هو ربنا بيتكلم عربي؟

كل مرة اقرب فيها من ربنا اكتشف ان ربنا ده عكس كل التوقعات
ربنا هو ببساطة شخص مظلوم و سطنا
وكل مصيبة تحصل نتهم فيها ربنا انه هو اللى ابتلانا
وأننا ضحية و ربنا يقدر يبعد الشر بس مارضاش
وانه لو كان تدخل فى الوقت المناسب ما كانش كل المصايب دى حصلت

احنا البشر دائماً نلوم ربنا عن مصيبة ابتلانا بها وننتظر منه انه يخلصنا وكل ما ننتظر اكثر تتعقد المصيبة اكثر ونلوم ربنا اكثر
انا لو كتبت كل التشويه اللى حصل لربنا ولو جاوبت على كل سؤال ده محتاج بلوج لوحده
هابتدى بأول سؤال ورمت من سماعه
هو ليه ربنا مابيتكلمش عربى ؟؟
يعنى انا فى مشكلة و قلتله كلمنى ليه ماكلمنيش ؟؟
أظن أهو سؤال بسيط جدا وحوالى ٩٩٪ مننا بنساله
ولما بننتظر إجابته بنشعر انها غير واضحة
يعنى لو ربنا كلمنا بوضوح شديد مش كانت كل مشاكلنا اتحلت؟؟
ايه موضوع كلمنى فى ايه؟
شعرت بسلام داخلى؟
عملت قرعة؟
ذهبت لشخص يتنبا لى
ليه هو معقد الدنيا كدة


يارب بسالك سؤال واضح زى الشمس
شمال ولا يمين
عاوز اعرف رأيك. بتحير فينا ليه
سايب الدنيا فى حالة فوضى
شوف كمية الأديان
طب كمية الطوائف
 

ردى على هذا السؤال
١- هل اطعت ربنا فيما قاله لك من قبل بشكل واضح جدا زى الشمس ؟؟
٢- هل تعلم انه من احد اللعنات فى الكتاب المقدس هو عدم سماع الرب و دائماً بيكون السبب ان الشخص أهمل و احتقر كلمة الرب اولا
أليس هذا ما حدث مع شاول الملك؟
أليس هذا ماحدث مع هيرودس الملك و ببيلاطس ؟؟
انه من رحمة ربنا ان الرب يخفي صوته عندما نطلبه ولاتوجد رغبة حقيقية لسماع صوته لان لو ده حصل هايبقى فى دينونة اعظم


لو طلبت الرب من كل قلبك و ولم تجده اطلب من الروح القدس ان يكشفلك عن اخر مرة كلمك بوضوح وانت لم تطع وانت مهمل صوته

استقبال المسحة

سمعت وعظة جميلة عن استقبال المسحة
خطوات عملية

1-تعتمد كليا على الرب.
2-تحب البر و الحق و تكره الاثم
3-تحى فى شركة و محبة مع الاخوة
4-تخدم وتبارك الاخرين

============
ربنا ينعم علينا جميعا مسحة اليشع ضعف مسحة اليا فى 2015

ليه ربنا خلق كل الأديان ؟؟

فى واحد سالنى ليه ربنا خلق كل الأديان دى هو يعنى لازم يلخبطنا
بلاش كدة المسيحية بس لوحدها كمية الطوائف لا حصر لها ايه الحكمة انه يسمح بكل ده احنا ناقصين لخبطة؟
يعنى هو احنا هاندور على ربنا فى كوم قش
 

ردى المتواضع

الله لم يخلق الشيطان
الله خلق ملاك نورانى جميل خارق للطبيعة له إرادة و حرية
هذا الملاك اختار ان يتكبر و يتجبر و يعلى ذاته على ربنا و بقى شيطان. يبقى ربنا هو اللى خلقه؟؟؟


الله لم يخلق إنسان معوق لم يخلق إنسان مشوه الله لم يخلق شخص مريض
الله خلق الانسان كاملا
الانسان اختار ان ينفصل عن الله
اختار ان يصدق العدو
بعدها سقط طبيعته تغيرت كل الأمراض و الأشواك ز الكوارث ابتدأت تظهر


اللى عاوز يلوم يلوم نفسه بسبب قراراته الخاطئة التى اخذها هو وابوه و اجداده
اللى عاوز يحط المشكلة امام الرب
ضعها أمامه و إياك تتهمه او تلومه عن اى شر او تضليل حصل فى العالم او حصل ليك
ضع المشكله أمامه و انت فى ذهنك هذه الحقائق
الله هو ابوك الشرعى الوحيد فى هذه الحياة حتى ولو كنت يتيم
الله هو مخلصك
الله قريب منك اكثر من انفاسك لو طلبته من كل قلبك ستجده
لو كنت من اى ديانة او من اى طائفة و لو كنت ملحد
اطلبه من كل قلبك ستجده
يارب اهدينا و نور عيوننا جميعا

