النبى الكذاب

النبى الكذاب: هو مستطلح اصله انجيلى وكان مشهورا فى العهد القديم

والنبى الكذاب بيبقى ليه صورتين

الصورة الاولى : اما شخص دايما بيقولك اللى انت عاوز تسمعه ودايما بيذكر الانجازات الرهيبة فى حياتك و تميزك الغير عادى و حكمتك وتقواء و مقدرتك و ..... وتنتهى نهاية بشعة زى نهاية اخاب الملك او ايزابل او معظم ملوك  العهد القديم.

وفى حياتنا بنرى ناس كثيرة جدا بتفشل فى دراستها او بتفشل فى عملها او حياتها الاجتماعية او الزوجية او فشل حتى فى ارتباط  و اكيد فشل مع ربنا ولومه على كل شىء وحش بيحصل.   لمجرد وجود نبى ( او انبياء ) كذبة فى حياتك.

الصورة الاخرى: شخص بيفشلك ولايذكر الا عيبوك لايذكر الا ضعفك لايرى الا وقوعك لايرى خطوة واحدة ناجحة فى حياتك دايما بيقارنك بالاخرين و يفكرك اد ايه الاخرين احسن منك 

وهذه الصورة ظهرت فى الكتاب المقدس فى العهد القديم فى من اشاع المذمة واقنع الشعب اللى ربنا عمل معاهم اعظم معجزات انهم لو حاربوا كلهم سيبادوا لانهم ضعفاء جدا.

اتذكر انى شوفت شخص ذكى جدا وقام بانجازات كثيرة وليه اخ له نفس الظروف تقريبا فاشل فى كل شىء و لما سالته هة ليه اخوك مش واثق فى نفسه لهذه الدرجة فرد وقال لان امى قالتله و هو صغير انه غبى فامن واعتنق الفكرة كعقيدة ولم يستطع احد ان يخرج الفكرة من ذهنة. 

 ومن الواضح  جدا ان الصورتين للانبياء الكذبة بيادوا الى نفس الطريقة  هو الفشل.موضوع النبى الكذاب فى حد ذاته ممكن نتكلم فيه بتوسع واظن ان عدد كبير جدا من العلماء و الوعاظ اتكلموا فى هذه النقطة

الشىء اللى مهتم به قوى هودورى انا فى وجود الانبياء الكذبة

وهذه اهم شىء 

انه صعب جدا ان يكون هناك الاف الانبياء الكذبة فى حياتك ولكن لايؤثروا عليك و سينتهوا من نفسهم لان قوتهم بتاتى من رد فعلك.

الصورة الاولى:

فى العهد القديم نرى الصورة كاملة وغريبة

وهى الانسان الشرير (وغالبا بيبقى الملك) كل شخص يقوله كلمة تفيده او كلمة منفعة حتى ولو كانت جارحة  بدلا مايفكر فيها او يراجع نفسه او يتوب للرب  كان بيستخدم اسهل الحلول  هو قتل النبى  وفى عهد النبى ايليا تفشى ظاهرة القتل حتى توهم ايليا انه الوحيد النبى اللى عايش.

اذا اخاب الملك هو اللى خلق الانبياء الكذبة لانه قتل كل شخص يقوله كلام يضايقه حتى ولو فى منفعته.

والغريب ان بعد ما النبى الكذاب يكذب بعد فترة من الزمن من الكذب يبتدى يصدق الشخص النبى الكذاب اللى خلقه.

واكبر دليل ان الناس بتصدق الانبياء الكذبة اللى خلقوها ان اخاب بالفعل حارب الاراميين رغم ان اللى قال له روح وهاتهزمهم كانوا الانبياءه الكذبة فقط.

الحل:

المجتمع و العالماء دائما بيحذروا اى شخص ان ينعزل لان الانعزال معناه رؤية احادية لن ترى الرؤية كاملة الا لما تسمع الراى والراى الاخر.

والسيد المسيح قطع الشك باليقين باية بتبتدى بكلمة "ويل لكم"

 لو 6:26  ويل لكم اذا قال فيكم جميع الناس حسنا.لانه هكذا كان آباؤهم يفعلون بالانبياء الكذبة

يعنى باختصار شديد انظر لكل اللى حواليك لو اللى حواليك هم الناس اللى دايما بينفخوا فيك فقط اعرف انك فى خطر.

لو حسيت ان فى اية فى الكتاب مختلفة  او مضادة لسلوك معين بتفعله  قف شوية وفكر و امتحن نفسك لعلا تكون هذه اخر فرصة ليك.

