُلُّ مَمْلَكَةٍ مُنْقَسِمَةٍ عَلَى ذَاتِهَا تُخْرَبُ، وَكُلُّ مَدِينَةٍ أَوْ بَيْتٍ مُنْقَسِمٍ عَلَى ذَاتِهِ لاَ يَثْبُتُ.
26 فَإِنْ كَانَ الشَّيْطَانُ يُخْرِجُ الشَّيْطَانَ فَقَدِ انْقَسَمَ عَلَى ذَاتِهِ. فَكَيْفَ تَثْبُتُ مَمْلَكَتُهُ؟
27 وَإِنْ كُنْتُ أَنَا بِبَعْلَزَبُولَ أُخْرِجُ الشَّيَاطِينَ، فَأَبْنَاؤُكُمْ بِمَنْ يُخْرِجُونَ؟ لِذلِكَ هُمْ يَكُونُونَ قُضَاتَكُمْ!
28 وَلكِنْ إِنْ كُنْتُ أَنَا بِرُوحِ اللهِ أُخْرِجُ الشَّيَاطِينَ، فَقَدْ أَقْبَلَ عَلَيْكُمْ مَلَكُوتُ اللهِ!
29 أَمْ كَيْفَ يَسْتَطِيعُ أَحَدٌ أَنْ يَدْخُلَ بَيْتَ الْقَوِيِّ وَيَنْهَبَ أَمْتِعَتَهُ، إِنْ لَمْ يَرْبِطِ الْقَوِيَّ أَوَّلاً، وَحِينَئِذٍ يَنْهَبُ بَيْتَهُ؟
30 مَنْ لَيْسَ مَعِي فَهُوَ عَلَيَّ، وَمَنْ لاَ يَجْمَعُ مَعِي فَهُوَ يُفَرِّقُ.
31 لِذلِكَ أَقُولُ لَكُمْ: كُلُّ خَطِيَّةٍ وَتَجْدِيفٍ يُغْفَرُ لِلنَّاسِ، وَأَمَّا التَّجْدِيفُ عَلَى الرُّوحِ فَلَنْ يُغْفَرَ لِلنَّاسِ.
32 وَمَنْ قَالَ كَلِمَةً عَلَى ابْنِ الإِنْسَانِ يُغْفَرُ لَهُ، وَأَمَّا مَنْ قَالَ عَلَى الرُّوحِ الْقُدُسِ فَلَنْ يُغْفَرَ لَهُ، لاَ فِي هذَا الْعَالَمِ وَلاَ فِي الآتِي.
33 اِجْعَلُوا الشَّجَرَةَ جَيِّدَةً وَثَمَرَهَا جَيِّدًا، أَوِ اجْعَلُوا الشَّجَرَةَ رَدِيَّةً وَثَمَرَهَا رَدِيًّا، لأَنْ مِنَ الثَّمَرِ تُعْرَفُ الشَّجَرَةُ.

الفرق بين المعجزة و اعمال السحر 

 

 

المعجزة هم عمل خارق للطبيعة هدفه إصلاح او تسديد احتياج شخص او أمة و يكون لها هدف سماوى لمجد الله اى إظهار صفات الله من خلال أعماله

وتكون المعجزة نتيجة تصرف الهى مباشر او نتيجة استجابة صلاة
والصلاة هى ليست مشروطة على أمة معينة او دين معين

اي ام تصلى لابنها
ولكن لما بيكون هناك عهد الهى بنرى المعجزات بشكل مستمر
مثل إعالة شعب بنى اسرائيل فى برية سيناء

ومثل الآيات و العجائب ابى تتبع مؤمنين الرب يسوع كعلامة على صدق رسالته
_________

انواع المعجزات هى
معجزات الشفاء بكل أنواعه و بتبقى على هيئة شفاءلحظى او شفاء تدرجى سريع

مثل
شفاء العمى
شفاء المشلولين
شفاء التشوهات الخلقية
نمو عضو غير موجود او اعادة خلقته
اى الم حتى ولو شديد او مزمن
اى مرض عضوى
---
الأمراض الذهنية و النفسية
الاكتئاب و القلق و التوتر
أمراض انفصام و توحد
أمراض اخرى
---------
شفاء النفس نتيجة صدمة او جرح شديد مر به الشخص المتألم
------

معجزات الطبيعة
اى تغيير دائم غير مؤقت على الطبيعة
مثل اسكات البحر الهائج و الرياح
مثل تضاعف الاكل فى حادثة ٥ خبزات وسمكتين

--------

معجزات تغيير الشخصية
من شرير لشخص تائب و قديس
------
معجزات طرد الأرواح الشريرة
--
معجزات إقامة الموتى فى مزنبيق حوالى ١٥ طفل قاموا من الموت بسبب خدمة هايدى بيكر

وفى مصر الطفل ادهم و الطفلة دميانة ماتوا وقاموا بقوة الصلاة

******
معجزات التحرير بكل أنواعها
من العلاقات الخاطئة من الخطية من الادمان بكل أنواعه ..

*******

معجزات مواهب الروح القدس الاظهارية

منها الالسنة ، ترجمة الآلسنة ، النبوات ، شفاء ، عمل قوات ، كلام علم كلام حكمة ..

********* ****************

آيات و عجائب الشياطين

الآية هو شئ يبهر العقل و ليس له تأثير دائم على الطبيعة الا او كان مصاحب لمعجزة

بمعنى اخر كل معجزة هى اية وأعجوبة ولكن ليس كل اى و أعجوبة معجزة

مثلا

الآيات اللى اتكتبت فى الكتاب المقدس على انها شيئ ممكن يحدث على ايدى السحرة والعرافين هو

حرق شىء و طلب نار من السماء و تظهر النار
رؤ ١٣ : ١٣ 13 وَيَصْنَعُ آيَاتٍ عَظِيمَةً، حَتَّى إِنَّهُ يَجْعَلُ نَارًا تَنْزِلُ مِنَ السَّمَاءِ عَلَى الأَرْضِ قُدَّامَ النَّاسِ،

تحريك صورة لشخص معلق وممكن الصورة تتكلم كما كتب فى سفر الرؤية
------
التعامل المباشر مع ارواح شريرة لمعرفة شيء الان او شئ فى المستقبل ( نتيجة استنتاج ليدفع الناس لعمل الشر ولكنهم لايعرفوا المستقبل )
------
إبهار العقل باى شىء غير حقيقي و مؤقت