استجابة صلاة

تعمل ايه وانت متالم جدا و قدام الرب علشان مشكلة اكبر منك كثيرة جدا

وتلاقى ربنا يقولك ده

فَأَرْسَلَ إِشَعْيَاءُ بْنُ آمُوصَ إِلَى حَزَقِيَّا قَائِلاً: «هكَذَا يَقُولُ الرَّبُّ إِلهُ إِسْرَائِيلَ الَّذِي صَلَّيْتَ إِلَيْهِ مِنْ جِهَةِ سَنْحَارِيبَ مَلِكِ أَشُّورَ:هذَا هُوَ الْكَلاَمُ الَّذِي تَكَلَّمَ بِهِ الرَّبُّ عَلَيْهِ: اِحْتَقَرَتْكَ. اسْتَهْزَأَتْ بِكَ الْعَذْرَاءُ ابْنَةُ صِهْيَوْنَ. نَحْوَكَ أَنْغَضَتِ ابْنَةُ أُورُشَلِيمَ رَأْسَهَا.مَنْ عَيَّرْتَ وَجَدَّفْتَ، وَعَلَى مَنْ عَلَّيْتَ صَوْتًا، وَقَدْ رَفَعْتَ إِلَى الْعَلاَءِ عَيْنَيْكَ؟ عَلَى قُدُّوسِ إِسْرَائِيلَ!عَنْ يَدِ عَبِيدِكَ عَيَّرْتَ السَّيِّدَ، وَقُلْتَ: بِكَثْرَةِ مَرْكَبَاتِي قَدْ صَعِدْتُ إِلَى عُلُوِّ الْجِبَالِ، عِقَابِ لُبْنَانَ، فَأَقْطَعُ أَرْزَهُ الطَّوِيلَ وَأَفْضَلَ سَرْوِهِ، وَأَدْخُلُ أَقْصَى عُلُوِّهِ، وَعْرَ كَرْمَلِهِ.أَنَا قَدْ حَفَرْتُ وَشَرِبْتُ مِيَاهًا، وَأُنَشِّفُ بِبَطْنِ قَدَمِي جَمِيعَ خُلْجَانِ مِصْرَ.أَلَمْ تَسْمَعْ؟ مُنْذُ الْبَعِيدِ صَنَعْتُهُ. مُنْذُ الأَيَّامِ الْقَدِيمَةِ صَوَّرْتُهُ. الآنَ أَتَيْتُ بِهِ. فَتَكُونُ لِتَخْرِيبِ مُدُنٍ مُحَصَّنَةٍ حَتَّى تَصِيرَ رَوَابِيَ خَرِبَةً.فَسُكَّانُهَا قِصَارُ الأَيْدِي قَدِ ارْتَاعُوا وَخَجِلُوا. صَارُوا كَعُشْبِ الْحَقْلِ وَكَالنَّبَاتِ الأَخْضَرِ، كَحَشِيشِ السُّطُوحِ، وَكَالْمَلْفُوحِ قَبْلَ نُمُوِّهِ.وَلكِنَّنِي عَالِمٌ بِجُلُوسِكَ وَخُرُوجِكَ وَدُخُولِكَ وَهَيَجَانِكَ عَلَيَّ.لأَنَّ هَيَجَانَكَ عَلَيَّ وَعَجْرَفَتَكَ قَدْ صَعِدَا إِلَى أُذُنَيَّ، أَضَعُ خِزَامَتِي فِي أَنْفِكَ وَشَكِيمَتِي فِي شَفَتَيْكَ، وَأَرُدُّكَ فِي الطَّرِيقِ الَّذِي جِئْتَ فِيهِ.«وَهذِهِ لَكَ الْعَلاَمَةُ: تَأْكُلُونَ هذِهِ السَّنَةَ زِرِّيعًا، وَفِي السَّنَةِ الثَّانِيَةِ خِلْفَةً، وَأَمَّا السَّنَةُ الثَّالِثَةُ فَفِيهَا تَزْرَعُونَ وَتَحْصِدُونَ، وَتَغْرِسُونَ كُرُومًا وَتَأْكُلُونَ أَثْمَارَهَا.وَيَعُودُ النَّاجُونَ مِنْ بَيْتِ يَهُوذَا الْبَاقُونَ يَتَأَصَّلُونَ إِلَى أَسْفَلَ، وَيَصْنَعُونَ ثَمَرًا إِلَى مَا فَوْقُ.لأَنَّهُ مِنْ أُورُشَلِيمَ تَخْرُجُ بَقِيَّةٌ، وَنَاجُونَ مِنْ جَبَلِ صِهْيَوْنَ. غَيْرَةُ رَبِّ الْجُنُودِ تَصْنَعُ هذَا ... (إشعياء 37: 21 - 32 - الكتاب المقدس)

خسرت جولة فقط

لو شاعر انك مجروح
او مهزوم
او منهار فى البكاء
او ضائع
او تائه

ده معناه انك متحارب
مش معنى العدو كسب جولة هو كسب المعركة
ممكن قوى تخسر اول ٣ جولات لتحى طول العمر منتصر

حجمه زى نار الولاعة

الشيطان له قوة وسلطان وده شىء لايستهان به
بس لو انت فضلت تتكلم عن الشيطان فترة كبيرة هاتلاقى نفسك بتكبره على الفاضى
ولو انت ماتكلمتش عليه خالص يبقى مين اللى منكد عليك عيشتك

تعالوا تحطه فى حجمه الطبيعى

الشيطان عامل زى ولاعة السجائر
والله عامل زى اكبر شمس موجودة فى الكون
الشئ الغريب جدا

انك انت واقف فى ناحية الشمس مش ناحية الولاعة
يعنى لو انت ليك فى الرياضة
يبقى انت + ( مالانهاية) = مالانهاية
لكن المشكلة الوحيدة الوحيدة
هى فى عنيك انت باصص على ايه
يمكن تكون باصص للولاعة وخايف منها
او تكون باصص على للشمس اللى هى اساسا فى ناحيتك
فى الحالة دى أرجوك اقض وقت مع الشمس شمس البر الله اللى خلقك مدبر هذا الكون

فى الحالة دى سيتعظم الرب ويتمجد فى حياتك

شركة المؤمنين

اكبر حرب لما فى لحظة تفقد الشعور بربنا
لاتشعر به لما تصلى
لاتشعر به لما تقرا الكتاب
لاتشعر به حولك

غالبا ده بيحصل فى حالات خاصة
ممكن يكون بسبب حرب شديدة موجهة ضدك
ممكن يكون بسبب انك فصلت نفسك عن ربنا و انت مشعارف
ممكن يكون بسبب عهد غير مقدس أخذته على نفسك



فى الحالة دى لما تسقط أرجوك لاترتطم بالأرض
ارتطم بشبكة نجاه
هذه الشبكة هى مجموعة من المؤمنين ممتلئين من روح الله بيصلوا معك و يتشفعوا لك
لذلك شركة المؤمنين فى غاية الأهمية
الكتاب المقدس ذكر ان اول شىء عمله المؤمنين ( المسيحيين ) بعد المعمودية و الامتلاء من روح الله القدوس كان شركة المؤمنين

الشك

قد يكون لك إيمان ينقل الجبال ولكنك لا تستطيع ان تنقل قشة
فأرجوك ماتشتغلش على الإيمان بل اشتغل على الشك

