ازاى المسيح يبقى ابن الله و يموت هل اللاهوت (طبيعة الله ممكن تموت) ؟؟

بمناسبة موت وقيامة المسيح شخص سالنى ازاى المسيح يبقى ابن الله و يموت هل اللاهوت (طبيعة الله ممكن تموت)
الاجابة
المسيح انسان كامل متحد بالله
اللى مات هو الناسوت الطبيعة البشربة (مثلنا تماما)
الروح الانسانية هى اللى انفصلت عن الجسد
ولكن اللاهوت لا يموت
فالانسان له روح (طبيعة خالدة لاتموت و هو فريد من نوعه)
ونفس فيها المشاعر و الفكر و حياة الجسد (تماما مثل الحيوانات لهم نفس)
وجسد الاناء الخارجى
فالانسان هو كائن روحى (له روح اخزها بنفخة من الله)
له نفس و يعيش فى الجسد
لما بيموت الانسان بتنفصل الروح عن الجسد.
------------------
المسيح انسان كامل
روح و نفس و جسد
ومتحد بالاهوت (الله خالق الكل اللى موجود فى كل مكان)
كل الالم والصلب و البكاء و الاكل و الشرب و الموت
تم على الناسوت جسده ونفسه وروحه.
اما سلطانه على الحياة
هزا هو سلطان الله
-------------------
لمازا ازا نقول على المسيح انه ابن الله لو كان هو الله
ده لفظ مشهور فى العهد القديم و فى وقت المسيح
ابن الله هو شخص تراه بعينك و تتكلم معاه ولكنه يعلن حضور الرب
اى لما تتكلم معاه كانك بتتكلم مع ربنا و لزلك لما سجد له المؤمنين لم يقل لهم انتم غلطانين بل قبل سجودهم
غير كدة اكدة ان له القدرة ان يحي من يشاء و اكد انه موجود فى كل مكان.
----------------------
طيب هل ده تحقير من الله ان نحصره فى طبيعة بشرية؟
هل ده تفكير عقيم وهزيل و متخلف ان نعتقد ان الله اللى فى كل مكان و فى كل وقت منز الازل الى الدهر يتحول الى انسان كل عمره 33 سنة
فعلا ده فكر عقيم ومتخلف. ولكن الحقيقة مختلفة تماما
موسى النبي فى يوم من الايام راى شجرة ملتهبة بالنار
وسمع منها صوت الله
ولما اقترب الله قال له اخلع نعليك لانك فى ارض مقدسة (هزه القصة فى العهد القديم)
هل معنى زلك الله له احبال صوتية يكلم بها موسى و تتسبب فى زبزبات مادية يسمعها موسي بودنه طبع لا
اى ان الله الغير مادى الغير محدود ظهر فى صورة مادية ملموسة علشان البشر (موسى) يستطيعوا ان يروه و يسمعوه.
طيب هل الله كان منحصر فى هزا الصوت؟؟
طبعا لا الله موجود فى كل مكان وهو مدبر الكون. ولكن كلامه لموسي لايعنى انه انحصر و بقى محدد فى المكان فروحه القدوس يحوى كل العالم و الخليقة!
هل الله كان محدد فى زمان معين؟
طبعا لا قبل ما موسي يرى ويسمع الله فى هزا المشهد من تجسد الله العجيب كان الله موجود قبل موسي بعدد مالانهايا من السنوات
نيجى لاهم واخطر سؤال وهو ده اللى سيوضح كل شىء بنسبة 100%
طيب لما الله اللى ظهر لموسي فيه هزه الصفات
1-موجود فى كل مكان
2-موجود فى كل زمان
3-طبيعته اسمى من الجنس البشري و بالتالى البشر لايستطيعوا ان يسمعوه او يروه بحواسهم المادية الا ازا تجسد او ظهر فى الجسد
ليييييييه موسى لم يكلم الله فى مشهد الشجرة المشتعلة بظهره؟
ليه اقترب للشجرة لكي يكلمه
موسي كان يقدر يعطى ظهره للشجرة الملتهبة ويمشى 10 اميال بعدها يكلم الرب
الاجابة:
هل لاحظت ان الرب طلب منه ان يخلع نعليه لانها ارض مقدسة؟؟
ازاى ربنا يطلب منه ده ازا كان الرب موجود فى كل مكان وبالتالى كل الاماكن مقدسة حتى فى عمق المحيطات!!
السبب هو ان "ظهور الله المادى لموسي يمثل حضور الله"
هكزا المسيح كان يمثل حضور الله
الله موجود فى كل مكان و فى كل زمان ولكن كل شخص كان بيتعامل مع المسيح كان كانه بيتعامل مع الله
----------------------
عشان كدة ديما بنعلم وبنقول كل تصرفات المسيح على الارض هى اظهار لصورة الله على الارض
والكتاب قال عن المسيح صورة الله غير المنظور
طيب ليه احنا كمسيحيين و ككتاب مقدس ما نختصرش ونقول ان المسيح هو الله و نخلص ليه اللفة دى؟
ليه بنقول انه ابن الله؟
الاجابة الكتاب بالفعل قال على المسيح انه الله و لكن لم يكن هزا اللفظ الشائع
اللفظ الشائع هو ابن الله اي له طبيعة الله لان له طبيعة اخرى وهى الناسوت ابن الانسان.
----------------------------------------------------------
سؤال موجه لكل المسيحيين
طيب لو انا مش فاهم لاهوت و مشفاهم ازاى ان الناسوت اتحد بالناسوت و حاسس ان الموضوع صعب هل ده يؤثر على ايمانى
الاجابة الصاعقة لا
المسيح لايريد منا ان ندرس عقيدة
هو يطلب مننا اننا نؤمن باسمه وانه فدانا
اما الروح القدس هو اللى بيعلن ان يسوع هو رب
مجرد انك تنطق بفمك ان يسوع هو الرب "الرب يسوع"
انطبقت عليك الاية لايقدر احد ان يقول ان يسوع هو رب الا بالروح القدس
-----------------------------------
فيلبس احد تلاميز المسيح اللى المسيح اختارهم بنفسه لما لقى ان المسيح كل شوية يتكبم عن الاب السماوى اتلخبط وافتكر ان المسيح بيتكلم عن شخص اخر
فقال له ارنا الاب و كفانا؟
فيلبس تلميز المسيح بيقول له عاوز اشوف الله الاب؟؟؟
المسيح وبخه و انبه وقال له اللى شافنى شاف الاب لانى فى الاب و الاب فى انا والاب واحد.
======================
اختبار شخصى اشبه بمعجزة حصلت معايا
مرة فضلت اصلى وقلت يارب عاوز اشوفك
نفسي اشوفك ولو لثانية واحدة
وانا عمال اصلى ابتديت اتخيل او زهنى ابتدا يرسم صور لله بشكله الممجد فى السماه على عرشه وملايين من الاملائكة والقديسين بيسجدوا
عنال اتخيل شكل الله كنار و كنور لايمكن تحتويه العيون
وفجاء رايت صور المسيح شخص وديع و على راسه اكليل الشوك و لابس توب و لبس قريب قوى للى كان فى الانجيل.
فاصبت بحالة من الزهول و الدهشة
الرؤية اللى شوفتها كانت ببساطة اعلان من الرب يسوع لي.
عاوز يقوللى نفس اللى قاله لفيلبس (انا فى الاب و الاب فى)
ليه متخيل ان شكلى مختلف عن المسيح
انا جئت لكى اقرب هزه الصورة
المسيح ظهر فى الجسد علشان يقرب لينا شكل الله و صفات الله فلمازا بترجع مرة اخرى الى عهد القديم قبل مجىئى
ربنا يبارككم ويحافظ عليكم
ايها الاب السماوى اصلى ان كل شخص يقرا هزا التعليق ان تعلن زاتك ليه و تنير زهنه بحقك الالهى