**********

انا شخصيا اتعرفت على ساحر فى مصر كان كاتب فى الأخبار انه ممكن يخفى الهرم وظهر فى برنامج للشباب وعمل اعمل سحرية

ورانى صوره وهو معلق ناس فى الهواء و اعمال سحرية مهولة
سألته سؤال انت بتعمل ده بمجهودك و يلا عن طريق شياطين ؟؟ جاوب بصراحة انه متزوج ملكة هى اللى بتخليه يعمل كدة

سألته انى سأعطيه تليفزيون خربان وهل يستطيع اصلاحه؟
فقال لى انى سأعطيك التلفزيون سليم ١٠٠٪ لفترة معينة بعد كدة هايرجع تانى بايظ لانه لم يتصلح فى الأساس

انا بس بأثر على النظر وأبهر لعيون لفترة من الزمن

-------

والآن سؤالى لكل شخص مؤمن ان المعجزات ممكن تكون مش من ربنا

هل حدث ولو مرة واحدة فى الكتاب المقدس من التكوين للرؤية
ان ساحر شفى نملة ؟؟؟؟؟

لو كان نعمان السرياني عنده فى كل مملكته ساحر يستطيع ان يشفيه ليه راح لآليشع ؟؟؟؟

لو كان سحرة مصر عندهم القدرة على إقامة الميت لماذا مات كل أبكار المصريين حتى اولادهم ؟؟

الى الان و الشرق الأوسط و الدول المتخلفة فيهم كم رهيب من السحر هل سمعتم عن شخص واحد شفى من السرطان على يد ساحر؟؟

هل استطاع ساحر ان يشفى مشلول او يرجع عين اعمى

هل استطاع ساحر ان يغير اخلاق شخص شرير الى شخص مؤمن ؟؟

نسمع عن الاعمال و نسمع عن حروب الشياطين و دخول شياطين فى ارواح ناس وتملكه عليهم

هل ده نتيجة اعمال سحر شريرة ام جيدة؟

حتى الضحايا اللى بيروحوا لسحرة علشان يفك العمل من عليهم هم بيتربطوا اكثر

لى اخوة فى المسيح سافروا لدولة آسيوية ليُبشروا بالمسيح الناس فقراء لدرجة ان ممكن ياكلوا اى شىء فى الشارع و مع ذلك كل واحد شاري حزام من السحرة اللى فى الحي ثمنه غالى جدا

هو ده الفرق ما بين السحر و مابين المعجزات الحقيقية

-----

طيب ماذا يحدث عندما يستطدم عمل ربنا مع السحر

الكتاب المقدس ذكر عدد كبير جدا من المواقف سأذكر منها
١- حية موسي ابتلعت كل حيات السحراء
٢- السحرة لم يستطيعوا ابطال ضربات يهوة (الله ) على يد موسي

العهد الجيد
بولس بكلمة اخرج شيطان العرافة
اليهود اللى بيعزموا على الشياطين استخدموا اسم يسوع اللى يكرز به بولس والشياطين هجمت عليهم و جروحهم
سيمون الساحر اللى كان بيبهر السامرة سنين طويلة بسحره لما رأى معجزات فيلبس امن بالمسيح اى ان المعجزات أقوى بكثير من اى عمل سحرى مجرد يبهر العقل

عاليم الساحر لما قاوم إيمان بولس أصيب بالعمى
السحرة اللى دخلوا فى الإيمان حرقوا كتبهم السحرية و تمنوها ب ٥٠ الف من الفضة

والآن هذه هى آيات الرب من الكتاب عن المعجزات

مر ١٦
17 وَهذِهِ الآيَاتُ تَتْبَعُ الْمُؤْمِنِينَ: يُخْرِجُونَ الشَّيَاطِينَ بِاسْمِي، وَيَتَكَلَّمُونَ بِأَلْسِنَةٍ جَدِيدَةٍ.
18 يَحْمِلُونَ حَيَّاتٍ، وَإِنْ شَرِبُوا شَيْئًا مُمِيتًا لاَ يَضُرُّهُمْ، وَيَضَعُونَ أَيْدِيَهُمْ عَلَى الْمَرْضَى فَيَبْرَأُونَ».
19 ثُمَّ إِنَّ الرَّبَّ بَعْدَمَا كَلَّمَهُمُ ارْتَفَعَ إِلَى السَّمَاءِ، وَجَلَسَ عَنْ يَمِينِ اللهِ.
20 وَأَمَّا هُمْ فَخَرَجُوا وَكَرَزُوا فِي كُلِّ مَكَانٍ، وَالرَّبُّ يَعْمَلُ مَعَهُمْ وَيُثَبِّتُ الْكَلاَمَ بِالآيَاتِ التَّابِعَةِ. آمِينَ.

لوقا 10: 17
17 فَرَجَعَ السَّبْعُونَ بِفَرَحٍ قَائِلِينَ:«يَارَبُّ، حَتَّى الشَّيَاطِينُ تَخْضَعُ لَنَا بِاسْمِكَ!».

أعمال الرسل 5: 16
16 وَاجْتَمَعَ جُمْهُورُ الْمُدُنِ الْمُحِيطَةِ إِلَى أُورُشَلِيمَ حَامِلِينَ مَرْضَى وَمُعَذَّبِينَ مِنْ أَرْوَاحٍ نَجِسَةٍ، وَكَانُوا يُبْرَأُونَ جَمِيعُهُمْ.

أعمال الرسل 28: 8
8 فَحَدَثَ أَنَّ أَبَا بُوبْلِيُوسَ كَانَ مُضْطَجِعًا مُعْتَرًى بِحُمَّى وَسَحْجٍ. فَدَخَلَ إِلَيْهِ بُولُسُ وَصَلَّى، وَوَضَعَ يَدَيْهِ عَلَيْهِ فَشَفَاهُ.

أعمال الرسل 14: 3
3 فَأَقَامَا زَمَانًا طَوِيلاً يُجَاهِرَانِ بِالرَّبِّ الَّذِي كَانَ يَشْهَدُ لِكَلِمَةِ نِعْمَتِهِ، وَيُعْطِي أَنْ تُجْرَى آيَاتٌ وَعَجَائِبُ عَلَى أَيْدِيهِمَا.