لما بتقبل المسيح و تمتلىء بالروح القدس بتمتلىء بإيمان نارى
ولكنك لا تفقد الشك

لان الشك هو نتيجة طبيعية لتفكيرك العقلاني و عينك البشرية
لو عاوز تتحرر من الشك ١٠٠٪ اطلب من الرب ان يبدل رأسك بكورة قدم
لانه ببساطة مش هايحصل
اقبل انك تعيش مع الشك ولكن اهمله
هذا كل ماتريده

لما صوت عقلك يقوللك مشممكن مش هايحصل مستحيل ؟؟
طيع صوت الروح القدس اللى بيقول
ضع يدك عليه و صلى فى اسم يسوع
طيع صوت الروح القدس اللى بيقول
كلمه عن الخلاص اللى فى المسيح
طيع صوت الروح اللى بيقول
من يمسك يمس حدقة عينى

تعامل مع الشك على انه عدو وانتهره فى اسم يسوع
وماتتهمش الشيطان بكل شىء لاتعطيه اكبر من حجمه

جليات حياتك

اكبر جليات فى حياتك هو انت شخصيا
تغلب عليه لكى يستخدمك الله

انت يامسيحى سبب رئيسى للارهاب

سؤال بسيط
لو شخص يمتلك النور و اخز القرار ان لا يراه احد
فمن يلام؟
الزى يعيش فى الظلمة ام اللى اخز قرار ان يمنع النور.

لو الشخص الزى يمتلك النور لايعرف انه يمتلك النور
او يعرف انه يمتلك النور ولكنه يخاف من اعلان النور.
او خايف من الاضطهاد لو اعلن النور.
هل هزا يخلى مسؤلية من يمتلك النور.
طيب لو الشخص الزى يمتلك النور
اظهر للعالم اسوء ما فى الدنيا و اعلن ان هو ده النور.
ده المفروض يتعمل فيه ايه؟؟
 

اساس الارهاب ان المسيحيين اللى مفترض انهم يكونوا نور العالم بحسب كلام السيد المسيح.
لم يكونوا نور العالم.
مافعله الرومان فى العالم خاصة المسيحيين كان ابشع بكثير من اى اضطهاد اخر
ولكن لان المسيحيين (عصر الشهداء اللى لسة عايشين على حسه)
كانوا نور العالم اصبح العالم نورا حقيقيا.
للاسف لم تستمر ودخلنا من نهاية القرن الثالث و بداية القرن الرابع الى بداية الظلام اللى استمر الى ان ظهر الانجيل فى ايدى الناس فى اخر قرنين من الزمن


اسهل شىء انك تيجى على مشكلة وتدين وتشجب و تلوم وتتهم.
اصعب شىء وده اللى مافيش مخلوق بيعمله الا القليل (مثل مافعله اليبانيون والالمان بعد الحرب العالمية الثانية)
هو انك تعرف ايه مسئوليتك فى المشكلة بمنتهى الامانة
وتاخز القرار ان تعمل دورك بمنتهى الامانة حتى ولو كان صغير جدا حتى ولو يبدوا حقير جدا.
دورك كافى جدا انه يخلص الكون كله لو فعلته بامانة.
عندى ليك خبر فى هزه الايات لو فهمتها هاتزعل ولو مافهمتهاش يبقى مش هاتزعل
ولو فهمتها وفرحت يبقى صلي اننا نبقى زيك
مر 16:
أخيرا ظهر للأحد عشر وهم متكئون، ووبخ عدم إيمانهم وقساوة قلوبهم، لأنهم لم يصدقوا الذين نظروه قد قام
15 وقال لهم: اذهبوا إلى العالم أجمع واكرزوا بالإنجيل للخليقة كلها
16 من آمن واعتمد خلص، ومن لم يؤمن يدن
17 وهذه الآيات تتبع المؤمنين: يخرجون الشياطين باسمي، ويتكلمون بألسنة جديدة
18 يحملون حيات، وإن شربوا شيئا مميتا لا يضرهم، ويضعون أيديهم على المرضى فيبرأون
19 ثم إن الرب بعدما كلمهم ارتفع إلى السماء، وجلس عن يمين الله
20 وأما هم فخرجوا وكرزوا في كل مكان، والرب يعمل معهم ويثبت الكلام بالآيات التابعة . آمين

الله ينظر للقلب

من يومين كنت قاعد على كافيه فى الشارع وفاتح الايباد وبشرب قهوة و على بعد ١٠ خطوات فى شاب قاعد على الارض شكله لابس محترم و نظيف ولكنه شبه مغمى عليه
فكرت انى اتصل بالإسعاف ولكن اكتشفت انه بيفتح عنيه بسيط ويبص فى السما بطريقة عشوائية و يحرك رأسه بطريقة مش طبيعية

قلت لنفسي ده أكيد شارب كثير قوى او واخد مخدرات وعلشان كدة ماحدش معبرة

وبعد ربع ساعة مر من جنبه أشبه بالسامرى الصالح واحد اداله وجبة ماكدونالد و حاجة سقعة
ومرة واحدة الدم جرى فى عروقة ووقف على رجليه و فضل يسلم عليه و يشكره وكان فى منتهى الفرح كأن واحد ميت و عاش تانى

بعدها اتكسفت من نفسي

كل اللى عملته انى احتقرته و ادانته و ماعملتش اى شىء و يوجد شخص اخر محترم قدم عمل محبة ولا همه لو كان سكران ولا مبرشم
وفضلت أقول يا ترى ده حصله بسبب انه مكتأب او متضايق او بقاله قد ايه ما اكلش؟؟
وتذكرت انى بقالى ٤٢ سنة ربنا بياكلنى ٣ وجبات فى اليوم وعمرى ما شعرت بالجوع لعدم وجود اكل
المهم انى بعدها قمت و أعطيتله نبذه عن المسيح و الروح القدس وشكرنى وقالى ربنا يبارك و بيتكلم و هو فايق وواعى

يارب لا تعاملنا بقسوة كما نعامل بعضينا
يارب سامحنا

يا شعب المسيح احنا فى عصر اقوى من عصر اعمال الرسل

نفسي امسك بوق واصرخ باعلى صوتى واقول
يا شعب المسيح احنا فى عصر اقوى من عصر اعمال الرسل
عصر المرضي بتشفى
الاموات بتقوم
المربوطين بينحلوا و يتحرروا

عصر ملىء الروح القدس
عصر الالسنة
والترجمة
و النبوات
و مواهب الشفاء
و كل كورونثوس
وكل رومية
وكل كلمة حية فى الكتاب.