المراه السامرية

من اكثر الشخصيات اللي كانت متدمرة نفسيا هي المراه السامرية
هي ليه اتجوزت 6 رجالة و بعدها عاشت مع الاخير من غير جواز ؟؟
هل لانها عاوزة تمارس الخطيئة ؟؟
أشك!
السبب الحقيقي انها كانت مجروحة جدا وعندها شعور رهيب بالرفض و الدونية

بتحاول تاخذ الحب بطريقة خاطئة فكانت اشبه باللي يشرب مياه مالحة فيشرب و يشرب ولايرتوى
المسيح كان عارف احتياجها و قدمه لها
انهار حياة من الروح القدش
لو انت شخص مجروح و تعبان و شايف انك مهمل
الاخبار السارة انه يوجد رجاء حي
المسيح اتي لكي يشفي منكسرى القلب
كما شفي السامرية و تركها مبشرة للمسيح
سيشفي قلبك و قلبي
هو لسة موجود علي الصليب فاتح اذرعه
لكي يمنح غفران و شفاء
ربنا معكم

I choose to trust in you

Heavenly Father you are the king of our days
You never forsake us or leave us
I choose to trust in you.

When we have hard time
and doubts are shaking our hearts

If our mountains need energy more than Giga Joles
and power more than Giga Watts

The Spirit of the Lord is able

not by might
nor by power
but with My Spirit Says the Lord


Mountain
I command you to move
I command you to shake
I command you to collapse
In Jesus name

مازا كنت فاعل فى وقت المسيح؟

فى ناس مؤمنين كثيرين لما يقرؤا قصة المسيح فى الاناجيل بتاخذهم الجلالة و يتخيلوا حاجات غريبة زى افلام الكارتون مرة
انهم المراة اللى سكبت الطيب
او بطرس اللى قاله انت هو المسيح ابن الله
ولو خياله واسع قوى يتخيل انه يوحنا الحبيب اللى كان بيتكىء على صدر المسيح وكان معه وقت الصلب

-------
أسف جدا الحقيقة الصادمة انك كنت هاتبقى واحد من آلاف الجموع اللى قالوا اصلبوه اصلبوه دمه علينا وعلى اولادنا لايملك علينا هذا المضل
كنت ستختار باراباس اللص القاتل و تترك المسيح
--------
ايه الدليل
بسيط جدا انك مؤمن بكل كلمة وحرف اتقالتلك فى خلفيتك الدينية كما هى
اللى يبحث عن الرب فقط هو اللى يجده
اما اللى يورث عقيدة ويتعصب ليها لما يكبر دى يحطها فى سلة المهملات أفضل
----
الخلاصة هى
اطلب وجه الرب
اطلب ان الرب يعلن لك ذاته و تعرفه منه شخصيا
ماتخليش العزلة اللى حاطط نفسك فيها تكون اداه لعزلك عن معرفة ربنا
لو طلع ربنا هو بالضبط ١٠٠٪ مثل ماكنت تؤمن به ( وده مستحييييل لان الرب نهر سباحة لا يعبر) يبقى ياسيدى أقول للناس انك عرفته عن اختبار حقيقي مش بس كلام قريته
ياروح الله القدوس انا اطلب ان تفتح اذهاننا بنعمتك

المسيح من وجهة نظر شياطين الارهاب

السيد المسيح له المجد لما هايجي على الارض
هايكسر الصليب ؟؟؟؟

ويدخل الجنة كل الدواعش والارهابيين واللى على شاكلتهم

علشان يكافئهم انهم يمثلوا الله و نبيه و دين الحق
-------
عن اى اله تتحدثون؟
الكتاب بيقول ان الشيطان هو اله هذا الدهر اللى بيعمى اذهان اللى بيتبعوه
الكتاب بيوصف الشيطان بانه
قتال
كذاب و ابوا كذاب
سيظهر كملاك ( فى صورة رجل دين)
يكره
يحقد
يتكبر
----
هل إلهكم اختلف عن هذه الصفات
--------- -----------
الشيطان لانه عارف ان نهايته قربت وكلنا نرى انه توجد نهضات ابتدأت فى الشرق الأوسط وستستمر
فمن بشر بالمسيحية فى القرون الاولى ليسوا قتالين قتلة بل مجرد شهداء
شهداء و قفوا شجعان يسبحوا و يفرحوا بإلههم وهم واقفين
سواء قدام اسود
او قدام حرق جماعى
او امام ما رأيناه
الكتاب بيقول وهم غلبوه (سفر رؤيا يوحنا اللاهوتي 12: 11) وهم غلبوه بدم الخروف وبكلمة شهادتهم، ولم يحبوا حياتهم حتى الموت.
المسيحيين الحقيقيين قوم لايموتون لان القبر لايحتمل وجودهم
كما لم يحتمل وجود الرب يسوع المسيح القائم من الأموات ووهب القيامة لكل اولاد الله باسمه
فان كان المسيح هو الشخص الوحيد فى كل هذا الكون بشهادة. كل العقائد الحي و القائم من الأموات
فانه حي و كلمته حية
١ كو ١٥
لأن هذا الفاسد لابد أن يلبس عدم فساد، وهذا المائت يلبس عدم موت
54 ومتى لبس هذا الفاسد عدم فساد، ولبس هذا المائت عدم موت، فحينئذ تصير الكلمة المكتوبة : ابتلع الموت إلى غلبة
55 أين شوكتك يا موت؟ أين غلبتك يا هاوية
56 أما شوكة الموت فهي الخطية، وقوة الخطية هي الناموس
57 ولكن شكرا لله الذي يعطينا الغلبة بربنا يسوع المسيح
58 إذا يا إخوتي الأحباء، كونوا راسخين، غير متزعزعين، مكثرين في عمل الرب كل حين، عالمين أن تعبكم ليس باطلا في الرب