******* السحر ******
اع ٨
10 وَكَانَ الْجَمِيعُ يَتْبَعُونَهُ مِنَ الصَّغِيرِ إِلَى الْكَبِيرِ قَائِلِينَ:«هذَا هُوَ قُوَّةُ اللهِ الْعَظِيمَةُ».
11 وَكَانُوا يَتْبَعُونَهُ لِكَوْنِهِمْ قَدِ انْدَهَشُوا زَمَانًا طَوِيلاً بِسِحْرِهِ.
12 وَلكِنْ لَمَّا صَدَّقُوا فِيلُبُّسَ وَهُوَ يُبَشِّرُ بِالأُمُورِ الْمُخْتَصَّةِ بِمَلَكُوتِ اللهِ وَبِاسْمِ يَسُوعَ الْمَسِيحِ، اعْتَمَدُوا رِجَالاً وَنِسَاءً.
13 وَسِيمُونُ أَيْضًا نَفْسُهُ آمَنَ. وَلَمَّا اعْتَمَدَ كَانَ يُلاَزِمُ فِيلُبُّسَ، وَإِذْ رَأَى آيَاتٍ وَقُوَّاتٍ عَظِيمَةً تُجْرَى انْدَهَشَ.

اع ١٩
19 وَكَانَ كَثِيرُونَ مِنَ الَّذِينَ يَسْتَعْمِلُونَ السِّحْرَ يَجْمَعُونَ الْكُتُبَ وَيُحَرِّقُونَهَا أَمَامَ الْجَمِيعِ. وَحَسَبُوا أَثْمَانَهَا فَوَجَدُوهَا خَمْسِينَ أَلْفًا مِنَ الْفِضَّةِ.

أسالة جدلية

 

 

ايه جدلية ناس ارسلوها لى على ال الميل الخاص
مت ٢٤
24 لأَنَّهُ سَيَقُومُ مُسَحَاءُ كَذَبَةٌ وَأَنْبِيَاءُ كَذَبَةٌ وَيُعْطُونَ آيَاتٍ عَظِيمَةً وَعَجَائِبَ، حَتَّى يُضِلُّوا لَوْ أَمْكَنَ الْمُخْتَارِينَ أَيْضًا.
25 هَا أَنَا قَدْ سَبَقْتُ وَأَخْبَرْتُكُمْ.
26 فَإِنْ قَالُوا لَكُمْ: هَا هُوَ فِي الْبَرِّيَّةِ! فَلاَ تَخْرُجُوا. هَا هُوَ فِي الْمَخَادِعِ! فَلاَ تُصَدِّقُوا.
27 لأَنَّهُ كَمَا أَنَّ الْبَرْقَ يَخْرُجُ مِنَ الْمَشَارِقِ وَيَظْهَرُ إِلَى الْمَغَارِبِ، هكَذَا يَكُونُ أَيْضًا مَجِيءُ ابْنِ الإِنْسَانِ.
28 لأَنَّهُ حَيْثُمَا تَكُنِ الْجُثَّةُ، فَهُنَاكَ تَجْتَمِعُ النُّسُورُ.

ايه ٢٥ قتلناها بحثا أرجوك اقرأ رسالة جزء ٢ ( الفرق بين المعجزة الحقيقية الالهية و الأعجوبة السحرية )

اية ٢٦
هل يوجد اى شخص فى اي مكان بيعمل آيات و عجائب باسم الرب يسوع بيقول ان المسيح جاء ؟؟؟؟؟؟؟؟؟؟؟

ايه علاقة المسيح جاء فى المجئ الثانى وان واحد يعمل اجتماع صلاة و فيه صلاة لأجل الاحتياجات ؟؟؟؟؟؟؟؟؟؟

الغريبة ان نفس اللى بيقولوا الكلام ده ممكن يسافروا من مدينة لمدينة للتبرك بشئ مقدس ؟ شىء غريب نرفض الحقيقة الإنجيلية و نقبل اى شىء و رثناه حتى ولو لم يكن انجيلى

--------------
الآية المرعبة
رعب التنين

مت ٧؟
22 كَثِيرُونَ سَيَقُولُونَ لِي فِي ذلِكَ الْيَوْمِ: يَارَبُّ، يَارَبُّ! أَلَيْسَ بِاسْمِكَ تَنَبَّأْنَا، وَبِاسْمِكَ أَخْرَجْنَا شَيَاطِينَ، وَبِاسْمِكَ صَنَعْنَا قُوَّاتٍ كَثِيرَةً؟
23 فَحِينَئِذٍ أُصَرِّحُ لَهُمْ: إِنِّي لَمْ أَعْرِفْكُمْ قَطُّ! اذْهَبُوا عَنِّي يَا فَاعِلِي الإِثْمِ!
24 «فَكُلُّ مَنْ يَسْمَعُ أَقْوَالِي هذِهِ وَيَعْمَلُ بِهَا، أُشَبِّهُهُ بِرَجُل عَاقِل، بَنَى بَيْتَهُ عَلَى الصَّخْرِ.

قبل ما اجاوب على الآية دى ممكن نقرا الآية دى اولا

مر ٩

38 فَأَجَابَهُ يُوحَنَّا قِائِلاً:«يَا مُعَلِّمُ، رَأَيْنَا وَاحِدًا يُخْرِجُ شَيَاطِينَ بِاسْمِكَ وَهُوَ لَيْسَ يَتْبَعُنَا، فَمَنَعْنَاهُ لأَنَّهُ لَيْسَ يَتْبَعُنَا».
39 فَقَالَ يَسُوعُ:«لاَ تَمْنَعُوهُ، لأَنَّهُ لَيْسَ أَحَدٌ يَصْنَعُ قُوَّةً بِاسْمِي وَيَسْتَطِيعُ سَرِيعًا أَنْ يَقُولَ عَلَيَّ شَرًّا.
40 لأَنَّ مَنْ لَيْسَ عَلَيْنَا فَهُوَ مَعَنَا.
41 لأَنَّ مَنْ سَقَاكُمْ كَأْسَ مَاءٍ بِاسْمِي لأَنَّكُمْ لِلْمَسِيحِ، فَالْحَقَّ أَقُولُ لَكُمْ: إِنَّهُ لاَ يُضِيعُ أَجْرَهُ.