ياشعب المسيح
احنا اللى قتلنا الروح القدس
احنا اللى خرجنا واهب الحياة من حياتنا
احنا اللى اطفأناه
احنا اللى دمرنا كل هزا الكون لان الناس لم ترى فينا حياة
لو كانت الكنيسة بتقوم بدورها ماكانش فى ولا ارهابى فى العالم.
لو الشهداء فى القرن الاول و الثانى موجودين سيكون غير المسيحيين هم الاقلية.


وارجوكم ماتضيعوش الفرصة الاخيرة الاخيرة
اللى فاضلة.
المسيح بيمسح مؤمنين بمسحة يوحنا المعمدان كل يوم
بيمسح خدمة تهيئة الطريق لمجيئة التانى


اركع و اخضع وقول ياروح الله القدوس انا بطلبك
بطلبك من كل قلبى
بطلبك بكل جوارحى
يارب انا اهملتك سنين عمرى كانت مسروقة
والان املأنى وامتلكنى
استخدمنى يارب.
انا بتخلى عن كل تعليم تعلمته
انا بطلب رؤياك وكلامك
انا بطلب حكمتك ونعمتك
انت هو مشتهى الامم
انت هو من ياخز من الاب و يعلن لنا
انت هو من ياخز من المسيح ويعلن لنا

الشك

 

بقالى فترة طويلة بتحارب فيها بالشك

تعريف الشك

 هو المسافة العمودية بين مستويين المستوى الاعلى هو وعود ربنا فى الانجيل
والمستوى المنخفض هو الواقع اللى بنعيشه

 -

ناس كثيرة عاشت فى هزه المرحلة يروا وعود الرب فى الانجيل و يقارنوها بين الواقع يجدوا ان المسافة كبعد المشرق عن المغرب

ولكن هناك ناس كزبوا مايروا و تشبثوا بالصورة الالهية فى الانجيل الى ان تحول وعود ربنا (كلمة الرب فى الكتاب) الى واقع محسوس و منظور

مثلا كنيث هيجن

 من اكبر المبشرين فى العالم وهو صاحب كتاب سلطان المؤمن
كنيث هيجن وهو صغير كان مريض جدا و بيموت والكل اقتنع انه لازم يموت حتى القسيس كنيسته المعمدانية صلى له الصلاة الخلاصية قبل ان يموت.
ولكن كنيث هيجن كان مؤمن باىة فى الانجيل "ايمانك قد شفاك"
ولم يرى فى الانجيل خالص فكرة "مرض الملكوت"
وضل يصارع المرض و يقاومه بالايمان و بوعود الرب كان ينطقها بصوت عالى "انا هو الرب شافيك"
الى ان فى احد الايام سمع صوت بيقول له ان لعلزر قد قام.
فقام من على السرير اخز الفطار مع والديه.
ومنز هزه اللحظة كل حياة كنيث هيجن اصبحت ايات و عجائب و معجزات



انا شخصيا بعتبر ان الشك (المسافة بين وعد الرب و الواقع المؤلم) هو اكثر عدو بيحاربنا
لان ببساطة الحرب الحقيقية هى فى زهننا.
تزكروا مازا قالت الحية (الشيطان مرموز له فى صورة حية) لحواء
احقا ؟؟؟؟؟ او بلغة الدارجة "هو بجد؟ هو بجد لو اكلتم هاتموتوا؟؟"
للحديث بقية

فى فرق رهيب مابين العدو الظاهر و العدو المخفى

اسهل حرب هى الحرب اللى بتتعامل فيها مع شخص واقع واضح وله صفات معينة

مثلا الشيطان كان دايما بيترسم فى الصور الدينية منز القرن الرابع والى الان بوحش له زنب و عنيه حمراء و شكله اسود ومخيف.

بالرغم فى الحقيقة ان كل اللى اتسرقت حياتهم وضاعوا فى الخطية و الرب انقزهم دايما دايما يوصفوا الشيطان بصورة مختلفة تماما.
الشيطان ابعد مايكون عن الشخص اللى عامل زى الوحش او الحية اللى بقرون وزيل و عنيه حمراء

* الشيطان هى واحدة جميلة جدا جدا تجعلك تخطىء لكى ترضيها.
* الشيطان هو شاب وسيم جدا يجعلك تخطئى علشان ترضيه.
*الشيطان هو كلام زى العسل ينزل على قلبك يتلحس بالكامل قبل حتى ماتفكر فيه و تبعدى بالكامل عن ربنا.
*هو مخدرات تاخزك من الواقع الى مكان بعيد هادىء رائع
*هو كحوليات تخدر كل الالمك واتعابك.


* هو صوت افكارك التلقائية اللى تقف ضد فكر الرب و نعمته فى الانجيل.
* هو الشك الزى ياتى فى عقلك كل مرة تسلك بالايمان ويقولك هو حقا؟؟
ياريت نخرج شكل الشيطان التقليدى
وننظر لافعاله و تصرفاته.
لو افكارك وعقلك بيحرمك من ان تستمتع بربنا او بيحرمك من ان ترى عمله فى حياتك
يجب ان تقف وتحاربه
انا مصدق كلمة ربنا اكثر من منطقى العالمى
انا مصدق وعود ربنا اكثر بكثير من قول الاطباء
الاطباء بيقولوا
للاسف انت ( او شخص تحبه) مريض ب
* اكتئاب
* اعاقة
* خوف مزمن
* ازمة منز الصغر
* حالة ربو مستمره
*ورم خبيث
* لوكيميا
*.......
ولكن وعد الرب ليك
) إنجيل لوقا 9: 11
فالجموع إذ علموا تبعوه، فقبلهم وكلمهم عن ملكوت الله، والمحتاجون إلى الشفاء شفاهم.
15) سفر ملاخي 4: 2
«ولكم أيها المتقون اسمي تشرق شمس البر والشفاء في أجنحتها، فتخرجون وتنشأون كعجول الصيرة.
مت 11:
نعم أيها الآب، لأن هكذا صارت المسرة أمامك.
27 كل شيء قد دفع إلي من أبي، وليس أحد يعرف الابن إلا الآب، ولا أحد يعرف الآب إلا الابن ومن أراد الابن أن يعلن له.
28 تعالوا إلي يا جميع المتعبين والثقيلي الأحمال، وأنا أريحكم.
29 احملوا نيري عليكم وتعلموا مني، لأني وديع ومتواضع القلب، فتجدوا راحة لنفوسكم.