نبوة لمصر

منذ حوالى ١١ سنة تقريبا وانا في المهجر كنت باصلى وانا قلبى مكلوم
كان قلبى بيدمى على حال الأقباط اللى زي الزفت وانا منهم
كل يوم نسمع عن ناس تَرَكُوا المسيحية
واللى لسة مسيحيين إيمانهم ضعيف بهتان غير فعال اى شىء
والكنيسة الام لم تلعب دورها كالأم و لا حتى زوجة الآب
تشوف أسر بتترك المسيحية علشان ممعاهمش تمن الاكل وتلاقيهم ماسكين فى رقبة البروتستانت اللى مش بيعترفوا بالعذراء
وبيشتروا نجف فاخر فى الكنائس و الناس حافية حالة من حالات العماء
كنت وقتها مؤمن بالكذبة الكبيرة اللى معظمنا لسة مصدقها ان الرب هو اللى أنهى عصر مواهب الروح القدس من السنة و نبوات و شفائات و عمل قوات
وكنت بلوم الرب يسوع جدا وكنت بقوله انا عندى سؤال واحد ليك هو سؤل واحد عاوزك تجاوبه على و تريحينى
انت ازاى تبقى الاله الحقيقي وشايف كل المهزلة اللى بنمر بيها وساكت ؟؟ لو عاوز تدخل هاتدخل امتى ؟؟؟
قلتله انا لو ماكنش حصل معايا معجزات وشوفت بعني معجزات تمت باسمك القدوس انا منت الحدت ولا حاولت اعتنق اله اخر بيستجيب مش بيسيب ولاده فى المهزلة دى
-------
الغريبة ان ربنا جاوب على بطريقة إعجازية عمرى ما كنت اتخيلها
شوفت فجاة كان شمس قدامى شكلها شمس قوية وشاعر كانى مش قادر انظر فيها و شوفت تحتها ٣ اهرامات
منظر غريب وبعد كدة اكتشفت ان اللى انا شايفه ده مش الشمس ده الروح القدس بقوة غير عادية و بنيران غير عادية بيعمد المصريين ولا يميز الخلفية مسيحي مسلم ملحد
وسمعت صوت كأفكار بتدفق فى ذهنى ان الرب سيعمد المصريين بالروح القدس و سترى نهضة غير عادية فى مصر
انا ما كنتش نائم و لا دايخ كنت صاحى وأوعى
ورسمت و كتبت اللى شفته فى نوتة ولانى ماكنتش فاهم ان اللى حصل ده اسمه رؤية لان ماحدش علمنا حاجة زى كدة
ابتديت أشارك هذا الاختبار مع مجموعة قليلة جدا على الانترنت منها قنوات مسيحية
الغريبة ان كان رد الفعل وقتها عجيب لقيت اكثر من واحد قوللى اللى حصل معاك حصل معانا رغم انى فى ابعد قارة فى العالم
ربنا اعلن هذا لناس مختلفة وهى نفس الرسالة انى قادم
-------
لما فتحت الكتاب المقدس لكى ارى ان كان مارايته له اى مدلول فى الكتاب وجدت نفسي عند مبارك شعبى مصر عمل يدى أشور و ميراثى اسرائيل
وشعرت ان الروح القدس بيقولى ان فى نهضة قوية هأتحدث فى الشرق الأوسط و ستكون مصر هى مفجرة هذه لنهضة
-------
كل يوم بيعدى على اشعر ان تحقيق الروية قريب جدا جدا
خاصة لما اتعرفت على الكثيرين من الجالية العراقية و ينقضى اجتماعات بنصلى فيها بروح و احد ونشارك اختبارتنا و بنشوف مسيحيين من خلفية غير مسيحية او عابرين من المصريين و العراقيين و بيصلوا معنا
اشعر ان تتميم نبوة اشعياء و اللى ربنا وراهولى ده خلاص على الأبواب
--------
وعلشان بقيت النبوات تكتمل اتعرفت على الاخ هانى اللى اختطف للسماء و لما رجع أتنبأ بكمية نبوات سوداء و دقيقة
كل ده قبل ثورات الربيع العربي
أتنبأ بكل المصايب اللى هاتحصل لمصر و سوريا و الشام
هى نبوات كانت خطيرة جدا لان المسيح فيها غضبان من شعبه و قال انا هاسمح بهذه الضيقة الى ان المسيحين يصيروا مسيحيين حقيقيين
المهم الشئ الجميل فى النبوات اللى كلها ضيقات وقتل وتعذيب
ان الرب قال لهانى ان لما تنتهى الضيقة سيرجع كل المصريين للمسيح المسيحيين سيكونوا مسيحيين حقيقيين و الغير مسيحيين سيأتوا للمسيح
-------------
الشيء اللى لفت نظرى فى شهداء ليبيا و لفت نظري لى شهداء سوريا من الأساقفة اللى ذبحوا على ايدى الإرهابيين
ان هؤلاء الشهداء كانوا نسخة من إسطفانوس اللى كان متمسك بابن الله الى اخر لحظة
لم يخافوا ولم ينكروا الإيمان اعترفوا باسم المسيح لآخر لحظة و سيعترف بهم المسيح اما م الاب السماوى
د نورا تؤكد ان النهضة ابتدأت
د سامح موريس يؤكد ذلك
د نادر شوقى يؤكد كذلك
وعندى إيمان أكيد ان قبل ان اترك خيمتى سارى الروح القدس بيعمد كل المصريين
وارى ان كل الارض ستعترف بالرب و مسيحه
ليك كل المجد يارب
******** تكملة *****
نسيت حاجة فى منتهى الأهمية لان البوست ماهواش بوست تعزية بسبب الأحداث لا هو بوست علشان نعرف الصورة الروحية و نثبت نظرنا فيها
------
اهم شىء فى كل اللى اتقال فى البوست ده انى انا و انت جزء فيه ده اللى ربنا أعلنه ليا بعديها بفترة طويلة كنت فاكر ان النهضة هاتحصل اتوماتيك بس هو كان صريح جدا اننا جزء هام منها
اُسلوب السلبية انتهى
اُسلوب انا مسيحى علشان اتولدت ده انتهى
هو اُسلوب واحد فقط اللى هايبقى موجود
هو الشهادة الشهادة ( لا اقصد القتل) اقصد تشهد عن عمل الرب فى حياتك
حتى ولو كلفك حياتك. انا شخصيا ناس كثير قاومونى بطرق غريبة لكن شىء واحد لم يستطيع احد ان يقاومني فيه هو الشهادة
تشهد عن عمل الرب فى حياتك
كفايا شكاوى أطفال
كفايا خناقات على حاجات تافهة
كفايا إشفاق على النفس و إشفاق على الجسد
لما تشوف الشيطان متربص ليك ولاخوك او لجارك و لصاحبك
تعمل ايه تبقى عامل زى الطفل اللى بيصرخ علشان الناس كلها تلتفت اليه
ولا تبقى زى الأسد الذى يزار مبشرا بخلاص الرب و شفاءه و تحريره

صورة البروفيل حدادا على الشهداء

رجاء محبة
ماحدش يغير صورة البروفايل بصورة فيها ريبون اسود او صليب اسود
لان خطة الشيطان كانت الصليب و الالم
لكن خطة المسيح كانت قيامة واتحاد مع شعبه من خلال روحه القدوس

اللى عاوز يحط يحط صورة المسيح اللى فى السماء اللى الشهداء معاه دلوقت

ثم رأيت سماء جديدة وأرضا جديدة

يو 21
ثم رأيت سماء جديدة وأرضا جديدة، لأن السماء الأولى والأرض الأولى مضتا، والبحر لا يوجد في ما بعد
2 وأنا يوحنا رأيت المدينة المقدسة أورشليم الجديدة نازلة من السماء من عند الله مهيأة كعروس مزينة لرجلها