تفهم ايه من مر ٩ ؟؟؟؟

الشخص اللى يعمل معجزة حقيقية باسم المسيح وهو لايتبع الإيمان الأرثوذوكسي الممثل فى المسيح وتلاميذه المسيح من وجهة نظر المسيح هو شخص مؤمن حقيقي ويجمع مع المسيح

ودى شهادة المسيح نفسه اللى هايدين الأحياء و الأموات

انا شخصيا بعد هذه الآية اللى ربنا كلمنى فيها مش عاوز اسمع تجريح فى اى خدمة على انها عمل شيطانى لانها لا تتبع طائفتنا هو طه الخطا اللى عمله التلاميذ فى وقت الرب يسوع و المسيح بالفعل صحح المفاهيم ليه بقى دلوقت نعمل تانى نفس الخطا اللى المسيح قاله

---------------

نرجع لأية رعب التنين :)

هل يوجد عقيدة واحدة فى الكتاب المقدس بتقول ان الانسان اللى عرف ربنا هو محصن ليوم القيامة لن يخطئ أبدا؟؟

الم يحافظ القديس بولس على علاقته بربنا رغم كم الرهيب من المعجزات اللى ربنا عملها على يديه؟؟؟؟

هل يهوذا الاسخريوطى اللى كان بيخرج الشياطين زيه زي اى تلميذ هل المعجزات على يديه أنقذته من الموت المحقق؟؟؟

------

الكتاب المقدس بيؤكد ان الشخص اللى امتلا بالروح القدس مهما اخطا فلن يفارقه الروح بل سيطفئه سؤالى هل ده ينطبق على مواهب الروح القدس الإجابة الصادمة نعم

وانا شخصيا سمعت شهادة خاصة للمبشرين اشتهروا بشفاء المرضى و المعجزات و اتحاربوا و أخطؤوا رغم ان قوة ربنا و مواهب الروح لم تفارقهم ليه؟؟؟

فى قسيس اوغاندى كان مشهور بالنهضة الروحية قال بعد ان بشرنا باسم المسيح وكان فى نجاح غير عادى تانى يوم لقيت نفسي مش قادر اصلى وربنا زعلان جدا وفى النهاية ربنا اعلن ذاته ليه و قال له انت بتعمل خطايا بشكل مستمر ولا تقدم توبة و اسم ربنا هايتجدف عليه بسببك

وربنا قال له إياك تفتكر ان المعجزات اللى بعملها على أديك دى بسبب انك كويس لا ده بسبب انى بحب و مشفق على الناس وعاوز احررهم

###### ###########
بالاختصار مواهب الرب الروحية الحقيقية للأسف بعض المؤمنين لو انحرفوا عن الإيمان لن تفارقهم العطية بالشكل اللى متخيلينه

وده شىء مهم لانى رأيت ناس مختلفة فى طريقة لعبادة وربنا بيعمل من خلالهم او بمعنى اخر

مش معنى ان شخص ربنا أعطاه موهبة روحية انك تمشى ورآه زى الاعمي

الكتاب المقدس و روح الله هم الأساس وقبل اى شئ

-----------

طيب هل مواهب الروح هى اللى جعلت المؤمنين يخطئوا ؟؟؟

طبعا لا

المسيح كتب بالتفصيل عن أسباب رفض الانسان مثل

كنت جعان ولم تطعمونى
مريض ام تزورونى
.......

ليس لها اى علاقة بالتنبؤ او بإخراج الشياطين

اى ان الانسان الذي لا يظهر اعمال المحبة فى حياته و لم تكن المحبة لربنا و اخوته الدافع الأساسي

فاى شىء اخر لن يكون له قيمة مثل الايات و المعجزات

ربنا يعطينا حكمة وفهم وادراك روحي فى اسم يسوع امين

رسالة افسس

هى رسالة مميزة جدا جدا اسمها رسالة السماويات
بتخطف كل مؤمن ماشى مع ربنا زى الطفل وتحوله رجل بل وحش فى الإيمان
 

سمعت وعظات لمبشرين كثيرين و كانت رسالة افسس هى أساس نهضتهم

مثلا كنيس هيجن صلى هذه الصلاة ( فى نهاية البوست ) كل يوم عشرات المرات
الى ان ابتدا يرى رؤي و يسمع صوت المسيح بوضوح
تود وايت مبشر شوارع أمريكا المشهور قرا افسس لمدة سنة كاملة لم يقرا اى شئ اخر

لماذا افسس بالذات ؟؟؟

يمكن تعرف انت لم تقرأها بروح صلاة وتأمل
http://st-takla.org/…/Risala-Polos-ElRasoul-Ila-Ahl-Afasos_…
لِذلِكَ أَنَا أَيْضًا إِذْ قَدْ سَمِعْتُ بِإِيمَانِكُمْ بِالرَّبِّ يَسُوعَ، وَمَحَبَّتِكُمْ نَحْوَ جَمِيعِ الْقِدِّيسِينَ،لاَ أَزَالُ شَاكِرًا لأَجْلِكُمْ، ذَاكِرًا إِيَّاكُمْ فِي صَلَوَاتِي،
كَيْ يُعْطِيَكُمْ إِلهُ رَبِّنَا يَسُوعَ الْمَسِيحِ، أَبُو الْمَجْدِ، رُوحَ الْحِكْمَةِ وَالإِعْلاَنِ فِي مَعْرِفَتِهِ،مُسْتَنِيرَةً عُيُونُ أَذْهَانِكُمْ، لِتَعْلَمُوا مَا هُوَ رَجَاءُ دَعْوَتِهِ، وَمَا هُوَ غِنَى مَجْدِ مِيرَاثِهِ فِي الْقِدِّيسِينَ،وَمَا هِيَ عَظَمَةُ قُدْرَتِهِ الْفَائِقَةُ نَحْوَنَا نَحْنُ الْمُؤْمِنِينَ، حَسَبَ عَمَلِ شِدَّةِ قُوَّتِهِالَّذِي عَمِلَهُ فِي الْمَسِيحِ، إِذْ أَقَامَهُ مِنَ الأَمْوَاتِ،