يوم مع توروبون المبشر

توروبون المبشر قسمنا مجموعات وطلب مننا ان نصلى لاجل الناس فى الشارع
ونكلمهم عن المسيح
انا كنت خايف اقرب من الناس و اوقفهم بس فى غيرى كانوا بيوقفوا الناس واللى يقبل ان نصليله كنا بنصليله

اللى شوفته بعينى

  شاب عنده الم فى ظهره بسبب ان رجل اطول من رجل بحوالى 1 سم
فالاخ اللى بيصلى امر الرجل القصيرة انها تطول فطولت والولد اتعجب جدا وانا فعلا تعجبت
.
ولد عمره مايزيدش عن 14 سنة وقفناه وقال انه عنده الم و عادى اننا نصليله بس قال ايه الهيئة اللى تتبعوها
فجاء الاخ قال له هاصلي باسم يسوع
سمع الكلمة وجرى من غير ما حد يصليه. شكله استرالى و ملحد . واللى انا مش فاهمه لو هو مش مئمن بوجود ربنا اساسا هو هايخسر ايه لو حد صلى له؟؟


مجموعة شباب و قفوهم واحد اعترف انه عنده الم شديد فى الرقبة
بعد الصلاة صلاة قصيرة 3 مرات تم شفائه وكان فرحان وفضل يضحك.


فى وقت الممودية فى الماء
ناس كثير جدا اتجمعوا من الشاطيء بيسالوا ليه الجموع اللى واقفه دى بتعمل ايه؟؟
فكان هناك فرصة للتبشير
وفعلا ناس من اللى كانوا بيسالوا اتعمدوا بالتغطيس و امتلئوا بالروح القدس.
وبالصدفة احد القنوات المحلية كانت بتصور لما لقت الجموع ابتدات تصور الحدث


باختصار
اخى المسيحى اقرا اعمال الرسل و اشكر ربنا ان كلمته مازالت حية وفعالة
نحن نحي هزا العصر الان
لو مش عارف يعنى ايه اعمال الرسل
اهوه اللينك :)
http://st-takla.org/…/0…/Sefr-A3mal-El-Rosol_Chapter-01.html

الإصحاح 1 من سفر أعمال الرسل ~سفر الأعمال~

انت واحد من هزه التربة

التربة الاولى:
شخص سمع كلمة الرب ولم يستجيب

التربة الثانية:
شخص سمع كلمة الرب وبسبب الضيق و والاضهاد كلمة الرب اتحنقت

التربة الثالثة:
شخص سمع كلمة الرب وبسبب غرور الغنى او هموم العالم اتحنقت كلمة ربنا

التربة الرابعة:
شخص سمع كلمة ربنا وابتدات تنمو البزور فطرحت شجر و ثمار

انت واحد من هزه التربة

اكتب فى ورقة تربتك
واكتب مازا تفعل لكى تكون تربة رقم 4 فى سنة 2015

التاديب

لو ابنك طلب منك المصروف ( وغالبا بيطلب. ضعف المصروف أثناء اليوم)
وانت قلتله مش هاعطيك اى شىء

هايعمل ايه؟؟

هايقولك ليه؟؟
ده انت اللى خصصت المصروف لى ووعدتنى ان أخذه كل يوم
ساعتها هاتقًله أما 

١- انت تحت تأديب أو تهذيب إلى ان تحسن سلوكك و تشرح له عمل ايه
( وفى الحالة دى انت كاب ملزم بتسديد كل الاحتياجات الأساسية له) 

٢- مش ها تحتاجه النهاردة لأنى اشتريتلك كل اللى هاتجييه

٣- استحمل اليومين دول من غير مصروف و لو قدرت تدبر حالك وتتصرف كويس ليك مكافأة كبيرة لأنك ساعتها هاتكون اتعلمت تواجه الظروف الصعبة بصبر ( وفى الحالة دى انت كاب ملزم بتسديد كل الاحتياجات الأساسية له) 

٤- معلش يابنى المصروف ها يتأخر و مش هاقولك دلوقت و ستفهم فيما بعد ( وفى الحالة دى انت كاب ملزم بتسديد كل الاحتياجات الأساسية له)


الابن
يا أبى لو كان هذا تاديبا فانا أشكرك لأنى ابن و لست عبد فالأبن هو الذى يؤدب و يذهب لأنى وارث و كل مالك فهو لى 

لو كان هناك تأخير فاعطينى صبر و احتمال إلى ان أتدرب و اتقوى
ولو لم اعرف السبب فانا أشكرك لأنك دائماً تسدد الاحتياج و تحافظ على فانا أنام فى حضنك و اصحى على إشراقة وجهك 

انت أبى و حبيبى و صديقى
لك كل المجد يارب

الباب الوحيد اللى لايمكن يتقفل أبدا

الباب الوحيد اللى لايمكن يتقفل أبدا
مفتوح على طول

٢٤ ساعة فى اليوم ٧ أيام فى الاسبوع ٣٦٦ يوم فى السنة  لو كبيسة

المكان

فى اى مكان حتى على فراش الموت
حتى ولو فى وادى ظل الموت

مت ١١
28 تعالوا إلي يا جميع المتعبين والثقيلي الأحمال، وأنا أريحكم.
29 احملوا نيري عليكم وتعلموا مني، لأني وديع ومتواضع القلب، فتجدوا راحة لنفوسكم.

رسالة فى حلم

شارك اخ حلم جميل له معنى روحي جميل
حلم انه في وسط البحر علي صخرة وحوالية تنانين من كل ناحية في السما وفي البحار وكل رأس بتهجم عليه بفكرة شريرة اما خطاياه السابقة أو حوادث مؤلمة أو مواقف مفشلة ويأس و احباط وكلهم جاهزين لافتراسه

بعد كدة سمع صوت من السماء استخدم السلاح اللي حامله علي ظهرك.