3 وسمعت صوتا عظيما من السماء قائلا: هوذا مسكن الله مع الناس، وهو سيسكن معهم، وهم يكونون له شعبا، والله نفسه يكون معهم إلها لهم
4 وسيمسح الله كل دمعة من عيونهم، والموت لا يكون في ما بعد، ولا يكون حزن ولا صراخ ولا وجع في ما بعد، لأن الأمور الأولى قد مضت
5 وقال الجالس على العرش: ها أنا أصنع كل شيء جديدا. وقال لي: اكتب: فإن هذه الأقوال صادقة وأمينة
6 ثم قال لي: قد تم أنا هو الألف والياء، البداية والنهاية. أنا أعطي العطشان من ينبوع ماء الحياة مجانا
7 من يغلب يرث كل شيء ، وأكون له إلها وهو يكون لي ابنا

·

اورشليم فى السماء

رؤ 22
1 وأراني نهرا صافيا من ماء حياة لامعا كبلور، خارجا من عرش الله والخروف
2 في وسط سوقها وعلى النهر من هنا ومن هناك، شجرة حياة تصنع اثنتي عشرة ثمرة، وتعطي كل شهر ثمرها، وورق الشجرة لشفاء الأمم

3 ولا تكون لعنة ما في ما بعد. وعرش الله والخروف يكون فيها، وعبيده يخدمونه
4 وهم سينظرون وجهه، واسمه على جباههم
5 ولا يكون ليل هناك، ولا يحتاجون إلى سراج أو نور شمس، لأن الرب الإله ينير عليهم، وهم سيملكون إلى أبد الآبدين
6 ثم قال لي: هذه الأقوال أمينة وصادقة. والرب إله الأنبياء القديسين أرسل ملاكه ليري عبيده ما ينبغي أن يكون سريعا
7 ها أنا آتي سريعا. طوبى لمن يحفظ أقوال نبوة هذا الكتاب
8 وأنا يوحنا الذي كان ينظر ويسمع هذا. وحين سمعت ونظرت، خررت لأسجد أمام رجلي الملاك الذي كان يريني هذا
9 فقال لي: انظر لا تفعل لأني عبد معك ومع إخوتك الأنبياء، والذين يحفظون أقوال هذا الكتاب. اسجد لله
10 وقال لي: لا تختم على أقوال نبوة هذا الكتاب، لأن الوقت قريب

2.2 بليون اسطفانوس

هل ستقتلوا اكثر من 2.2 بليون اسطفانوس فى العالم؟؟
انتم تقتلوا عقيدتكم و كلنا اسطفانوس
اعمال 7
يا قساة الرقاب، وغير المختونين بالقلوب والآذان أنتم دائما تقاومون الروح القدس. كما كان آباؤكم كذلك أنتم

52 أي الأنبياء لم يضطهده آباؤكم؟ وقد قتلوا الذين سبقوا فأنبأوا بمجيء البار، الذي أنتم الآن صرتم مسلميه وقاتليه
53 الذين أخذتم الناموس بترتيب ملائكة ولم تحفظوه
54 فلما سمعوا هذا حنقوا بقلوبهم وصروا بأسنانهم عليه
55 وأما هو فشخص إلى السماء وهو ممتلئ من الروح القدس، فرأى مجد الله، ويسوع قائما عن يمين الله
56 فقال: ها أنا أنظر السماوات مفتوحة، وابن الإنسان قائما عن يمين الله
57 فصاحوا بصوت عظيم وسدوا آذانهم، وهجموا عليه بنفس واحدة
58 وأخرجوه خارج المدينة ورجموه. والشهود خلعوا ثيابهم عند رجلي شاب يقال له شاول
59 فكانوا يرجمون استفانوس وهو يدعو ويقول: أيها الرب يسوع اقبل روحي
60 ثم جثا على ركبتيه وصرخ بصوت عظيم: يا رب، لا تقم لهم هذه الخطية. وإذ قال هذا رقد

مازا نفعل وقت الاضطهاد

فى ناس كثير خاصة من الاقباط
لما بيشوفوا اى اضطهاد بيتزكروا بشكل تلقائى الالحان الحزينى و اكيد صلاة يارب ارحم او كيرياليسون هى صلوات تلقائية بتتقال
واكيد لو شوفنا اى شخص من اهالي الشهداء هانقوله الباقية فى حياتك وكل الكلام ده
ْْْْْْْْْْْْْْْْْْْ
XXXXXXXXXXXXXXXXXXXXXXXXXXXXX

مع كل احترامى لكل الموروثات اللى شايلنها فوق دماغنا و كاهلنا
ده يختلف عن فكر الرب اللى فى الانجيل.
اللى ربنا طلبه مننا فى هزه اللحظات كمسيحيين مختلف تماما عن مانفعله الان ان كا واحد يشير لحن حزاينى او صيامى او حتى يشير الجنازة اللى هاتتعملهم حتى ولو صلاة على الغائب
لو عايزين نعرف ايه اللى على قلب ربنا
هو ببساطة قتل الشيطان فى داره.
وهو ده اللى عملوه الرسل لما تم اضطهدهم ولما تم تعزيبهم ولما تم قتل اسطفانوس و سجن الاخرون بسبب حماس شاول المزيف.
هزا هو ما عملوه
-----------------------------------------
1- فرحين فى الضيق
2-صرخوا وطلبوا من الرب ان يمنح لعبيده ان يتكلموا بجهارة برسالة الرب يسوع الفادى و المخلص ليس من الخطية والدينونة انما مخلص ومحرر من الامراض و الاوجاع و الاحزان
3- ان الرب يمد يدخ للشفاء، ولتجر آيات وعجائب باسم فتاك القدوس يسوع
---------------------------------------------
ياريت نحفظهم عن ظهر قلب
نفرح فى الضيق-نطلب قوة للشهادة -نطلب ايات وعجائب تؤيد الكلمة
هو ده اللى عمله الرسل و هو ده اللى فعلا بيحارب باسم المسيح
مش يكتفى بيارب ارحم !!!!!!
ماحدش من الرسل قال يارب ارحم
هم دايما كانوا فى وضع هجوم
هم من قلبوا العالم كله بقوة كلمتهم وبالايات التابعة من الرب يسوع.
اعمال 5:
فانقادوا إليه. ودعوا الرسل وجلدوهم، وأوصوهم أن لا يتكلموا باسم يسوع، ثم أطلقوهم
41 وأما هم فذهبوا فرحين من أمام المجمع، لأنهم حسبوا مستأهلين أن يهانوا من أجل اسمه
42 وكانوا لا يزالون كل يوم في الهيكل وفي البيوت معلمين ومبشرين بيسوع المسيح
2-
اع 4:
ولما أطلقا أتيا إلى رفقائهما وأخبراهم بكل ما قاله لهما رؤساء الكهنة والشيوخ.
24 فلما سمعوا، رفعوا بنفس واحدة صوتا إلى الله وقالوا: «أيها السيد، أنت هو الإله الصانع السماء والأرض والبحر وكل ما فيها،
25 القائل بفم داود فتاك: لماذا ارتجت الأمم وتفكر الشعوب بالباطل؟
26 قامت ملوك الأرض، واجتمع الرؤساء معا على الرب وعلى مسيحه.
27 لأنه بالحقيقة اجتمع على فتاك القدوس يسوع، الذي مسحته، هيرودس وبيلاطس البنطي مع أمم وشعوب إسرائيل،
28 ليفعلوا كل ما سبقت فعينت يدك ومشورتك أن يكون.
29 والآن يا رب، انظر إلى تهديداتهم، وامنح عبيدك أن يتكلموا بكلامك بكل مجاهرة،
30 بمد يدك للشفاء، ولتجر آيات وعجائب باسم فتاك القدوس يسوع».
31 ولما صلوا تزعزع المكان الذي كانوا مجتمعين فيه، وامتلأ الجميع من الروح القدس، وكانوا يتكلمون بكلام الله بمجاهرة.
32 وكان لجمهور الذين آمنوا قلب واحد ونفس واحدة، ولم يكن أحد يقول إن شيئا من أمواله له، بل كان عندهم كل شيء مشتركا.
33 وبقوة عظيمة كان الرسل يؤدون الشهادة بقيامة الرب يسوع، ونعمة عظيمة كانت على جميعهم،