وفى الحقيقة وباعتراف الجميع  ان الانسان بطبعة يحب يسمع اللى يقوله كلام يعجبه ولايحب الكلام اللى مش بيعجبه ولو انت من هذه النوعية  فلا تقلق فالقديس بطرس

عمل هذا لم يصدق ماقاله المسيح عن الصلب فقال له حشاك يارب فقال له المسيح  

 مت 16 

21  من ذلك الوقت ابتدأ يسوع يظهر لتلاميذه انه ينبغي ان يذهب الى اورشليم ويتألم كثيرا من الشيوخ ورؤساء الكهنة والكتبة ويقتل وفي اليوم الثالث يقوم.22  فأخذه بطرس اليه وابتدأ ينتهره قائلا حاشاك يا رب.لا يكون لك هذا.23  فالتفت وقال لبطرس اذهب عني يا شيطان.انت معثرة لي لانك لا تهتم بما لله لكن بما للناس

طبعا انت ممكن تتعجب و تقول حتى بطرس؟؟؟؟؟  الاجابة امال "هو طريق ضيق ازاى؟؟"  طريق ضيق بس الرب وعد انه هايمشى معانا. 

مين اللى قدر يعمل كدة فى الانجيل؟؟ 

 مين اللى سمع اللى محتاج يسمعه مش اللى عاوز يسمعه؟؟.    

شخص رغم انه اتبهدل جدا  وناس كثير بتطعن فى الكتاب المقدس بسببه وهو داود النبى الراءع    فى عز ملكه وقدرته و سلطانه سمع من شخص بسيط توبيخ الرب و وتاديبه وفى لحظتها تاب وفى لحظتها سمع الرب لتوبته وقال له لن تموت.    ياه لو مجرد سمحت لنفسك ان تسمع الاخر ممكن فى لحظتها الرب يغير مجرى حياتك

الاخر ممكن يكون مين؟؟   ممكن شخص تكون بتثق فيه ممكن شخص لايملك اى شىء الا كلمة ربنا ممكن حتى يكون طفل.وطبعا مش معنى كلامى ان تسمح لشخص  يفشلك   وهذه الصورة الاخرى 

الصورة الاخرى: 

يوجد مثل شعبى بيقول ان عمر ماحد يركبك الا لو كنت موطى اصلا,

فلا تعطى فرصة ان شخص يدمرك.احيانا هذا الشخص يكون شبح عبارة عن شوية افكار سيئة بتهاجمك.او شخص فعلا قريب منك .وفى الحالة دى الحل الوحيد ان تاكل كل يوم من وعود ربنا تتمسك بها ولاتصدق الا هذه الوعود.هذا مافعله يشوع و كالب لم يروا  ضخامة العدو بل تمسكوا بوعود من عداهم البحر الاحمر و من خرج مياه من الصخرة.هذا مافعله  من بنوا بيت الرب بعد خرابه

نح 2: 

18  واخبرتهم عن يد الهي الصالحة عليّ وايضا عن كلام الملك الذي قاله لي.فقالوا لنقم ولنبن.وشددوا اياديهم للخير19  ولما سمع سنبلّط الحوروني وطوبيا العبد العموني وجشم العربي هزأوا بنا واحتقرونا وقالوا ما هذا الأمر الذي انتم عاملون أعلى الملك تتمردون.20  فاجبتهم وقلت لهم ان اله السماء يعطينا النجاح ونحن عبيده نقوم ونبني.واما انتم فليس لكم نصيب ولا حق ولا ذكر في اورشليم.هذه الاية اتقالت فى ظروف كلها مفشلة.ولكن نحميا لم يسمع للعدو ولا للانبياء الكذبة ولكن سمع الرب اللى جعل قلب الملك أرتحشستا يتحرك لاجل بناء بيت الرب. 

والقديس بولس يعطينا مثلا  ووصية عظيمة. عب 12:2  ناظرين الى رئيس الايمان ومكمله يسوع الذي من اجل السرور الموضوع امامه احتمل الصليب مستهينا بالخزي فجلس في يمين عرش الله.ان من بشر بالمسيح فى العالم ماكانوش متعلمين اصلا 

 اع 4:13  فلما رأوا مجاهرة بطرس ويوحنا ووجدوا انهما انسانان عديما العلم وعاميّان تعجبوا.فعرفوهما انهما كانا مع يسوع.

 فلو اللى كانوا جهلة و فقراء وصيادين ربنا خلص بهم العالم

هل ربنا لايستطيع ان يستخدمك؟

اكيد ربنا له خطة عظيمة ولا تقيس امكانياتك و لكن قيس خطة ربنا فى حياتك

وربنا يستحدمنا فى كرمه ,