 فاستهزات التنانين بهذأ الصوت وقالوا سلاح ايه اللي هايحاربنا كلنا ولو حاربنا كلنا هاتعمل ايه وأنت في نص المحيط هاهاها

فمد الشاب يده وأخذ السيف وضرب به التنانين فقطعت رؤوسهم وهربت التي في الماء في كل الاتجاهات ولم يبقي الا هو فنط في المياه فوجد نفسه علي البر

وبعدها استيقظ

مين استفاد من ميلاد المسيح

فى قصة ميلاد المسيح دائماً بيبقى فى تأملات جميلة منها اتضاع الرب و خطة خلاصة و أمور كثيرة 

ولكن اهم شىء هو مدى استفادتنا بهذه القصة

هل المسيح أتى لكل البشر ؟؟
هل استفاد كل البشر بميلاد و بخلاص المسيح؟؟ 

خلاص المسيح عامل زى الكهرباء الموجودة ٢٤ ساعة
ولكن ليس لها أي قيمة الا لو وصلتها بمصباح كهربائى ينور أو مكنة تشتغل أو كمبيوتر يشتغل فى الحالة دى يتحول مصدر الكهرباء و قوته الفعالة للجميع إلى منفعة شخصية جدا
والآن ميلاد المسيح تم منذ ٢٠١٤ سنة
هل هو قصة تاريخية ؟؟
أم قصة ابتدأت ومازالت مستمرة
لو مازالت مستمرة يبقى اهم شىء ان المسيح يتولد فى حياتنا

الميزان

الجهاز الجميل ده موجود تقريبا فى كل بيت

وهو السبب الأول فى رعب البيوت وغالبا تسمع صراخ كان واحد خبطته عربية بعد مايقف عليه 

وفى ناس بتقف عليه مرة كل شهر أو مرة كل أسبوع ولما بتهرب منه بيقف كل يوم

المهم
كثير قوى افكر كيف نقيس بمقياس الروح ؟؟
انا شخصيا بعرف على طول انى بعيد عن ربنا لما أكون قلقان و بحاول أحل المشكلة اللى قلقانى بعقلى ده بيبقى مؤشر انى بعيد كل البعد عن الرب حتى ولو وأخد خلوة ١٠ أيام 

ولما يبقى فيه اخبار مزعجة و منطقية كالحقاءق واجد نفسي ألقيت المشكلة على الرب ومتوقع ان الرب سيتدخل و يغير الأحداث و اشعر بهدوء فى قلبى. اعرف انى قريب من الرب
مش عارف أنت مقياسك ايه ؟

الرب متمهل علينا

اكبر دليل ان الرب رحيم وطويل الروح
انه لم يهلك العالم الحاضر اللى بقى اكثر شرا من سدوم وعمورة
واكثر شرا من وقت نوح

ماذا يحدث لو جئت بشخص مسالم رقيق المشاعر واريته فلم حقيقى لمذابح و تعذيب بشر؟
سوف لايتحمل ولا حتى لثانية واحدة وممكن يصرخ و يبكى.

تخيل ان كلى القداسة الذى لايعرف الخطية يرى بعينيه الفاحصة الكون كل انواع الخطايا و الشر.
 
لايقدر ان يخفى عينيه او حضوره فهو موجود فى كل مكان.
ولكنه يصبر ويصبر لعل الخاطىء يتوب لعل الخاطىء يرجع.


يارب اشكرك على رحمتك
لو كنت مترصدا لاخطاءى لكنت هلكت
لانك تنتظرنى بالرحمة كل ثانية لعلى ارجع و اتوب
سامحنا واغفر لنا بحسب رحمتك و ليس بحسب خطايانا

دم يسوع

للقس سليم شوفاني

نتكلم كثيراً عن دم المسيح ولكننا بالحقيقة لا نعرف الا القليل عن ما يعني لنا كمسيحين دم المسيح وان كنا كمسيحين مخلصين بدم يسوع لا نعرف كثيراً ما قدمه يسوع بدمه لنا لن نستطيع ان نعيش حياة منتصرة وحياة نستطيع من خلالها ربح النفوس للمسيح والان هناك امور كثيرة قد فعلها لنا الرب يسوع بدمه ليست فقط غفران الخطايا ولكن الكثير ...

اولاً دم يسوع للتكفير :

الذي قدمه الله كفارة بالايمان بدمه لأظهار بره (رومية5:3)ومن ضمن ما تعني الكفارة الغطاء فدم الرب غطانا وارضى الله .

ثانياً دم المسيح للتبرير :

فبالاولى كثيراً ونحن متبررون الان بدمه نخلص من الغضب _والتبرير معناه ان اصير وكأنني لم اعمل خطية وكأني باراً كالمسيح تماماً(فيلبي9:3) يالعظمة قوة الدم!

ثالثاً  دم المسيح لغفران الخطايا  :ا

لذي لنا فيه الفداء بدمه غفران الخطايا حسب غنى نعمته (افسس7:1) فبدون سفك دم لا تحصل مغفرة (عبرانيين22:9).  

رابعاً دم المسيح للقرب من الله :

ولكن الان في المسيح يسوع انتم الذين كنتم قبلاً بعيدين صرتم قريبين بدم المسيح(افسس13:2) فمهما كان بعدك عن الله فبدم المسيح تقترب اليه جداً.  

خامساً  دم المسيح للمصالحة:

وان يصالح به الكل لنفسه عاملاً الصلح بدم صليبه (كولوسي20:1) فلقد عادينا الله بأفكارنا واعمالنا واما الله فقد صالحنا بدم المسيح.  

سادساً  دم المسيح لتطهير الضمير :

فكم بالحرى يكون دم المسيح الذي بروح ازلي قدم نفسه لله بلا عيب يطهر ضمائركم من اعمال ميته لتخدموا الله الحي (عبرانيين14:9) ان الضمير المذنب والمشتكي (رومية15:2) والضمير الشرير (عبرانيين 22:10)والضمير الموسوم الميت (1تيم2:4) الكل يتطهر بدم المسيح.  

سابعاً  دم المسيح يعطينا الثقة بالدخول الى الاقداس:

فاذا لنا ايها الاخوة ثقة بالدخول الى الاقداس بدم يسوع (عب10:19) وكان الاممي لا يدخل حتى الجيل العاشر الى الدار الخارجية (تثنية3:23) الان بالدم ندخل بثقة الى الاقداس عينها ذات محضر الله ياللمجد!!!  