العالم لايحتمل رسالته

فى ناس كثيرة جدا الى الان مش قادرة تستوعب هو ايه اللى عمله المسيح خلى رجال الدين يكرهوه بهزا الشكل الرهيب.
وخلى الناس تكرهة بشكل غير طبيعى
لدرجة ان وقت الصلب اختاروا باراباس اللص و القاتل و لم يخترو المسيح.
----------------------------
السبب هو ان تعاليم المسيح كانت خارقة للنفس و الروح و الجسد
كلمة المسيح كانت مثل السيف زو حدين.

تعاليمه لم يتحملها الشيطان اللى ظاهر فى لبس ملاك وهو رجال الدين فى عصره
هزه هى نسخة صغيرة من تعاليمه
1) إنجيل متى 5: 44
وأما أنا فأقول لكم: أحبوا أعداءكم. باركوا لاعنيكم. أحسنوا إلى مبغضيكم، وصلوا لأجل الذين يسيئون إليكم ويطردونكم،
2) إنجيل لوقا 6: 27
«لكني أقول لكم أيها السامعون: أحبوا أعداءكم، أحسنوا إلى مبغضيكم،
3) إنجيل لوقا 6: 35
بل أحبوا أعداءكم، وأحسنوا وأقرضوا وأنتم لا ترجون شيئا، فيكون أجركم عظيما وتكونوا بني العلي، فإنه منعم على غير الشاكرين والأشرار.
-----------------------------------------------------------
صدق او لا تصدق ان هو ده التعليم اللى كان السبب فى قتل المسيح
رسالة محبة
اليهود كانوا عاوزين شخص يعمل جيش و يحررهم من الرومان.
كان جواهم كره رهيب للمحتل فى عصرهم.
لم يهمهم شفاء المرضى و اخراج الشياطين واقامة الموتى و اشباع الاف الجموع من 5 خبزات وسمكتين ماهمهمش
همهم شيء واحد اطرد الرومان واجعلنا اسياد العالم.
---------------------------------------------------------------
مملكة المسيح هى مملكة الحب و الرحمة و وشركة الروح القدس
مملكة ابليس هو القتل و السلطة و الاستعباد
وستظل المملكتين الى اليوم اللى هايجي فيه الرب مرة اخرى.
----------------------------------------
والسيد المسيح له المجد لم يوعدنا بحياة امنة تخلوا من الضيقات بل قال شىء فى منتهى الخطورة
بل ببساطة الشيطان بيكرهنا مش لاى شىء اخر هو بيكره المسيح ولا يحتمل تعليمه.
مت 24 9 حينئذ يسلمونكم إلى ضيق ويقتلونكم، وتكونون مبغضين من جميع الأمم لأجل اسمي
10 وحينئذ يعثر كثيرون ويسلمون بعضهم بعضا ويبغضون بعضهم بعضا
11 ويقوم أنبياء كذبة كثيرون ويضلون كثيرين
12 ولكثرة الإثم تبرد محبة الكثيرين
13 ولكن الذي يصبر إلى المنتهى فهذا يخلص

اخى الملحد بعتزر ولكن

اخويا الاخ الملحد
اكيد بتشوف افظع افظع مشاهد الجريمة فى حياتك ترتكب باسم الدين سواء كان التاريخ الدموي او الناريخ الحديث او التاريخ المعاصر.

والكل تورط فيه من كل الديانات تقريبا

.

-------------------------------------------
كلمتى الوحيدة لك هو
الشيطان لايمكن لايمكن يزيف شىء الا لو كان هناك نسخة حقيقية
كل مرة ترى شىء مزيف لا تقول ان هزا دليل بان الكل ضال.
لا ده اكبر دليل انه توجد نسخة اصيلة حقيقية بيحاول الشيطان بكل قدرته وطاقته ان يزيفها.
-------------------------------------
لو عاوز تصل الى النسخة الحقيقية
هو موجود فى كل مكان بروحه القدوس
وهو القائل لم اترك نفسي بلا شاهد
اطلب منه ان ينير عينيك لكى تراه و ستراه و ستكون خبرتك الشخصية باعلان الهى وليس بثقافات البشر

المالانهاية و الصفر الموجب و الصفر السالب

اخزنا فى علم الرياضة معادلة مشهورة وهى القسمة على مالانهاية.
اى رقم يتم قسمته على المالانهاية يساوي صفر .

يعنى لو حاولت توزع رغيف عيش مثلا على مليون بليون و احد مش هاتديهم غير صفر
.

الحاجة الغريبة و الملفتة للنظر رغم ان اى شىء على مالا نهاية بيساوي صفر
الا ان الصفر الناتج عن قسمة رقم على (زائد مالانهاية) يختلف عن الصفر اللى ناتج عن قسمة (ناقص مالانهاية)

الصفر الموجب و الصفر السالب قيمتهم صفر لكن القيمة كانت تقترب جداجدا من
 الصفر فى اتجاه الموجب او اتجاه السالب.
 

====================
هكزا ابديتنا
سنعيش فى السماء الى زمن مقداره لانهائي (لاهوتيا ده مش صحيح لانه لايوجد بعد الزمن اصلا ولكنه تشبيه)
وبالتالى فان حياتنا على الارض قيمته صفر بالمقارنة بالابدية
يعنى كل حياتنا اللى على الارض هى تعتبر كحلم مقدارة جزء من مليون جزء من الثانية بالمقارنة لواحد عاش 10 الاف سنة مثلا.

-------------------------------------------------------------------------------
مش عاوزك تنط للمغزى بسرعى ارجوك
اياك تفهم انى بقولك ان حياتك على الارض مش مهمة نهائيا نهائيا
انا عاوز اوصلك ان حياتك على الارض فى غاييييييييييييييييييييييييييييية الاهمية
لانها الصفر اللى بيجيب مالانهاية سواء موجب او (بعد الشر سالب)
الاوقات اللى عايشينها على الارض مهما تبدوا انها طويلة ولاى شخص بيتالم بتبقى زى الجبال
الا انها فى النهاية فترة حاسمة جدا.
فارجوك ابوس رجلك و رجلين عائلتك كلها
انك تبطل هيافة وتصالح اخوك اللى متخانق معاه على حاجات هايفة
وانت تسامحى صحبتك اللى اتريقت عليك
وانت تسامح .......
----------------------------------------------
مافيش وقت نضيعه فى الهبل اللى احنا فيه ده
الوقت مقصر
اركع على رجليك وقول يارب املانى بالروح القدس
ياروح الله ادعوك ان تدخل حياتى و تملاها بالكامل
تخيل كل شخص غير قادر ان تصل اليه وقول يارب ان بسامح هزا الشخص لو اخطا فى حقى
اطلب من ربنا ان يشفى الجروح اللى فقلبك خاصة بسبب كرهك للناس اللى اساؤا اليك و صدقنى كل الناس تحت التجارب و الالم ماتصدقش صورة الهشك اللى على الفيس دى صور كدابة ياما ناس بتتالم ولاحد خاسس بيها وحاطين صور وهم فى منتهى السعادة
1) رسالة بولس الرسول إلى أهل أفسس 5: 16
مفتدين الوقت لأن الأيام شريرة.