 وَأَجْلَسَهُ عَنْ يَمِينِهِ فِي السَّمَاوِيَّاتِ،فَوْقَ كُلِّ رِيَاسَةٍ وَسُلْطَانٍ وَقُوَّةٍ وَسِيَادَةٍ، وَكُلِّ اسْمٍ يُسَمَّى لَيْسَ فِي هذَا الدَّهْرِ فَقَطْ بَلْ فِي الْمُسْتَقْبَلِ أَيْضًا،وَأَخْضَعَ كُلَّ شَيْءٍ تَحْتَ قَدَمَيْهِ، وَإِيَّاهُ جَعَلَ رَأْسًا فَوْقَ كُلِّ شَيْءٍ لِلْكَنِيسَةِ،الَّتِي هِيَ جَسَدُهُ، مِلْءُ الَّذِي يَمْلأُ الْكُلَّ فِي الْكُلِّ. (أفسس 1: 15 - 23 - الكتاب المقدس)

لما اصلى بايمان ولا اشعر باستجابة؟

الصلاة التى لم تستجاب بعد ( ١ )

لو الواحد كتب مقالة عن شروط الصلاة المستجابة فى المسيحية
لن اجد مسيحيين كثيرين سيهتمون

ولكن لو كتبت ليه بيحدث و تكون هناك صلوات غير مستجابة وماذا نفعل ؟؟ ساجد قراء كثير
ليه ؟؟ لان عدد الضحايا كثر قوى
ضحايا الحرب
ضحايا المعركة اللى موجودة فى العالم
بين مملكة الظلمه و بين اولاد الله
تعرضت اليوم لموقف ضايقنى بسبب صلاة لم تستجاب وانا مؤمن ان كل الصلاوات مستجابة يمكن مش بنشوف تأثيرها دلوقت بس هى مستجابة
وقلتله يارب الموقف اللى حصل النهاردة مختلف عن مواقف كثيرة كانت الصلوات بتستجاب ؟ ماذا حدث ؟
وإزاى نتشجع اننا نستمر فى صلواتنا و جهادنا لو فى صلوات ملحة لم تستجاب ؟؟
فى الحقيقة جاءنى الرد أسرع مما كنت اتخيل كنت فاكر انى هانتظر كام يوم او اسبوع بس الرد كان أسرع مماتصورت
لقيت قدامى فديو لبيل جونسون عنوانه ماذا تفعل لو صلاتك لم تستجاب
سأكتب بعض النقط الهامة التى تعرض لها وسازيد بعض التامل

لصلاة التى لم تستجاب (٢)
اول اعلان الهى نفكر فيه هو ببساطة حقيقة كتبت فى الصلاة الربانية اللى علمها المسيح لتلاميذه وللاسف بسبب اننا اهتمينا بترديد الصلوات بشكل أشبه بالبغبغانات من صلوات محفوظة. يهمنا ان نختم اى صلاة بابانا الذى و نبتديها برضة بابانا الذى كان فى عداد بيعد علينا
بالرغم ان اهم شىء اننا نعيش كلماتها وكما قلت قبل ذلك ان أبانا الذى فى السماوات هو اعلان غير مفهوم الناس عن ربنا ١٨٠ درجة فهو ليس الخالق و نحن العبيد دى الصورة اللى احنا شفنا بها أنفسنا إنما الصورة الحقيقية كما يراها الرب هو انه ابونا و نحن اولاده

اعلان ان الرب هو الاب بيخليك تتصرف كشخص مسؤل فأنت الوارث وانت صاحب البيت وكما تتوقع امور كثيرة من الرب كاب ليك هو ايضا يتوقع امور كثيرة منك كابن له
تانى اعلان غير تاريخ البشرية هو
لتكن مشيئتك كما فى السماء كذلك على الارض
الرب اعلن هنا أمرين فى منتهى الأهمية
١- مشيئة الله فى السماء هى مشيئة كاملة
٢- الله ليس له مشيئة على الارض او بمعنى اخر ليس له الحق ان يتمم مشيئته على الارض
رقم ١ اسهل بكثير من رقم ٢ لان رقم ٢ صادمة و الكل متوهم ان الله كلي القدرة يستطيع ان يفعل كل شىء كما يريد وهذا خطا فادح
رقم - ١
السماء متنظمة وبتتحرك تماماً كما يريدها الله
وهذه هى خصائصها
* حياة لا يوجد موت
* فرح مستمر لا حزن و لا بكاء ولا دموع
* لا يوجد زمن فلا يوجد من هو عجوز او كبر فى السن
* لايوجد فيها أمراض بكل انواعها
* لايوجد فىها ظلام بل هى منورة بشمس البر صباحا و مساءا
* كلها نمو مستمر فى معرفة الرب بشكل مستمر لان الرب هو نهر سباحة لايعبر
----------
كل اللى طلبه المسيح مننا ان نجعل هذه السماء على الارض
طبعا هاتقول انى انا فاهم غلط لان احنا اللى بنطلب من المسيح انه يجعل السماء على الارض
لا انا قاصد اللى بقوله
الرب هو اللى بيطلب مننا ان السماء تبقى على الارض
لان المفتاح معانا مش معاه
هو عمل دوره على اكمل وجه وفى وضع الاستعداد
دوره هو ببساطة انه يدفع تمن ان السماء تبقى على الارض وللاسف بعد ما الكنيسة ضعفت بعد ٣٠٠ سنة فقط من انتشار المسيحية
تقلص دور المسيح فى العالم على انه شخص غافر للخطايا و يدخل السماء و كل هم الانسان على الارض من الصبح لليل يقول أيها الرب يسوع المسيح ارحمنى وسمناها الصلاة السهمية
لكن فى الحقيقة ان كل مؤمن له مسؤلية كبيرة جدا لايفهمها لانه اتعمى عنها
وهذا العمى تم بقصد حتى لا نقوم بأعمالنا
تماماً كشخص عاوز يحارب دولة الجنود فيها اقوياء جدا وعارف انه لو دخل عليهم هايقطعوه
فراح جاب لكل جندى من اعداءة ايفون عليه ألعاب كثيرة فضلوا ينشغلوا ينشغلوا و نسوا أصلا انهم جنود و تَرَكُوا أسلحتهم الى ان جاء المُهلك
هى المسالة محتاجة اننا نصحى مرة اخرى ونفهم المهمة اللى ربنا دعانا اليها
الرب طالب منك ومنى ان ملكوته السماوى يبقى على الارض و انت اللى فى يدك الحل وفى يدك السلطة
لانه عمل دوره على اكمل وجه
عمل كل شئ دفع به تمن امراضنا الجسدية
عمل كل شىء دفع به تمن امراضنا النفسية
عمل كل شىء دفع به تمن امراضنا الروحية
عمل كل شىء دفع به تمن الامتلاء بالروح و بثماره و مواهبه و قوة من الأعالى للتبشير
المسيح شاف الشيطان مثل البرق يسقط من السماء الى الارض
امتى ؟ لما تلاميذه رجعوا يقولوا له حتى الشياطين تخضع لاسمك