ثامناً  دم المسيح للتقديس :  

 لذلك يسوع ايضاً لكي يقدس الشعب بدم نفسه تألم خارج الباب. فمن جهة صرنا بدمه شعبه الخاص المخصص له كجنس مختار امه مقدسة(1 بط 9:2) ومن جهة اخرى نحن في نظر الله قديسون في المسيح (افسس4,3:1) فلن نستطيع ان نتمتع بالقداسة الشرعية في نظر الله الا بواسطة بدم المسيح وبقوة الروح القدس علينا ان نكون قديسين. لأن هذه هي ارادة الله قداستكم(1تسالونيكي3:2) ونظير القدوس الذي دعاكم كونوا انتم قديسين في كل سيرة .

تاسعاً  دم المسيح للفداء :

عالمين انكم افتديتم لا بأشياء تفنى بفضة او ذهب من سيرتكم الباطلة التي تقلدتموها من الاباء بل بدم كريم كما من حمل بلا عيب ولا دنس دم المسيح معروف سابقاً قبل تأسيس العالم...(1 بطرس15:1)

عاشراً دم المسيح للتطهير من الخطية :  

ودم يسوع المسيح ابنه يطهرنا من كل خطية(1يوحنا7:1) وترى الخطية هنا كنجاسة تحتاج الى تطهير بالدم هذا هو موضوع حديثنا.

الحادي عشر (دم المسيح للتغسيل من الخطية) :ا

لذي احبنا وقد غسلنا من خطايانا بدمه(رؤيا5:1) وترى الخطية هنا كقذارة تحتاج الى التغسيل بالدم.

الثاني عشر دم المسيح ثمن الشراء : 

لأنك ذبحت واشتريتنا لله بدمك من كل قبيلة ولسان وشعب وامة (رؤيا 9:5) باله من ثمن غال وعظيم. 

الثالث عشر  دم المسيح لتبييض :

وقد غسلوا ثيابهم وبيضوا ثيابهم في دم الخروف (رؤيا 14:7) وتبييض الثياب هو تعبير رمزي في سفر الرؤيا يعني القبول امام الله وتغيير السلوك والاعمال والمظهر .؟ ففي كل التدابير الالهية القبول امام الله واعمالنا تصير صالحة بعد التطهير بدم المسيح. الرابع عشر(دم المسيح للغلبة على ابليس) وهم غلبوه بدم الحمل وبكلمة شهادتهم(رؤيا 11:12) فأبليس لن يستطيع ولو للحظة ان يمنعنا من التمتع ببركات الدم بل هو مهزوم ونحن غالبون بقوة بدم المسيح. اخيراً دم المسيح مجاناً لكَ ولكن تذكر انه مجاناً لكَ ولكن قد كلف الله الاب ابنهُ يسوع الحبيب .

القس سليم شوفاني

Assyrian christian

شبكة الامان

أحيانا الواحد بيمر بتجربة يشعر فيها ان كل شئ بيتحطم
مثل ارتطامه بجبل أو سقوطه من حافة جبل الي الهاوية

لو هذا حدث معك توقع شبكة الامان

وهي يد الرب القدير الموجود في كل مكان و في أي وقت

ان لم يكن لك قوة لكي تصرخ له أو حتي تفكيرك أصبح مشلولا
أعمل شىء واحد فقط توقع يداه التي تمسكك
مجرد التوقع هو أيمان
والتوقع اللي مبني علي وعود الرب هو ايمان حقيقي

لو صرخت و صوت ولم تتوقع استجابة ده عدم ايمان

وفي النهاية الله امين وعادل ان لايدعكم تجربون أكثر مما تحتملون

يرى الناس اعمالكم الصالحة

قصة حقيقية حكاها مبشر

حكى هذا الاخ انه تم اعتقاله فى روسيا فى وقت الحكم الشيوعي بسبب التبشير

وكان فى نفس الخلية معه معتقل سياسي ملحد.

 الخلية ضيقة جدا ويعملوا فيها حمام و كان كل أكلهم رغيف عيش ناشف و كوب ماء يوميا

تبرع هذا الاخ ان يعطيه نصف رغيفه كل يوم. وفى الصيام يعطيه رغيفه و يعطيه كوب الماء
بعد عدة شهور
هذا الاخ قال للملحد. ممكن أكلمك عن يسوع
فرد عليه وقال له. انا تعبان و مصدع و مكتئب و مش عاوز اسمع اى شىء ولكن بسبب انك شخص عطوف و كريم و بتحبنى ساسمحلك انك تتكلم عن يسوع بس على شرط واحد
" فى جملة واحدة "
تحير المبشر وطلب من الرب إرشاد
فأرشده الروح القدس
فقال له
" يسوع شبهى بس على كبير"
فتأثر الملحد وقال له
لو هو بيحبنى و بيعطف على و كريم معى أكثر بكثير جدا منك. فانا عاوز اعرفه
 

هل كل واحد فينا يقدر يقول انا صورة المسيح ؟؟

قوة الروح القدس للشفاء - أشفيني

قوة الروح القدس للشفاء - أشفيني

بث مباشر من قناة الكرمة 17 ديسمبر 2013 أعداد وتقديم: الأخت إيفون والدكتور مينا أختبار الأخت ريم Alkarma tv channel Holy Spirit power for healing

الله لايمكن يفشل أبدا

الله لايمكن يفشل أبدا
فلو وضعت ثقتى فى نفسى ساجد نفسى. طالع نازل
ولكن من الأفضل ان أثق فى الرب و لما افكر فى مستقبلى افكر من خلال الرب

في الحياة

في الحياة اما ايامنا تبقي جميلة.
أو بننتظر ان تكون جميلة
ولكن عمرها ما كانت وحشة

المسافة بين العقل و القلب

المسافة بين العقل و القلب حوالى شبرين
ولكن الروح القدس وحده هو اللى يأخذ كلمة الرب من العقل و يوصلها للقلب

صليب مش صليبك

ياريت ماتشيلش صليب مش صليبك

أرجوك مش على الفاضى والمليان تقول انا شايل صليب

لو مرض تقول صليبى
لو زوجة او زوج مطلع عينك تقول صليبى

اولا: الرب مش هو اللى بيدى صلبان والدليل على كدة ان المسيح نفسه مش هو اللى عمل الصليب
ده نتيجة شر العالم شال الصليب
التجارب و الضيقات لازم نقاومها بالايمان ونبطل مفعولها

الأمراض يجب ان نصلى الى ان يشفينا الرب
ولو تأخر شافئنا نصبر فى الضيق الى ان نخلص.
 