افلام الشهداء

الاجيال القادمة بعد 100 سنة وعليكم بخير مش هانحتاج نفرجها على افلام الشهداء و التعزيب و الكلام ده
لان كل ده بقي حقيقي و بيتسجل من الارهابيين نفسه وبيوصلوه لحد عندنا

لمازا قسي قلب فرعون؟؟

خطة ربنا فى هزيمة الشيطان
الكتاب المقدس اعلن عدة مرات طرق الرب استخدمها لهزيمة الشيطان
والمقصود بالشيطان هو الروح اللى بتعمل فى اولاد المعصية
اى الروح التى تعمل فى اى شخص ياخز قرار انه يتبع سكة الشيطان
احد هزه الخطط هى تقسية قلب فرعون!!
سفر الخروج 7: 3
ولكني أقسي قلب فرعون وأكثر آياتي وعجائبي في أرض مصر.
-----------------------------------------
موضوع ليه ربنا قسي قلب فرعون وليه ربنا عاقب فرعون دى مشكلة جدلية رغم انها بسيطة جدا لو خاولنا نفهم المنطق الروحى خاصة وان العهد القديم كتب بطريقة صعبة لكى يفهم غلظاء الرقبة الناموس. و لكن عصر النعمة نعمة الروح القدس المعلنة فى العهد الجديد بتفتح رموز كثيرة جدا
++++++++++++++++++++++
الموضوع يبتدىء بالضمير الانسانى
فى ناس كثيرة مؤمنه ان الضمير الانسانى هو صوت المجتمع و قوانينه وعاداته فى قلب الانسان
وانا ضد الفكرة دى 100%.
---------------
فى ناس بتؤمن ان الضمير هو صوت داخلى بالفطرة خلق الانسان به
انا مع هزا الراى ولكن اسميه بالتسمية الصحيحة
هو صوت روح الله داخل الانسان

ربنا خلق الانسان جسد باروح وبعدها نفخ فيه نسمة حياة و ده اللى بيفرق الانسان عن الحيوان والنبات او اى مخلوق اخر

نسمة الحياة و فى اللغة العبرية كلمة روح و ريح هى نفس المصدر اى ان انفاس الروح القدس فى الانسان هى التى كونت روحه

فالانسان كائن روحانى له نفس ويسكن جسد

هزه الروح الانسانية التى من الله لها قوانين خاصة بها اسمها الضمير.
-----------------------------------
هل يعطى الله الضمير الانسانى حتى لشخص غير مؤمن
نعم نعم
وهزا ما كتب فى روميا
از ليس لهم ناموس هم ناموس لانفسهم

اى ان الشخص الزى لايخضع لترتيب دينى سيتعامل معه الرب بحسب ضميره.
ليه ضميره .؟؟؟؟

لان ضميره هو صوت ربنا الحقيقي فى قلب الانسان.
طبعا ممكن مايعجبكش الكلام ده وتقول ده فى ناس كثيرة جدا مالهاش ضمير

والمجتمع نفسه ممكن يشرع شرائع ضد الانسانية ويتشرب منه الاطفال منز الصغر!!
الاجابة ده مش صح

لايوجد شىء فى هزا الكون يستطيع ان يسكت صوت الضمير الا الانسان نفسه.
كيف ؟

مثل الانسان المسيحى الروحى الزى يطفىء روح الله و يحزن روح الله بسيطة!
روح الرب وديع جدا

++++++++++++++ ميكانيكية تقسية القلب +++++++++++++

لما لانسان يعمل شىء غلط
يشتكى علىه ضميره الفطرى
مثلا لو عاوز يسرق و وجد اموال امامه ليس لها صاحب فى الاول هايشعر بصراع رهيب.
ولكن لو غلب الصوت الداخلى (صوت الله) مرة بعد اخرى بعد اخرى
بعدها ممكن يسرق بنك ولايشعر باى وجع ضمير. ليه لان صوت الله اصبح خافت جدا فى قلبه.
ولكن
لو حاول يقتل شخص ااول مرة سيجد صوت داخلى قوى يقوله القتل مش زى السرقة لو تبت من السرقة ممكن تعوض وتكفر اللى عملته بس قتل نفس حية تعوضها بايه؟؟؟
لو حاول هزا الشخص ان يقهر صوت ضميرة وينفز اللى فى دماغة مرة بعد مرة.
سينسحب الله تماما من هزا الشخص ويتحول هزا الشخص الى قلب حجرى و حش ادمى ممكن يرتكب كل الجرائم و المحرمات و الكبائر بلا اى رادع و يدخل على سريرة و ينام.
هزا ما فعله الله لفرعون
الله سحب نفسه بالكامل
سحب صوته
سحب نعمته
{{{{ وسحب حمايته }}}}}
لو تنظروا للتاريخ مثلا
هل هتلر ابتدا زى ما احنا قرينا قصته؟ لا
بس فى النهاية قسي الله قلبه فمات موته بشعة قتل نفسه لانه عارف ان الروس قربوا يوصلوله.
هل كل المجرمين اللى حياتهم كلها كانت سفك ودماء تحت اى مسمى حروب توسعية دينية عرقية اى مسمى ابتدوا كدة لا خالص هما بس وصلوا لمرحلة ان الرب قسى قلبهم.
+++++++++++++++++++++++
مرحلة ان الرب يقسي قلب شخص دايما بتبقى مرحلة قريبة جدا من هلاكله الكامل نهائيا
فى قصة موسي و فرعون
كان لايمكن لايمكن يقبله عقل او دين ان ربنا يقتل كل جيش فرعون فى لحظة علشان شوية عبرانيين.
اللى كان يقرا القصة كان هايقول ايه الظلم ده
ازاى موسي يقول لفرعون اطلق شعبى وفرعون يرفض فتنزل عليه نار من السماء مثلا!
لكن لو تابعت الاحداث و رايت الظلم الغير عادى اللى فعله فرعون وتعنته الى اقصى اقصى درجة
الى ان قتل كل بكر فى ارض مصر لم يكن هناك بيت الا وشخص ميت فيه
تعنت مرة اخرى و تابعهم بجيشة الى كانت النهاية ان كلهم هلكوا فى مياة بحر سوف لما ارتدت عليهم.
+++++++++++++++++++++++++++++++++++++++
ياما احنى سمعنا عن جماعات ارهابية
ودايما نسمع عن ناس يقولوا لا دول رجال صالحين و ناس تقف معاهم وناس ضدهم وناس بين البنين
هؤلاء المتوحشين اللى بتشفوهم بالشكل ده
دول ناس قتلوا صوت ربنا فى قلوبهم. لم يسمعوا لصوت الضمير مرة واتنين و ثلاثة
ووصلوا الى قمة تعنتهم فتركهم الرب تماما
لارحمة
لانعمة
لاصوت
لاضمير
لا انسانية
{{{ولا حماية}}}
وكما كان هكزا يكون دائما
مجرد الشخص يكون قلبه قاسي
ده معناه انه على وشيك الهلاك الكامل.
هزا اشد عقاب ممكن الرب يعاقب بيه انسان وهو ينسحب منه بالكامل ويتركه لغرائزه البربرية الى حين.
وبعدها ستجد مملكة ابليس كلها انهارت
وكما كان وعد ربنا لشعب بنى اسرائيل ان فرعون وجنوده لن تراهم الى الابد
هكزا هزا الارهاب الاسود اللى عايشين فيه قريب جدا جدا مش هانشوفه الى الابد
--------
الله ضابط الكل و مش سايب الدنيا زى السوق لا هو عارف كويس قوى اللى بيعمله
واحنا كمؤمنين لينا دور ان خطة ربنا تتم
اما ان يتوبوا او ان الرب يتصرف معهم بحسب عدله وبره "لى النقمة يقول الرب".