الصلاة التى لم تستجاب ٣
السيد المسيح خلق سماء مفتوحة فى اللحظة اللى مات فيها على الصليب انشق حجاب الهيكل وبَقى كل شخص له الحق ان يقف فى عرش النعمة و يحمل حضور الله
فأنت يا انسان مطلوب منك تعرف انك كائن سماوى جالس مع المسيح فى السماويات

حتى ولو حزين
ومكتئب
وفقير
وخاطى
هذا لن يغير من مكانتك فى المسيح شىء
ولكن بارادتك ان تفعل هذه المكانة او لا
----------
طيب سؤال بسيط هو ليه ربنا خلقنا
للأسف السؤال ده صعب جدا جدا وإياك تفتكر ان الموضوع سهل و بسيط ( علشان بيحبنا) أكيد اللى هايسمع الإجابة دى هايتجنن
يارب انت علشان بتحبنا تعذبنا ؟؟؟ مين قاللك اننا فرحانين انك خلقتنا؟؟؟؟
فى الحقيقة الإجابة الحقيقية
الإجابة الصادمة انه فعلا بيحبك علشان كدة خلقك واللى انت بتتهمه فيه هو دورك انت
انت الانسان اللى بمنتهى إرادتك قلت يارب انا مش عاوزك انا عاوز اعمل الخطية اللى انت حذرتنى منها
علشان كدة جئت فى مكان وانت ممحو الذاكرة
ابن ملك وقع فى مكان لا عارف اصله ولا فصله
** غرض الرب من خلقة آدم ان يجعله يستمتع و يسود الارض فيعرف ماهو مقدار حب ربنا له وبعدها يدوب آدم فى الرب و يبقى حاجة واحدة فيه يستمتع و ياكل و يشرب روحيا من الرب
آدم اختار ان يتبع العدو
اختار ان يكسر الوصية
اختار انه يكذب الرب
وانا وانت عملنا أضعاف اللى عمله آدم
وطبعا انا وانت مش عايشين فى جنة اجسادنا لايمرض و لا تكبر نسود الارض
لا بقيننا مرضى و خزانا ومكتئبين و كل واحد شايل أحمال هاتفجره
بقينا اموات فى اجساد حية
لنا اسم اننا احياء و اننا اموات
معظمنا عاوز يموت ويرتاح
---------
لكن المخلص غير الخطة علشان ينقذنى وينقذك
علشان كدة جاء ليدفع تمن موتك وشفائك و تحريرك
بس هنا الخطة اصبحت اكبر بكثير كن مجرد انه مات عن الانسان علشان يفدى الانسان
الموضوع وصل لمرحلة ان وجوده على الارض وسلطانه الجزئي على الارض لان رئيس هذا العالم هو الشيطان
اصبح سلطان الله على الارض برأس هى المسيح و جسد هو المؤمنين
تخيل شخص له راس بلا جسد
ماذا تفعل الرأس ؟؟؟
ولا حاجة
أزا فأنت يد ورجل المسيح
انا وانت جسد المسيح لانه راس الكنيسة
هو اعطانا السلطان ونحن نستخدم السلطان
لو الكلام ده اتفهم و اتحفر فى القلب سنفهم كيف نشفى مرضى ونخرج شياطين و نقيم موتى