الزوج والزوجة يجب الصلاة و طلب تغيير ليك شخصيا قبل شريك حياتك


طيب لو ربنا مش هو اللى بيعمل صلبان ليه قال يحمل صليبه و يتبعنى؟

الصليب هو اختيارك انك تعيش فى الباب الضيق و الطريق الضيق
اتوماتيك هاتلاقى ان الدنيا ماشية بالعكس
أصدقاء هايتركوك
هاتحصلك مشاكل فى العمل لما ترفض الكذب او الاحتيال على العميل
هاتحصل مشاكل فى المجتمع لو بيضطهدوا المسيحيين
الرب مش هو اللى بيعطى صلبان
ولا هو المجرب بالشرور


عارف ان فى واحد ذكى هايسالنى سؤال اذكى
طيب لو الرب مش هو اللي بيجرب بالشرور
ليه فى أبانا الذي فى السموات
طلب مننا ان " لاتدخلنا فى تجربة ولكن نجنا من الشرير "
طالما طلب مننا ان نوجه له هذه الصلاة يبقى هو اللى بيدخلنا فى تجارب شريرة
لا وألف لا
انا لما واحد كان منفعل و سالنى السؤال ده ماردتش عليه علشان ماكانش عندى رد له
ولكن لما سالت ربنا أجابني 

قال كدة (على هيئة افمار تتدفق فى زهنى) علشان محدش يطلب من الرب لعنة ليه او لغيره
يعنى فى رهبان كانوا بيطلبوا من الرب ان يمرضهم بحجة ان المرض له بركات
وناس بتحاول تلعن الاخرين ( بيدعوا عليهم)
فربنا بيحاول يفهم الناس إياك تطلب اللعنات او الضيقات علي حياتك او الاخرين
بل بالعكس ربنا هو اللي بينجى من الشرير
تماماً مثلما قال للناس لى لو ١١
لو انتم اشرار بتعطوا عطايا حسنة لأولادكم ما بالكم أبيكم اللى بيعطى الروح القدس و خيرات للذين يطلبونه
ربنا مش بيهب الانسان الا الخيرات
أرجوكم تأملوا حياة المسيح على الارض
هل المسيح كان بيجيب للناس أمراض ولا هو كان الطبيب الشافى؟؟

هو اللى كان بيجرح الناس ولا هو اللى كان بيشفيهم؟

مسيحى هو المسيح الشافي

لكل صورة ارضية توجد صورة الهية

لكل صورة ارضية توجد صورة الهية
لو انحصرت فى الصورة الارضيّة تبقى انهزمت
لايمكن ان تصبر على اى الم او اى اوجاع او انك تشكر فى وقت الضيق و انت فاقد الصورة الالهية السماوية


فالإيمان مش معناه أنى شخص مغيب او معتوه او جاهل او شخص يضارب الهواء كما قال القديس بولس


الإيمان يبتدىء بالثقة فى الرب و فى مواعيده وفى شخصه
ولكن لماذا الثقة ؟. مش الفهم يبقى اسهل لينا كبشر
نعم الفهم مهم جدا و لكن دى بتبقى المرحلة الطفولية لكن فى مرحلة اخرى بتبقى مرحلة الثقة


لما كنت طفل فى الإيمان كنت بسأل ربنا اساله و كنت متوقف عند كل الاسالة
يارب لو مجاوبتش أسألتى مش هأكمل معاك
وفضلت ألح عليه جدا الى ان التقيت بالرب و جاوب على كل أسألتى
بعدها اتغيرت
عرفت ان الله بيحبنى
وعرفت ان الله ليس عدوى بل فى صفى
عرفت مين هو اللى معى ( الرب ووعوده) ومين هو عدوى ( الشيطان و أفكاره )
رغم ان ده مش محتاج ذكاء ولكن احيانا لما الانسان بيتعب جدا والدنيا بطلطش معك بيبقى كل شىء فى ذهنك متلخبط


بعد كدة ابتديت مرحلة الإيمان تنمو و علاقتى بالرب بقت علاقة ثقة اكثر ما هى فهم
تعلمت هذا من الرب
لما كنت بطعم بنتى عدة شهور
مسكت يدها لكى تأخذ الحقنة فضلت تصوت وتعيط وتبصلى
كأنها بتقوللى ليه يابابا ؟؟
فقلت لها متأسف ! فجاء الطبيب قال ماتقولش متأسف انت بتعمل كدة لأجل مصلحتها حتى لو هى مش فاهمة
قول this is ok
وهنا سمعت صوت الرب الواضح فى ذهنى
رفقى تقدر تشرح و تفهم بنتك هى ليه انت سامح انها بتتالم رغم انك بتحبها وتقدر تمنع الالم
قلتله لا
وبعدها قاللى هكذا انا ايضا معك
لن أفهمك كل شىء فى وقته ولكن فى الوقت المناسب ستعرف لماذا سمحت


ولكنى طلعت بإعلان مهم جدا للأسف عدد قليل من الناس هم اللى وصلوا اليه رغم انه واضح زى الشمس الله غير مجرب بالشرور
كل التجارب و الآلام تاتى من العدو
والأسواء من هذا هو الضغط النفسي المستمر فى مفرمة اسمها "هو ليه ربنا سايبك?"
ربنا مش سايبنى
ربنا مش سايبنى
ربنا مش سايبنى
يارب انا اللى هايخلينى ادخل سنة ٢٠١٥ بقلب جامد هو انك موجود ومش سايبنى
يارب لو انت ماتحركتش انا مش هاتحرك
لو انت ماتقدمتش مش هاتعتع
انت هو قائدنا وانا بعلن مجدك
فالمسيح هو مسيح ٢٠١٥