نحن لانسعى للقتل و الشهادة

على فكرة مش معنا اننا كلنا كان نفسنا نبقى مكان هؤلاء(الاقباط اللى اشتشهدوا على اىدي داعش )  ده معناها اننا نسعى باى شكل من الاشكال ان نضع نفسنا فى موضع خطر
ده تعليم فى منتهى الخطورة.
القديس بولس الرسول فى دمشق تم تهريبه عن طريق سلة
او بمعنى اخر لم يضع نفسه فى خطر لانه عاوز يستشهد.

ولكن لو اتوضعت فى الموقف اللى هاستشهد فيه لاجل المسيح ولم اقبل اى مساومة هو ده اللى احنا نتمناه.


طيب ليه ما اسعاش للشهادة (اقتل على اسم المسيح) بنفسي
لسبب بسيط جدا وهو ان حياتك مش ملكك مش من حقك تروح لواحد ارهابي و اتقوله اهو انا مسيحى تعال اقتلنى.
ده اسمه انتحار فانت بتقتل نفس لاتمتلكها.


السبب الاخر
هو ان ربنا طلب مننا شىء فى غاية الاهمية احنا مش فاهمينة وهو ان نعرف فضل معرفة مشيئته فى حياتنا
اى ان لكل شخص له رسالة ودعوة على حياته
مش من حقك تختار طريق من دماغك وتقول هو اللى هايدخلنى السماء يمكن يكون دعوتك انك تعمل شىء بسيط ولكنه مؤثر جدا فى ملكوت الله.


نقطة اخيرة
الشهيد ليس معناه اللى مات على اسم يسوع المسيح
الشهيد هو اللى بيشهد فى حياته بعمل المسيح و بخلاصه وفداءة وتحريره.
وياما ناس شهداء لم يقتلوا على اسم المسيح واطلقت عليهم الكنيسة لقب معترفين
بس هى الايات اللى فى الانجيل اللى بتتكلم عن الشهادة ما كانتش عن الناس اللى ماتوا لاجل المسيح

انما بتتكلم عن ان الناس اللى بسبب شهادتهم المستمرة وجدوا نفسهم فى ضيقات ولم يحبوا حياتهم حتى الموت
اى لو اضطريت للموت لاجل المسيح فى الحالة دى مش هابخل بحياتى


2  كو 31 الله أبو ربنا يسوع المسيح، الذي هو مبارك إلى الأبد، يعلم أني لست أكذب.
32 في دمشق، والي الحارث الملك كان يحرس مدينة الدمشقيين، يريد أن يمسكني،
33 فتدليت من طاقة في زنبيل من السور، ونجوت من يديه.


1 كو ١ : 9

من أجل ذلك نحن أيضا، منذ يوم سمعنا، لم نزل مصلين وطالبين لأجلكم أن تمتلئوا من معرفة مشيئته، في كل حكمة وفهم روحي

I choose

I choose to keep my eyes and my heart and my faith level based upon what God has for me, amen.”
ReWire

مشرق شمسه على الابرار

الله بيشرق شمسه على الاشرار و الابرار
الشرير بيستغل ضياء الشمس علشان يعبث فى الارض منكرا بأفعاله الشيطانية رب الكون الذى يشرق بشمسه على الاشرار و الابرار 

اما البار فكلما يرى الشمس يشكر الله متذكرا ان الشمس بقوتها و حرارتها و ضيائها و ضخامتها

يتذكر ان الشمس ماهى الا انعكاس خافت جدا من رب الشمس
فيشتهى السماء و يشتهى ان يري الجالس على العرش

خدمة ارهابية

اجمل حاجة مستغربها فى تصرفات الجماعات الإرهابية انهم بيصوروها بأنفسهم بكل المناظر البشعة و بعد كدة يقولوا الرسالة الجميلة رسالة الرحمة و السلام
وبعد كدة يحطوها على النت
يعنى بحسب اللغة المسيحية

دى الخدمة بتاعتهم their ministry
كتر الف الف خيرهم ياسلام شوف بيوصلوا ربنا لكل واحد مش عارف حتى يروحلهم

الشيطان عارف ان ايامه قليله

مسيحنا و الههم

لقد تعلمنا ان المسيح يعنى قيامة
يعنى حياة
لم نرى فى ألههم الا كل موت وقتل ودماء

الغرب يعروا المشكلة اما نحن فندفنها

من اجمل طرق التفكير اللى شفتها فى الغرب انهم مش بيتكسفوا انهم يتكلموا عن اى مشكلة.
يعرضوها بكل حقائقها و يحترموا كل وجهات النظر الى ان يكون هناك حل شافى لعلاج اى مشكلة من جذورها

كنت اتعجب على ثقافتنا فى الشرق الأوسط نموت فى حاجة اسمها اردم على المصيبة.
 خبيء خبيء المصايب

الى ان تطفح بكل غليانها زى البركان ولما الدنيا تبقى زى البركان و نرى ان المصايب ترف فوق الاخرى نبتدئ فقط ان نفكر هو اليه الحل ؟؟؟


خذ عندك

 **** مشاكل الاٍرهاب و الخطاب الدينى
*** المشاكل المزمنة فى الكنيسة و امتناع الناس ان نتكلم فيها بحجة قدسيتها و بلبلة الناس و الكلام ده

**** مشاكل المثليين وعدم اعترافنا انهم موجودين اساسا فى مصر
 
***** مشاكل مرضى الإيدز
***** مشاكل الإلحاد و بتدينا نشوفهم الان و بنتخض ياه هم جم منين وهم أصحابك و جيرانك

**** مشاكل الجهل المزمن وهيمنة التدين على كل شىء كان التدين اصبح رخصة لأي شخص جاهل يعوّضه عن جهله و يجد فى التدين فرصة يتكبر فىها على عُبَّاد الله

***** مشكلة تصنيف الناس لطبقات حسب أعمالهم فالزبال شخص حقير و الدكتور شخص محترم جبنا التخلف ده منين ؟؟

اللى يشوف عامل القمامة هنا ولبسه و النظارة اللى لابسها بتشعر انه رئيس وزراء
*********
يامصريين دعوة للتفكير و ليس التكفير
دعوة للفهم و ليس للتسلط