الصلاة التى لا تستجاب (٤)
طيب تخيل اننا عملنا كل شئ كما قال الكتاب
امنا بخلاص المسيح
اتعمدنا بالمياة
عرفنا اننا جسده
عرفنا ان علينا مسؤلية التشفع للأرض
وان مجد الرب و حضوره مشروط بشرعية هى ان المؤمنين البشر يصلوا و يطلبوا حضوره
وان مهمتنا هى تحويل الارض الى سماء
لا أمراض و لا احزان ولا اوجاع ولادموع ولا قيود
وان كل المرضى يشفو
لايوجد سرطان
لايوجد عمى
لايوجد فشل كلوى
لايوجد اكتئاب او سكيذوفرينيا
لايوجد ...... مملكة الظلمة
ليه مش بيحصل ؟؟
قبل ما نقول ليه مش بيحصل لازم نعرف هو بيه بيحصل و فين فى الانجيل
المسيح أعطى كل سلطانه للكنيسة ( كل سلطانه) فجماعة المؤمنين على الارض يستطيعوا ان يشفوا و يحرروا ويحلوا البشر و يربطوا الشياطين
هو أعطى السلطان بشكل مباشر للرسل ال ١٢ وبعد ذلك ال ٧٠ رسول وبعد ذلك للجميع لكل ما قبل الروح القدس
----------
طيب امتلاءنا بالروح القدس و بقينا نصلى بالسنة و طلبنا بدموع مواهب الروح وأخذنا مواهب و كلنا فرحنا لما شوفنا عمل ربنا الإعجازي
تانى ليه فى صلوات غير مستجابة لو كانت بحسب مشيئة الرب
ليه فى اجتماع روحى فيه مرضى و ياتى شخص يصلى عليهم ٢ يشفوا و ٢ لايشفوا او ١٠٠ يشفوا وواحد لايشفى ؟؟
------
اى بمعنى اخر ماذا يحدث لو كانت النتيجة غير متوقعة؟؟؟؟
السيد المسيح أعطى تلاميذه السلطان على كل ضعف سواء ارواح شريرة و أمراض وقيود
المسيح له المجد شفى كل المرضى بنسبة ١٠٠٪
وده خبر سئ جدا لكل رجال الدين
كل رجال الدين كان نفسهم يلاقوا شخص واحد مريض يرموا عليه كل المرضى اللى مش بيخفوا ويقولوا انه استثناء
ولما مالقوش ولا واحد المسيح او الرسل قالوله معلش دى إرادة ربنا انك تبقى مريض
مسكوا فى شوكة بولس ١٦ قرن من الزمان ماسكين شوكة بولس وسايبين الناس المتألمة متألمة
-------
لكن الانجيل بيعلمنا حاجة خطيرة جدا
ان فى حادثة واحدة فيها ناس جابوا مريض للتلاميذ و ماقدروش يشفوه
التلاميذ كانوا بيشفوا مرضى و يخرجوا شياطين بشكل معتاد لدرجة ان جالهم ذهول لما الطفل لم يشفى
صلاة لم تستجاب
صلاة غير متوقع نتيجتها
صلوا باسم يسوع المسيح كل الأمراض و الشياطين خضعت الا ده
ماهو رد فعل الرسل
يا ابنى دى إرادة ربنا و ده صليبك وده ؟؟؟؟؟؟
لا ده الكلام اللى بنحاول نداري بيه ضعف ايماننا
وكل واحد بيعمل كدة اى خادم او راعي يصلى لاى شخص و لا يتحسن و يقول طى إرادة ربنا
هو بيطعن ربنا ذاته
هو بيقول يا ناس يا هوووو انا عندى شفقة و رحمة على الانسان اكثر من ربنا
لو ببساطة إرادة ربنا مَش انه يشفى الانسان
دي كانت فكرته هو مش احنااااااا
دى فكرة ربنا انه يجى للعالم اللى احنا فيه ويشفينا و يحررنا
فكرته هو
ليه نتظاهر اننا احن على الانسان من ربنا ؟؟؟؟
-----
طيب الرسل ماعرفوش
والراجل ذهب للمسيح سؤال المسيح قال له ايه؟؟؟
يا ابنى ده صليبك و ده إرادة ربنا وانا هاشفيك لما تبطل خطية
لا لا لا
ماعملش كدة
الطفل كان صغير و ربنا عمره ما هيسمح للشيطان ان يعذب طفل علشان يرجع للمسيح او يبطل خطية
الشيطان هو اللى هجم وعمل كدة بسبب انه ليه سلطان على البشر من ساعة ما آدم سلمه سلطان الارض مثل بنى آدم
------
التلاميذ لم يخلقوا تعليم اسمه
إرادة ربنا المريض يبقى مريض
و الحزين حزين
والمقيد مقيد
بل التلاميذ بمنتهى الأدب و التواضع راحوا للمخلص
يارب ليه احنا ماعرفناش نشفى الطفل
فقال السبب وراء هذا الموضوع
هذا الجنس لايخرج الى بالصلاة و الصوم
وتوجد ٤ تفاسير للصلاة و الصوم
احب التفسير الثانى وهو بيتكلم عن الشك وعدم الإيمان مش الشيطان هذا الشك و ضعف الإيمان بيخرج بالصلاة والصوم

الصلاة التى لا تستجاب ( ٥ )

التلاميذ فى حادثة عدم مقدرة شفاء الطفل سألوا المسيح و المسيح جاوبهم على السبب

-----
هل المسيح انتهر الرسل اللى سألوه؟؟
لا

هل الرسل بعد تجربة عدم المقدرة على شفاء طفل حصل انهم تعثروا و تَرَكُوا الإيمان ؟؟؟
او على الأقل بطلوا يصلوا للناس المريضة بعد ما اتحطوا فى الموقف البايخ ده ؟؟؟
لا
************** *****************
مفتاح الموقف اللى حصل هو انهم " قادرون ان يسمعوا صوت الرب "
قادرون قادرون على سماع صوت الرب
هل التلاميذ فقدوا هذا الامتياز انهم يسألوا المسيح لما الدنيا تبوظ بعد ما المسيح صعد للسماوات
سؤال جميل جدا
الإجابة المسيح تجلى بصورة أقوى لان الروح القدس الناطق فى مؤمنيه كان بيوصلهم كلمة ربنا
اى اول مفتاح هو درب نفسك علي سماع صوت ربنا
واطلب من الرب ان يملاك بالروح القدس
تاني مفتاح
اعرف ان فى حرب و ربنا وضعك فى مقدمتها وسلحك بكل الأسلحة الروحية
انت مش زى آدم متسلط على الارض
لا فى حرب حقيقية وهو اعطاك السلطة على الانتصار
ومطلوب منك انك تغير الواقع الجهنمى على الارض من كره و حرب و دمار و خطية و مجاعات و أوباء و أمراض و .....
الى مكان زى السماء
ولما السماء تلمس الارض بيحدث شفاء و سلام وفرح و تعويضات
ثالث مفتاح
إياك إياك تتهم الرب او تلومه على اى موقف سئ يحصل
أبدا
ربنا هو ربنا بنفس مواصفات المسيح على الارض
المسيح اعلن إرادة الاب
كل صلاة بحسب مشيئة ربنا يجب ان تستجاب
وان لم يحدث استجابة
مش غلط ولا عيب انك تسال وكما جاوب تلاميذه هيجاوبك
مفتاح اخر
تامل و اشكر الرب فى الأمور التى فعلها
احيانا بنتأمل فى الكوارث اللى بتحصل بدل ما نتامل فى اعمال الرب العظيمة المعادلة ليست مكتملة نحن نرى جانب واحد منها
مثلا السبب الرئيسي اللى خلا يوحنا المعمدان يسال المسيح هل أنت المسيح إم ننتظر غيرك
هو يوحنا كان فى أزمة شديدة لا يعلم ان مهمته انتهت على اكمل وجه هو عارف كويس ان المسيح سيخلصه لكن المسيح لم يفعل
رد المسيح على تلاميذه كأنه بيقول
متفكرش كثير انى ماخرجتكش من السجن ولكن تامل العمى اللى بيروا و المشلولين اللى بيمشوا و المساكين اللى بيبشروا
ده كان رد المسيح
تغذى بأعماله العظيمة في حياتك و حيات الاخرين
اشكره وباركه
ولما تكون فى محضره اعرض الموضوع عليه
قول يارب انا اعرف انك تريد اكثر منى ان فلان يشفى او يتوب و يحرر ولكن لاشئ يحدث انا عارف ان في سبب وأرجوك عرفنى و فهمنى السبب علشان اقدر أخدمك اكثر و بطريقة أفضل
اخر شيئ صلى الصلاة اللى تزعج السماء