دعوة لتقبل ماهو جديد مش رعب من اى شىء جديد

دعوة لمراجعة ثقافتنا الشرقية و التمسك بما هو مفيد فقط

وترك التخلف اللى ودانا فى داهية من فكرة الحسد و العين و الاعمال و فكرة

القضاء و القدر و اللى مكتوب على الحبين علشان نرمي على شماعة تقصيرنا كل بلاويينا

ثقافة اننا نخجل من الشخص المعاق تلاقى أهله مخبيونه كأنه فضيحة و لان المجتمع اللى قلبه حجر مش قادر يتقبلهم

ثقافة الرجل و الست

ثقافة المراة المطلقة و الغير متزوجة و الأرملة شخصية درجة تانية عايزة تسرق الرجل من مراته

ثقافة المراة الغير منجبة انها هاتحسد اللى عندها اولاد

ثقافة ان نبص لبعض بدل مانشكر ربنا
*******
اياكم تتخيلوا ان الغرب و صل للى وصله من غير اسباب
لا في سبب قوى انهم عملوا مستقبلهم بايديهم مثل الأمان و اليبانيين
اللهم انى ابلغت
وربنا قادر يغيرنا لو رغبنا التغيير

مناقشة حول الالحاد مع طفلة

بنتى عمرها 10 سنوات ليها صديقة ملحدة غالبا صينية
بنتى بتقولها انا مؤمنة بربنا
فالبنت قالتلها ليه مؤمنه به؟

فقالت لانه خلقنى
فقالتلها البنت  طيب لو ربنا اللى خلقك مين اللى خلق ربنا؟

فقالتلها مافيش هو موجود.

فالبنت ضحكت
.
بنتى سالتها طيب مين اللى خلقك؟
 
!قالت ماما
قالتلها مين اللى خلق كل الناس دى؟؟
قالت البيج بانج  *** الانفجار الرهيب

قالتلها مين اللى عمل البيج بانج ؟؟؟
قالتلها ده جسم صخرى رهيب انفجر فعمل البيج بانج

قالتلها مين اللى خلق الجسم الصخرى الرهيب؟؟
قالتلها لا ده كان موجود على طول ماحدش خلقه
.
فجابي قالتلها هو ده ربنا اللى عمل البيج بانج.
البنت ماتكلمتش بعدها.
=========

الفتية الثلاثة و موقفهم من اتون النار (شهداء الاقباط )

الفتية الثلاثة قبل ما يترموا فى أتون النار قالوا كلام غريب قوى محتاج سنوات لفهمه

هم تم اجبارهم على اختيارين اما ان يسجدوا لصنم او يترموا فى أتون النار

واتحداهم نبوخز نصر ملك ملوك الارض فى وقتها مين هو الاله اللى هاينجيكم منى

ردهم كان غريب جدا جدا
قالوا. احنا مش محتاجين نرد عليك لان فى اله لينا هو اللى يعرف يرد عليك
الشيء الغريب فى الجزء القادم
وحتى لو لم ينجينا من أتون النار برضه مش هانسجدلك
 

انا كنت متخيل انهم هايقولوا احنا بروح النبوة اللى فينا عارفين اننا مش هانهلك و الرب بنفسه هاينزل النار و يخرجنا و ينجينا
 

او مثلا هايقولوا ان الرب سيضربك و ستموت قبل ما حتى ما نترمى فى الأتون كما حصل مع ناس فى العهد القديم مثل انشقاق الارض و ابتلاع الاشرار


او اى شىء تاني يثبت للملك انهم متاكدين من نجاتهم
اللى حصل عكس كدة خالص بيقولوله
سواء نجانا او ما نجناش ماسكين فيه ماسكين فيه

!!!!!!!!!
شاعر ان ال ٢١ شهيد اللى أكيد تم الضغط عليهم انهم يتركوا المسيح قبل القتل البشع اللى شفناه كانت هذه نيتهم
سواء نجانا او ما نجناش ماسكين فيه ماسكين فيه!!!!!!!!!

الموت لن يقوى علينا (شهداء الاقباط)

اعظم من منتصرين احنا بيسوع البار
أين شوكتك ياموت
اين غلبتك ياهاوية

يايسوع العجايبي اظهر عجائبك فى اولادك
مد يدك بالشفاء و بلآيات و العجائب و المعجزات
ألهب فينا روحك القدوس
اعطينا قوة للشهادة باسمك القدوس
جمل كنيستك بمواهب و ثمار الروح
عمدنا معمودية الروح
معمودية الحب
معمودية السلام الالهى الذي يفوق كل عقل
لك كل المجد

النت و الفيس لمجد الله

الفيس و النت ليست و سيلة للتلقي إنما هى وسيلة للمشاركة
لو المسيح على الارض كان هايبقاله صفحة فيس
وهو موجود فينا بالفعل و عاوز كل واحد فينا تبقى صفحته هى صفحة المسيح

اختار اللى تشيره
واختار اللى تكتبه

وتذكر هي صفحته

Facebook request

Yes Lord I accept and confirm
You are my Lord, Lord of my life
You are the king of my days

·

رسل المسيح هل فعلا اسود فى الايمان؟

من اكثر الفئات الملفتة للنظر بسبب ضعف او عدم ايمانها كانوا رسل المسيح
كمية المرات اللي وبخهم الرب يسوع لاحصر لها

• مرة يهتموا بالاكل والمسيح كان بالفعل اشبع الجموع مرتين

• مرة يتنافسوا مين منهم اعظم من الاخرين و المسيح يعطيهم درس فى الاتضاع

• لايوجد شخص جاوب علي السؤال من هو المسيح الا بطرس فقط . طيب الباقى بيتبعوه ليه لو مش متاكدين انه المسيح ابن الله؟

• اندفاع بطرس و استخدام الشيف بنتهى الغباء. والسيد المسيح يصلح الخطا بانه شفى رئيس الجند وازنه رجعت صحيحة.

• خيانة و انكار بطرس وياريت قدام بيلاطس او قدام هيرودس ده قدام جارية مجرد جارية؟؟؟

• فزعهم لما السفينة كانت بتغرق و يسوع نايم!!

• تشتت كل التلاميز و لم يكون هناك الا يوحنا و ام يسوع فقط عند الصليب.

• بطرس رجع تاني يصطاد بعد قيامة المسيح واخز معاه باقى التلاميز ؟؟ امال فين جعلتك صياد للناس؟

• تلميزى عمواس افتكروا ان املهم مات وبيتكلموا عن المسيح فى الماضى بسبب الصلب.

• قيامة المسيح اللى كل انبياء العهد القديم بيتكلموا عليه

الرسل لم يصدقوا انه قام؟؟؟؟
بعد 3 سنوات عشرة حية مع المسيح لم يتوقعوا حتى انه هايقوم من الاموات؟

• توما الشكاك وشكه انتهى بعد ان ظهر له الرب بعد القيامة

------------
الان مازا حدث للرسل بعد يوم الخمسين؟؟
في الحقيقة لما اشوف قوة خدمة الرسل المؤيدة بالايات و العجائب
بالمقارنة بصعف ايمانهم
اشعر ان اعظم معجزة ان الرب صنع من هاؤلاء شيئا عظيما
اشكر الروح القدس اللى حول ضعيفى الايمان الى ابطال ايمان
فلنطلب الروح القدس لكى نتغير
اظن ان الرب له خطة جميلة في حيات كل واحد فينا
مهما كان ضعفنا
ليه كل المجد