الصلاة التى لاتستجاب ( ٦ )

فى أية بتقول ان ملكوت الله يؤخذ بالعنف
وفى مثل مشهور عن الأرملة اللى ذهبت لقاضي الظلم

فى صلوات بتزلزل السماء وتخرج من القلب أحيانا بيبقى في معطلات للصلاة
مثل عدم المغفرة
وفتح باب مستمر للشيطان
وامور اخري
وممكن يكون فى عائق روحي شئ لانعرفه وكل اللى مطلوب مننا ان نجاهد فى الصلاة لهؤلاء الذين لمم تتحسن حالتهم الصحية و النفسية و الروحية
ممكن نحتاج لمزيد من الصلاة و اللجاجة وطلب وجه الرب فى الموضوع
ممكن نصلى و نصوم ونطلب اكثر من اخ يصلوا سويا
انا شوفت ناس مريضة بتحضر فى مكان طالبين الشفاء و الشفاء يحدث تالت او رابع اجتماع وَلَكِن بسبب الإيمان و عدم الفشل حصل شفاء
-------
الخلاصة
اعرف دورك على الكرة الارضيّة
امتلىء بالروح
اخدم ربنا بعطاياه التى ائتمنك عليها
لاتتهم الرب لاتلومه
اطلب اعلان الهى للظرف او الشخص الذى تتشفع له
زلزل و ازعج السماء فى الطلبات التى تضعها على العرش
وربنا يفتح عيوننا ويملأنا من روحه القدوس اكثر و اكثر لمجد اسمه
وكل سنة و انتم طيبين

عاصفة رهيبة بعدها سلام عجيب

سمعت وعظات وتفاسير وتأملات عن قصة العاصفة الرهيبة اللى حدثت للتلاميذ فى السفينة وكانوا على وشك الغرق

وكان رد فعل المسيح غريب جدا جدا
غريب لما كان نايم فى مؤخرة السفينة
غريب لما انتهر الريح و الامواج و البحر فخرسوا وأصبح سكوت عظيم حتى التلاميذ جالهم ذهول هو مين ده اللى يؤمر الطبيعة انها تسكت فتسكت
غريب لما وبخ هدم إيمانه فما هو توقع المسيح من ناس بتغرق فى البحر ؟؟؟؟؟ انهم يبقوا فرحانين ؟؟؟

 أقوى تامل وهو يمثل الحقيقة الصادمة اللى تفسر هيجان البحر مع التلاميذ و هيجان الحر فى حياتنا
هو الإصحاح اللى بعد المعجزة دى علطول
مر٥
كان هناك امبراطورية ومملكة شيطانية ستنهار امام المسيح كان الشيطان مسيطر عليها من قرون وهى قرية الجدريين هذه القرية كان اللى فيها اممين عبادتهم أشبه بعبادة الشيطان رزقهم على الخنازير المحرمة فى اليهودية وواحد فقط كان عليه جيش من الشياطين مش شيطان واحد جيش اسمه لجئون
اول شئ قاله رئيس الشياطين هل جئت لكى تعذبنا الشيطان خاف ان يكون هو ده مجئ المسيح الثانى لانه فى وقتها سيطرح الشيطان فى جهنم الى الأبد
 

مملكة شيطانية كاملة على الارض كل النفوس فيها مستعبدة للشيطان
يحيلها خبر بان المسيح و تلاميذه جايين فى قلب المملكة
فى عرش الشيطان فى قلب مملكة الظلمة
ماذا تنتظر ؟؟؟؟
هل تنتظر ان الشيطان يكون فرحان و مطمئن انه سياسر المسيح و تلاميذه؟؟ كما فعل مع كل القرية ؟
لا هو ذكى ويعرف ان مجيء المسيح هو بمثابة مجئ المحرر اللى هايحررنا جميعا


هو ده اللى بيحصل معاك ومعى احيانا لما تأخذ قرار ان تخدم االمسيح وفجأة تجد كل الدنيا متطربقة فوق دماغك
كل الدنيا
وترى نفسك فى سفينة بتغرق وتبقى هى دى الصورة الارضيّة اللى بتعذب فيك
وبدل ما تقف للعدو وتنتهره و تستخدم سلطانك ضده
تمسك فى رقبة ربنا وتلومه
وتقول له انت فييييييين يا رببببببييي
سايبنى أتعذب ليه؟؟
الرب لم يتركك هو معك فى السفينة


وَقَالَ لَهُمْ فِي ذلِكَ الْيَوْمِ لَمَّا كَانَ الْمَسَاءُ: «لِنَجْتَزْ إِلَى الْعَبْرِ».فَصَرَفُوا الْجَمْعَ وَأَخَذُوهُ كَمَا كَانَ فِي السَّفِينَةِ. وَكَانَتْ مَعَهُ أَيْضًا سُفُنٌ أُخْرَى صَغِيرَةٌ.فَحَدَثَ نَوْءُ رِيحٍ عَظِيمٌ، فَكَانَتِ الأَمْوَاجُ تَضْرِبُ إِلَى السَّفِينَةِ حَتَّى صَارَتْ تَمْتَلِئُ.وَكَانَ هُوَ فِي الْمُؤَخَّرِ عَلَى وِسَادَةٍ نَائِمًا. فَأَيْقَظُوهُ وَقَالُوا لَهُ:«يَا مُعَلِّمُ، أَمَا يَهُمُّكَ أَنَّنَا نَهْلِكُ؟»فَقَامَ وَانْتَهَرَ الرِّيحَ، وَقَالَ لِلْبَحْرِ:«اسْكُتْ! اِبْكَمْ!». فَسَكَنَتِ الرِّيحُ وَصَارَ هُدُوءٌ عَظِيمٌ.وَقَالَ لَهُمْ:«مَا بَالُكُمْ خَائِفِينَ هكَذَا؟ كَيْفَ لاَ إِيمَانَ لَكُمْ؟»فَخَافُوا خَوْفًا عَظِيمًا، وَقَالُوا بَعْضُهُمْ لِبَعْضٍ:«مَنْ هُوَ هذَا؟ فَإِنَّ الرِّيحَ أَيْضًا وَالْبَحْرَ يُطِيعَانِهِ ... (مرقس 4: 35 - 41 - الكتاب المقدس)